OZUMALƐDƖYƐ 44

Asʋ̃ Nyamɩnlɩ Ide Ɔlʋbɔlilɛ Munwatĩĩ Itiã Nu a?

BƆ́

Gyehova ɩpɛ kɛɛ yede yɛ anyɩ wɔ ɛbɩlawɔlɛ nu. Naasʋ̃ ɔlʋbɔlilɛ munwala yɛ yɩ anyɩ ideli nwʋ a? Kɛ yɛkɛyɛ na yɛahʋla yɛala ɔlɔlɛ mɔɔ yɛwɔ yɛma Gyehova nɩ ali wɔ odwokɔ eyi nu a?

1. Mɩnla ti mɔɔ Gyehova iále ɔlʋbɔlilɛ azʋlɔtʋ be itiã numɔ a?

Ɩkɛyɛ wʋ nnwʋánlɩ kɛɛ ɔkɔnwʋ kɛɛ, ɔlʋbɔlilɛ azʋlɔtʋ sʋ̃maa ígyĩ Bayɩbʋlʋ ehilehilelɛ zʋ anzɛnyɩɩ ɩzʋ̃ awʋzʋmɩzʋ̃mɩnlɛ nu. Ɔlʋbɔlilɛ eyi be zʋ̃ awohwizʋ̃mɩnlɛ nu, azunzuma ndwokɔ nɩɩ adwɩnɩ mɔɔ mmenii bɛlɛ yɩ kɛɛ sɛ abiye iwu a, nɩ ilówuli nɩ nu. Ɔlʋbɔlilɛ eyi be sʋ̃ igyĩ dedi mbʋanlɩ mɔɔ mɛyɩ yɛ lɛ kɛɛ, sɛ abiye ɩáfa yɩ nwʋ iwula amannɩ be nu a, odwokɔ tanɩ be ɩkɔdʋ yɩ nɩ zʋ. (Ayɩzaya 65:11) Gyehova ɩbɔ yɩ azʋ̃mɩvʋlɔ kɔkɔ kɛɛ: “Bɔhwɩ̃ bɔ nwʋ wɔ bɔ nwʋ. Máma mʋnlʋmmɔ bɛfa bɛ sa bɛkã dɩyɛ mɔɔ nwʋmɔ ɩádɩ nɩ.”—2 Kɔlɛntɩmaa 6:17. a

2. Kɛ Gyehova ɩtɩ nɣanlɩ ise wɔ ɔlʋbɔlilɛ mɔɔ bɛfa bɛhyɛ enii animinyiamɩ nɩ nwʋ a?

Gyehova ɩbɔ yɛ kɔkɔ kɛɛ máma “yɛfa yɛ nwʋ yetiã desanii zʋ.” (Kɩnga Gyɛlɩmaya 17:5.) Ɔlʋbɔlilɛ be wɔ ɛkɛnɩ a, bɛfa bɛhyɛ adumivʋlɔ nɩɩ azogyiamaa animinyiamɩ. Bedi ebiye sʋ̃ bɛfa bɛkakɛ manlɩ be yɩ ndwɩyɛlɛ azʋlɔtʋ anzɛnyɩɩ fanwʋdi be mɔɔ beleli. (1 Dwɔɔnʋ 5:21) Ebiye sʋ̃ wɔ ɛkɛnɩ a, bɛfa bɛhyɛ manlɩyɛlɛ okuwu anzɛnyɩɩ ahyɩhyɛdɩ be animinyiamɩ. Sɛ Gyehova ɩnwʋ kɛɛ yɛhyɛɛ mmenii anzɛnyɩɩ ahyɩhyɛdɩ be animinyiamɩ, yi titili wɔ ɔhʋanɩ mɔɔ ɩ nɩɩ Yɩ apɛdɩ iáyiyia zʋ a, kɛ ɩkɛdɩ nɣanlɩ ikeze a?

