“Na tamvʋlɔ mɔɔ ili aɣinzi mɔɔ Nyamɩnlɩ ɩbazɩkɛ yɩ nɩ yɛ lɛ owulo.”—1 Kɔlɛntɩmaa 15:26

Mɩnla ɔhʋanɩ zʋ yɛɛ Bayɩbʋlʋ nɩ ɩma yɛ ɛɣɛɛlɛ yɩkyɩlɛ baaba mmɩlɩ mɔɔ abiye iwu nɩ a?

• 2 Kɔlɛntɩmaa 1:3, 4

  Sɛ ye busunwanii anzɛnyɩɩ yɛ ɔhɔnwʋ be iwu a, yɛtɩ nɣanlɩ kɛɛ mmʋwalɩyɛ bela íni ɛkɛnɩ. Bayɩbʋlʋ nɩ ɩkyɩkyɩ yɛ ɛɣɛɛlɛ baaba.

• Isaiah 25:8; 26:19

  Gyehova ɩwɔ tumi mɔɔ ɩkɛva ɩkɛyɩ owulo wɔ ɛkɛnɩ dabaa. Sa ɩma mmenii mɔɔ bowu dadaada po nɩ besia bɛba nnwʋanlɩ nu dɔkʋ̃.

“Kuakula baalɛ mise wʋ kɛɛ twodwú!”—Maakɩ 5:41

Mɩnla ti mɔɔ yɛkɔhʋla yekele awudunwolɩyɛ nɩ yekeli a?

• Dwɔɔnʋ 11:1-44

  Gyisɛsɩ idunwonli Lazʋlɔsʋ.

• Maakɩ 5:22-24, 35-42

  Gyisɛsɩ idunwonli kuakula baalɛ be.

• Dwɔɔnʋ 11:41, 42

  Gyisɛsɩ ɩvalɩ tumi mɔɔ Gyehova ɩva ɩmanlɩ yɩ nɩ idunwonli awuvʋlɔ.

• Dwɔɔnʋ 12:9-11

  Mmenii sʋ̃maa bɔnwʋnlɩ Gyisɛsɩ kɛɛ itunwo awuvʋlɔ. Nɩ Gyisɛsɩ yɩ adamvʋlɔ po bezi kɛɛ ɩkʋla itunwo awuvʋlɔ.

“Sa ɛfɩlɛ, na mikele wʋ zʋ. Iluwakɛɛ wʋ ɛɣɛɛlɛ ɩkɔlɔ wʋ sa munwa egyima.”—Job 14:13-15

Aninyiammɔ yɛ bokodunwo bɛ a?

• Dwɔɔnʋ 5:28, 29

  Mmenii munwatĩĩ mɔɔ bɔ nwʋ adwɩnɩ ɩwɔ Gyehova yi ti nu nɩ bekezia bɛkɛɣa nnwʋanlɩ nu dɔkʋ̃.

• Egyima 24:15

  Bokodunwo baabayɛlɛmaa nɩɩ tanɩyɛlɛmaa.

• Isaiah 40:26

  Kɛmɔ Gyehova ɩkʋla ɩkakɛ ɔhɔnlɔnwa bela yi dima nɩ, ɔzɔ sʋ̃ la yɛɛ ɩkɔhʋla ɩkɛhakɛ ndwokɔ bela mɔɔ ɩfalɩ mmenii mɔɔ ikezia ikodunwo bɛ ma bɛkɛɣa nnwʋanlɩ nu nɩ bɔ nwʋ a.

“Mʋkɔɔ mikeziyeziye dɩka mɩkɛma mʋnlʋmmɔ.”—Dwɔɔnʋ 14:2

Aninyiammɔ yɛɛ bokodunwo bɛ ma bɔkɔhɔ sʋlɔ a?

• 1 Pita 3:18

  Enii mɔɔ ili bɔmʋnlɩ mɔɔ bodunwonli yɩ ma ɩhɔlɩ sʋlɔ nɩ yɛ lɛ Gyisɛsɩ.

• Luuku 12:32

  Gyisɛsɩ ɩhanlɩ kɛɛ, yɩ adʋwavʋlɔ bo nu ɛgyɩkɩ̃ɩ̃ bela

• yɛ bokodunwo bɛ ma bɔkɔhɔ bɔkɔwʋwa sʋlɔ a.

  Yikile 14:1