NNINYENI MVƲLƆ 3
Kezimɔ Ɛkɛva Sa Ɔkʋla Enyia Anyɩnlɩlelɛ Daabaa! Ɛkɛyɛ Bayɩbʋlʋ Dɩyɛzumanlɛ!
Bɔwɔlɩ mpayɩ na bɛyɛlɩ ɛbɩbɛlɛnu sʋ̃maa ansaana bɛbayɛ Sa Ɔkʋla Enyia Anyɩnlɩlelɛ Daabaa! buuku yi. Mɔɔ ɩkɔwʋwa wʋ na wʋava buuku eyi wʋali egyima bʋwɔ nɩ, fá mɔɔ ilili zʋlɔ eyi di egyima mmɩlɩ mɔ ɛyɛɛ Bayɩbʋlʋ dɩyɛzumanlɛ nɩ.
Ansaana ɔkɔhɔ kɛyɛ dɩyɛzumanlɛ yɩ nɩ
-
1. Siyeziye wʋ nwʋ bʋwɔ. Sɛ esiyeziyee wʋ nwʋ a, dwɩnɩndwɩnɩ bʋwabɩlɛ mɔɔ Bayɩbʋlʋ dɩyɛzumanlɛvʋlɔ yɩ wɔ numɔ, mɔɔ ihyinyia mɔɔ ɩkɛma ɩkɔhɔ zʋ ikenyia anyunumihɔlɛ nɩɩ mɔɔ ide idi nɩ nwʋ. Bɔ mmɔdɩnɩ kɛɛ ɔkɔnwʋ nninyeni be mɔɔ ebiye a, ɩkɛyɛ sɩ kɛɛ ɩkɛdɩ yɩ tʋ anzɛnyɩɩ ɩkɛva ɩkɛyɛ egyima nɩ. Sunzu kezimɔ nninyeni mɔɔ ɩwɔ “Pɩbɛ́ Sʋ̃maa” ɔfʋã nɩ kɔwʋwa wʋ Bayɩbʋlʋ dɩyɛzumanlɛvʋlɔ nɩ nwʋ na sɛ nwʋmɔ ba hyinyia a, wʋava wʋali egyima wɔ mmɩlɩ mɔ bosumaa dɩyɛ nɩ.
Mmɩlɩ mɔ ɛyɛɛ dɩyɛzumanlɛ yɩ
-
2. Sɛ Bayɩbʋlʋ dɩyɛzumanlɛvʋlɔ yɩ de tiã nu a, fá mpayɩwɔlɛ bɔ yɩ tʋ na fá wie.
-
3. Áma ɛtɩndɛ sʋ̃maa. Fá wʋ adwɩnɩ siye ɔfʋã mɔɔ bosunzuu nwʋmɔ nɩ zʋ la, na ma ɔhʋanɩ ma Bayɩbʋlʋ dɩyɛzumanlɛvʋlɔ nɩ ɩdɩndɛ.
-
4. Sɛ bɔzʋ̃ ɔfʋã be zʋ bɔkɔɔ ɔfʋã fʋlɔ zʋ a, kɩnga ndwokɔ mɔɔ ɩwɔ mɔɔ yekozuma ɔfʋã kɛnɩ nɩ kile yi na bʋbɔ adile azʋlɔtʋ mɔɔ ɩwɔ ɔzɔ ɔfʋã yɩ nɩ be zʋ sʋ̃ kile yi.
-
5. Sɛ bowie ɔfʋã bela a, fá yɩ dɔkɔwɔlɛ ɔfʋã yɩ bʋwa yɩ ma ɩhakɛ nɔhʋanlɛ mɔɔ izumanlɩ wɔ ɔzɔ ɔfʋã yɩ nu.
-
6. Sɛ ɛ nɩɩ dɩyɛzumanlɛvʋlɔ yɩ sumaa ozumalɛdɩyɛ bela a:
-
Bɛɣɩngá nkyɩkyɛmi yi.
-
Bɛɣɩngá ɛhɛlɛlɛ odwokɔ mɔɔ bɛhɛlɛ nwʋmɔ “Kɩnga” nɩ.
-
Sɛ nwʋmɔ ɩba ihyinyia a, kɩnga ɛhɛlɛlɛ odwokɔ mɔɔ bɔhwɩ̃ adwɩnɩ beziye ɔzʋlɔ nɩ be.
-
Behilá vidiyo mɔɔ bɛhɛlɛ nwʋmɔ “Yɩ Vidiyo” nɩ munwala (sɛ ɔwɔ biye a).
-
Odwokɔɣizialɛ bela mɔɔ ɩwɔ numɔ nɩ, bizia dɩyɛzumanlɛvʋlɔ yɩ.
-
Ma ihila mfonyini mɔɔ ɩwɔ “Sumá Sʋ̃maa” ɔfʋã kɛnɩ nɩ na ɩhã nwʋmɔ odwokɔ.
-
Fá alɩka mɔɔ ise “Bʋtayɩ” nɩ bʋwa yɩ ma ɩva yɩ anyɩ ili sunzuma ɔfʋã nu anyunumihɔlɛ mɔɔ inyiaa nɩ mɛda. Sa ɔkʋla ɛhyɛ yɩ ɛzɩzɩbɛ ma ikila bʋtayɩ mɔɔ ɩwɔ ɔzɔ alɩka yɩ nu nɩ zʋ ɩfa bʋtayɩ mvʋlɔ isiye yɩ anyɩ zʋ anzɛnyɩɩ ɩfa ɔzɔ bʋtayɩ yɩ nɩɩ yɩzayɩ yɩ dɩyɛ nɩ munwala isiye yɩ anyɩ zʋ.
-
Biziá yɩ kɛɛ mmɩlɩ mɔ isiyeziyee yɩ nwʋ ɩkɛma dɩyɛzumanlɛ yɩ nɩ, asʋ̃ yɩ anyɩ lelili vidiyo mɔɔ ɩwɔ “Pɩbɛ Sʋ̃maa” ɔfʋã ɛkɛnɩ be nwʋ a?
-
Mmɩlɩ bela mɔ bekeyiyia nɩ, bɔwɔ́ mmɔdɩnɩ kɛɛ bokowie ozumalɛdɩyɛ ɔkʋ̃.
-
Wɔ dɩyɛzumanlɛ yɩ mɛda nɩ
-
7. Kɔ ɔzʋlɔ dwɩnɩndwɩnɩ wʋ Bayɩbʋlʋ dɩyɛzumanlɛvʋlɔ yɩ nwʋ. Siã Gyehova kɛɛ iyila wʋ Bayɩbʋlʋ dɩyɛzumanlɛvʋlɔ yɩ ma inyia anyunumihɔlɛ na ɩma ɔnwʋ kezimɔ ɔkɔwʋwa yɩ.