3. Mɩnla nyɛlɩyɛ yɛ ɩáma Gyehova ide ɔlʋbɔlilɛ be itiã nu a?

Bayɩbʋlʋ tɩndɛ tiyia “nzanlʋnlɛ sʋ̃maa sʋ̃maa, paati mɔɔ yɩ tʋ yɛ begyiabegyia, [nɩɩ] nzanlʋnlɛmaa bɔ ɔhɔnwʋvalɛ.” (1 Pita 4:3, NWT) Wɔ ɔlʋbɔlilɛ be tʋ nɩ, iluwakɛɛ mmenii bɛáhʋla bɛhyɛ bɔ nwʋ zʋ nɩ ti, ɩma bɛfa bɔ nwʋ bowula adwomanlɩwɔlɛ nu. Sɛ yɛpɛ kɛɛ yɛkɔlɩ ɔzʋlɔ yɛyɛ Gyehova yɩ ɔhɔnwʋ a, ɩsɛ kɛɛ yɛtwɩ̃ yɛ nwʋ kʋlaa wɔ ɛbɩlawɔlɛ eyimmɔ mɔɔ nwʋmɔ ɩádɩ nɩ nwʋ.

SUMÁ SƲ̃MAA

Kilá kezimɔ ɔkɔhʋla ɛkɛma Gyehova anyɩ ikele iluwa pɔkɔ baaba mɔɔ ɩfalɩ ɔlʋbɔlilɛ nwʋ mɔɔ ekezi nɩ.

4. Pʋ́ ɔlʋbɔlilɛ azʋlɔtʋ mɔɔ ɩáhyɛ Gyehova animinyiamɩ

Kɩnga Ɛfɩsɛsɩmaa 5:10, na akʋ̃ bozunzú ndwokɔɣizialɛ eyimmɔ nwʋ:

Mɩnla yɛ ɩsɛ kɛɛ nwʋmɔ ihyinyia yɛ mmɩlɩ mɔ yesii pɔkɔ kɛɛ yekeli ɔlʋbɔ be nɩ a?
Ɔlʋbɔlilɛ azʋlɔtʋ ɛhɩnla dɩyɛ yɛ ɩta ɩkɔlɩ zʋlɔ wɔ dɩka mɔɔ ɛda nɩ a?
Asʋ̃ Gyehova anyɩ ideli ɔzɔ ɔlʋbɔlilɛ azʋlɔtʋ yɩ nwʋ a?

Kɛ ndianwʋ nɩ, asʋ̃ ozunzu mɔɔ Bayɩbʋlʋ ɩkã ɩfalɩ awʋbɔɣile mɔɔ bedi nɩ nwʋ a? Bayɩbʋlʋ ɩáhã Gyehova yɩ sʋ̃mɩvʋlɔ mɔɔ ilili awʋbɔɣile nwʋ odwokɔ, naasʋ̃ ɩhanlɩ mmenii anwɩ̃ be mɔɔ nɩ bɛázʋ̃mɩ Yɩ mɔɔ belili bɛ awʋbɔɣile nwʋ odwokɔ. Kɩnga Gyɛnɛsɩsɩ 40:20-22 nɩɩ Matiyu 14:6-10. Na akʋ̃ bozunzú ndwokɔɣizialɛ eyimmɔ nwʋ:

Mɩnla yɛ izili wɔ awʋbɔɣilelilɛ eyimmɔ tʋ a?
Wɔ ɛhɛlɛlɛ ndwokɔ eyimmɔ nu nɩ, sɛ ekila a kɛ Gyehova ɩtɩ nɣanlɩ ise wɔ awʋbɔɣilelilɛ nwʋ a?

Ebiye a ekeɣizia wʋ nwʋ kɛɛ, ‘Sɛ mɩfa mʋ nwʋ muwula awʋbɔɣilelilɛ anzɛnyɩɩ ɔlʋbɔlilɛ azʋlɔtʋ be mɔɔ ígyĩ Bayɩbʋlʋ zʋ nu a, kɛ ɩkɛhã Gyehova ikeze a?’ Kɩnga Ɛkɩsadɔsʋ 32:1-8. Akʋ̃, yɩ́ VIDIYO nɩ na bozunzú ndwokɔɣizialɛ eyimmɔ nwʋ.

