Kɔ Ɔzʋlɔ Bɔ Mmɔdɩnɩ Kɛɛ Ɔkɔwʋwa Mmenii

BƆ́

Egyinalɛzʋ-odwokɔ: “Eɣile bela bɔhɔlɩ ɔzʋlɔ behilehileli na bɛhanlɩ Odwokɔba nɩ.”—Egy. 5:42.

Mɔɔ Pɔɔlʋ Yɛlɩ

VIDIYO: Pɔɔlʋ Hɔlɩ Zʋ Hanlɩ Odwokɔba Nɩ Wɔ Ɛfɩsɛsɩ

1. Kila VIDIYO yi, anzɛnyɩɩ kɩnga Egyima 19:8-10. Akʋ̃ bozunzu ndwokɔɣizialɛ mɔɔ ilili zʋlɔ yɩ nwʋ:

Kɛ ankɩ Pɔɔlʋ yɩ padi kogolɔ mmɩlɩ mɔ mbiyemmɔ dwodwuli diyialɩ yɩ nɩ, mɩnla ɔhʋanɩ zʋ yɛ ɩhɔlɩ ɔzʋlɔ ɩwʋwalɩ bɛzabɛ mɔɔ behileli odwokɔ yɩ nwʋ anyɩnlɩlelɛ nɩ a?
Mbɔmɩ ana yɛ Pɔɔlʋ zia hɔ hilehileli bɛzabɛ mɔɔ bɛ anyɩ lelili odwokɔ yɩ nwʋ nɩ a, na mmɩlɩ tɩndɩnlɩ ana yɛ ɩva ɩyɛlɩ ɔzɔ a?

Mɩnla Yɛ Yesuma Wɔ Pɔɔlʋ Kɛnɩ a?

2. Ide mmɩlɩ nɩɩ mmɔdɩnɩwɔlɛ na ama yɛahʋla yɛayɛ siakehila mɔɔ itu mpʋnɩ na yɛawɔ Bayɩbʋlʋ dɩyɛzumanlɛ tʋ.

Sumazuma Pɔɔlʋ

3. Nyia ɛpɛ kɛɛ ɔkɔhɔ kegyela yɩ wɔ mmɩlɩ mɔ ɩdɩ baaba ɩma yɩ. Bizia wʋ nwʋ kɛɛ: Mɩnla mmɩlɩ yɛɛ ɛhɩnla dɩka yɛ ɩkɛbɛ kɛɛ yɛkɔwɔ nkɔmmɔ a? Sɛ ɔzɔ mmɩlɩ nɩ ɩ́dɩ baaba ɩma wʋ po a, nyia ɛpɛ kɛ ɔkɔhɔ kegyela yɩ.

4. Ɛ nɩɩ yɩ yɛ mmɩlɩ nwʋ nhyɩhyɛlɩyɛ. Wɔ nkɔmmɔwɔlɛ bela yɩ awielɩyɛ nɩ, bɔ mmɔdɩnɩ kɛɛ ɔkɔnwʋ mmɩlɩ pɔkyɩɩ mɔ bekezia bɔkɔdʋwa nkɔmmɔwɔlɛ nɩ zʋ. Bɔ mmɔdɩnɩ kɛɛ ekeli nhyɩhyɛlɩyɛ mɔɔ bɛkɛyɛ yɩ zʋ.

5. Kɔ ɔzʋlɔ nyia yɩ nwʋ adwɩnɩba. Áma enyia adwɩnɩ kɛɛ abiye yɩ anyɩ iáleli odwokɔ yɩ nwʋ iluwakɛɛ ɩyɛ sɩ kɛɛ ɔkɔhɔ kɔdʋ yɩ wɔ awudo anzɛnyɩɩ eɣile bela nɩ íni alagyɩ nɩ ti. (1 Kɔl. 13:4, 7) Kɔ ɔzʋlɔ bɔ mmɔdɩnɩ kɛɛ wʋ sa kɛhã yɩ naasʋ̃ kila kɛɛ ɛkɛva wʋ mmɩlɩ ekeli egyima bʋwɔ.—1 Kɔl. 9:26.

SA ƆKƲLA SƲ̃ KILA

Egy. 10:42, NWT; 1 Kɔl. 9:22, 23, NWT; 2 Kɔl. 4:1; Gal. 6:9

DƆ MMENII—YƐ BƐ ADƲWAVƲLƆ