“Wu Bulombunlililɛ ɩɣɩla, bɛyɛ́ wʋ apɛdɩ wɔ azɩlɛ yɩ zʋ, kɛmɔ bɛyɛ yɩ wɔ sʋlɔ nɩ.” —Matiyu 6:9-13

Nyamɩnlɩ yi Bulombunlililɛ nɩ, mɛyɩ yɛ lɛ mɩnla?

• Yikile 11:15

  Nyamɩnlɩ yi Bulombunlililɛ, anzɛnyɩɩ yɩ aɣanɩ nɩ, ɩzʋ̃ sʋlɔ ikeli azɩlɛ yɩ zʋ tumi.

• 1 Timoti 6:15

  Gyisɛsɩ yɛ ɩdɩ Nyamɩnlɩ yi Bulombunlililɛ nɩ zʋ Bulombunli a.

• Yikile 14:1, 4

  Mmenii 144,000 yɛ bɛ nɩɩ Gyisɛsɩ bekeli tumi wɔ sʋlɔ a.

• Hibulumaa 4:15; 5:8

  Gyisɛsɩ nɩɩ mmenii 144,000 nɩ, bɛtɩ kezimɔ yɛtɩ nɣanlɩ nɩɩ ndwokɔ ɛzɩzɩbɛ mɔɔ yeyiyia nɩ ɩtʋ bʋwɔ.

“Ikowuwa kwahwɩhwɩmaa [anzɛnyɩɩ ahyinyiamaa] bɛ ndɛnɩ wɔ pɛlɩpɛlɩlilɛ nu.”—Isaiah 11:4

Mɩnla ti mɔɔ Gyisɛsɩ yɛ ɩsɛ ɩfata kɛɛ ɩyɛ Bulombunli wɔ Bulombunlililɛ yɩ zʋ a?

• 1 Timoti 6:16

  Awulombunli munwala bɔkʋla bowu, naasʋ̃ Gyisɛsɩ dɩyɛ, ilówu kyɩ̃. Nninyeni baaba mɔɔ Gyisɛsɩ ɩkɛyɛ ɩkɛma yɛ nɩ munwala ɩkɔwʋwa ɛkɛnɩ dabaa.

• Isaiah 11:2-4

  Gyisɛsɩ ɩkʋla ɩyɛ nninyeni baaba kʋlaa ɩtɛla mɔɔ bulombunli bela ɩkɔhʋla ɩkɛyɛ. Sɛ yɛfa awulombunli munwala yɛbɔ numɔ a, Gyisɛsɩ ɩwɔ tumi ɩtɛla bo munwatĩĩ. Ɩdɩ pɛlɩpɛlɩ na ɩwɔ kunlumiyɩbalɛ.

“Sʋlɔ Nyamɩnlɩ nɩ ɩkɛhyɩhyɛ bulombunlililɛ be mɔɔ bɛlɛ́sɩkɛ yɩ kyɩ̃.”—Daniel 2:44

Mɩnla nninyeni zɛ yɛ Bulombunlililɛ nɩ ɩyɛ daada a? Mɩnla nninyeni yɛ ɩkɛyɛ yɩ wɔ eɣile be a?

• Yikile 12:7-12

  Bɛyɛlɩ Gyisɛsɩ Bolumbunli wɔ ɔlʋbɔ 1914 mɛda nɩ, ɩdʋlɩ Setanɩ wɔ sʋlɔ idianlɩ azɩlɛ yɩ zʋ. Eyi ti mɔ ndwokɔ ɛzɩzɩbɛ, ɛyɛkɛ nɩɩ amanɩyɛnwʋnlɛ iwuli ɔzʋlɔ wɔ azɩlɛ yɩ zʋ yɩ a.

• Ecclesiastes 8:9; Yikile 16:16

  Wɔ Amagadɔnʋ nɩ, Nyamɩnlɩ yi Bulombunlililɛ nɩ ɩkɛzɩkɛ enii aɣanɩ mɔɔ bɛdɩ atinuzɩzɩbɛ nɩɩ nsisi munwala wɔ ɛkɛnɩ.

• Psalm 37:10

  Mmenii mɔɔ bɔkɔ ɔzʋlɔ bɛyɛɛ nninyeni tanɩ nɩ sa bɛsɩkɛ bɛ.

• Yikile 22:1-3

  Sɛ Nyamɩnlɩ yi Bulombunlililɛ idii azɩlɛ yɩ zʋ tumi a, yɛ nwʋ ɩlɛ́pa yɛ anzɛnyɩɩ yelówu sʋ̃, na sa adasamaa munwala bɛhyɛ Nyamɩnlɩ yi dima animinyiamɩ.