VIDIYO: Ɔlʋbɔlilɛ Azʋlɔtʋ Mɔɔ Nyamɩnlɩ Yɩ Anyɩ Iáleli Nwʋmɔ (5:07)

Mɩnla ti mɔɔ ɩsɛ kɛɛ yɛbɔ mmɔdɩnɩ yɛnwʋ nninyeni mɔɔ Gyehova ide itiã numɔ a?
Kɛ ɩkɛyɛ na yɛayɛ ɔzɔ a?

Mɔɔ ɩkɛma ɔkɔnwʋ kɛɛ Nyamɩnlɩ anyɩ iáleli ɔlʋbɔlilɛ be nwʋ

Igyĩ awohwi ehilehilelɛ zʋ a? Mɔɔ ɩkɛma ɔkɔnwʋ eyi nɩ, pɩbɛ́ dɩka mɔɔ ɩzʋ̃.
Asʋ̃ bɛfa bɛhyɛ mmenii, ahyɩhyɛdɩ, anzɛnyɩɩ manlɩ ndwɩyɛlɛ be animinyiamɩ a? Yɛhyɛ Gyehova animinyiamɩ yɛtɛla dɩyɛ bela na yede yedi kɛɛ mɛyɩ yɛ ikeli oyuwadɩ yɩ ndwokɔzɩzɩbɛ nwʋ egyima a.
Asʋ̃ amannɩ nɩɩ nyɛlɩyɛ mɔɔ ɩvʋãmɩ nwʋmɔ nɩ ɩ nɩɩ Bayɩbʋlʋ iyiyia a? Ɩsɛ kɛɛ yɛkɔlɩ ɔzʋlɔ yɛma yɛ nwʋ ɩtɩ wɔ ɛbɩlawɔlɛ nu.

5. Bʋwa mvʋlɔ ma bɔnwʋ mɔɔ ede edi

Sɛ abiye ɩhyɛɛ wʋ kɛɛ ɛvá wʋ nwʋ owula ɔlʋbɔlilɛ be mɔɔ Gyehova iále itiã numɔ nu a, ɩyɛ a ɩlá azɩ kɛɛ ɛkɛhã kɛɛ ɛlɛ́yɛ. Si abʋtalɩ na duwa nɣɛlɛbɛ ɔhʋanɩ zʋ kilehile wʋ pɔkɔzilɛ nu kile yɩ. Sɛ ɛpɛ kɛɛ ekila eyi nwʋ ndianwʋ a, yɩ́ VIDIYO nɩ.

VIDIYO: Duwa Nɣɛlɛbɛ Ɔhʋanɩ Zʋ Kilehile Wʋ Dedi Nu (2:01)

Kɩnga Matiyu 7:12, na akʋ̃ bozunzú ndwokɔɣizialɛ eyimmɔ nwʋ:

Kɛmɔ ɛhɛlɛlɛ odwokɔ eyi ikile nɩ, asʋ̃ ɩkɛyɛ baaba kɛɛ ɛkɛhã ekehile wu mmusunwamaa mɔɔ bɛ́dɩ dedimaa kɛɛ máma bedi ɔlʋbɔ be a?
Mɩnla yɛ ɔkɔhʋla ɛkɛyɛ na wʋama wu mmusunwamaa mɔɔ ɛ nɩɩ bɛ lɔ́bɔ numɔ keli ɔlʋbɔ be nɩ, bɛadɩ nɣanlɩ kɛɛ ɛlanwʋ la ɔdɔ bɛ na bɔtʋ bʋlɔ bɛma wʋ a?

6. Gyehova pɛ kɛɛ yɛ anyɩ ide

Gyehova pɛ kɛɛ yɛ nɩɩ ye mmusunwamaa nɩɩ yɛ ɔhɔnwʋmmɔ yɛbɔ numɔ yede yɛ anyɩ. Kɩnga Odwokɔhanlɛvʋlɔ 8:15, na akʋ̃ bozunzú odwokɔɣizialɛ eyi nwʋ:

Mɩnla ɔhʋanɩ zʋ yɛ ɛhɛlɛlɛ odwokɔ eyi ɩma yɛnwʋ kɛɛ Gyehova pɛ kɛɛ yɛ anyɩ ide a?

Gyehova pɛ kɛɛ yi mmenii bɔbɔ numɔ bede bɛ anyɩ. Yɩ́ VIDIYO nɩ na kilá kezimɔ yɛ amanlɩ amanlɩ ayiyialɩyɛ di eyi nwʋ dasɩlɛ.

VIDIYO: Ngyɛvʋlɔyɛlɛ Mɔɔ Bɛda Yɩ Ali Wɔ Amanlɩ Amanlɩ Ayiyialɩyɛ Tʋ (5:40)

Kɩnga Galatiyiamaa 6:10, na akʋ̃ bozunzú ndwokɔɣizialɛ eyimmɔ nwʋ:

Asʋ̃ ɩsɛ kɛɛ yɛdɩkɛ ma ɔlʋbɔlilɛ be itwu ansaana ‘yɛayɛ baaba’ yɛama mmenii a?
Mɩnla mmɩlɩ yɛ ɛkyɛ dɩyɛ a, ɩkɛma wʋ anyɩ ikele paa a, asʋ̃ ɩdɩ mmɩlɩ mɔ ɔlʋbɔlilɛ be ti yɛ ɩsɛ kɛɛ ɛkyɛ dɩyɛ anzɛnyɩɩ mmɩlɩ mɔ ɔzʋ̃ wʋ ahʋnlɩnɩ nu ɛyɛɛ ɔzɔ a?
Ɩyɛ a Gyehova Dasɩvʋlɔmaa ebiyemmɔ bɛyɛ nhyɩhyɛlɩyɛ ma bo nnwuakula bede bɛ anyɩ na bɛkyɛ dɩyɛ bɛ mmɩlɩ po mɔɔ bɛ anyɩ ɩála. Sɛ ɛlɛ nnwuakula a, mɩnla nninyeni yɛ ɔkɔhʋla ɛkɛyɛ ɛkɛma bɛ ma bɛ anyɩ ikele a?

ABIYEMMƆ BƐKÃ KƐƐ: “Dɩka mɔɔ ɔlʋbɔlilɛ be ɩzʋ̃ mɛyɩ, iáhyinyia. Mɔɔ ihyinyia yɛ lɛ kɛɛ ɛ nɩɩ wu mmusunwamaa nɩɩ ɔhɔnwʋmmɔ bɔwɔ numɔ bedee bɛ anyɩ.”

Mɩnla yɛ ɛkɛhã a?

YƖ DƆKƆWƆLƐ

Gyehova pɛ kɛɛ yɛ nɩɩ ye mmusunwamaa nɩɩ yɛ ɔhɔnwʋmmɔ yɛbɔ numɔ yede yɛ anyɩ. Naasʋ̃ ɩpɛ kɛɛ yɛtwɩ̃ yɛ nwʋ wɔ ɔlʋbɔlilɛ mɔɔ yɩ anyɩ iáleli nwʋmɔ nwʋ.

Kɛ Okowuwa Ekeze a?

Mɩnla ndwokɔ yɛ yɛkɔhʋla yekeɣizia yɛ nwʋ mmɩlɩ mɔ yɛpɛ kɛɛ yɛnwʋ ɔlʋbɔlilɛ mɔɔ Gyehova iále itiã numɔ nɩ a?
Kɛ ɩkɛyɛ na yɛawʋwa ye mmusunwamaa nɩɩ yɛ ɔhɔnwʋmmɔ ma bɛadɩ yɛ pɔkɔzilɛ mɔɔ ɩfalɩ ɔlʋbɔlilɛ nwʋ nɩ tʋ a?
Mɩnla yɛ ɩma ɔnwʋ kɛɛ Gyehova ɩpɛ kɛɛ yede yɛ anyɩ a?

Eɣile mɔɔ yewieli dɩyɛzumanlɛ nɩ:

Bʋtayɩ

Fá mɔɔ ozuma yɩ pɩbɛlɩ ɔlʋbɔlilɛ azʋlɔtʋ mɔɔ bedi wɔ dɩka mɔɔ ɛda nɩ nu.

Bʋtayɩ mvʋlɔ:

Your other goal