ƆFƲÃ 3
Nɩ Kɛ Ɛbɩlawɔlɛ Ɩdɩ Ese Wɔ Paladayɩsɩ a?
Gyehova ɩmanlɩ Adamɩ nɩɩ Yifi nninyeni baaba sʋ̃maa zɛ. Egyima 17:25
Gyehova ɩwɔlɩ baalɛ mɔɔ ili bɔmʋnlɩ, Yifi, na ɩvalɩ ɩmanlɩ Adamɩ kɛɛ yɩ yɩ.—Maakɩ 10:6, 7.
Gyehova ɩwɔlɩ bɛ mɔɔ bɛadwɩnɩ nɩɩ bɔnwʋnlamɩ wudo idi munli, mɔ tanɩ béla íni ɔnwʋmɔ.
Nɩ bɛ Paladayɩsɩ awudo nɩ yɛ lɛ Ɛdɩnɩ toolo yɩ—dɩka mɔɔ ɛkɛnɩ yɛ kɩnlɩma baaba mɔɔ baka nɩɩ nnuno mɔɔ iso mma ɩnɩ nnamɩ sʋ̃maa wɔ ɛkɛnɩ.
Nɩ Gyehova ɩtɩndɛ ikile bɛ; ihilehileli bɛ. Sɛ bediyeli a, ankɩ sɛ bɔbʋwa azɩ mmɩlɩ munwatĩĩ wɔ Paladayɩsɩ azɩlɛ yɩ zʋ.
Nyamɩnlɩ izeli bɛ kɛɛ, “íni kɛɛ bedi owudo ɔkʋ̃ be zʋ mma.” Genesis 2:16, 17, NW
Awɔvʋlɔ bo nu ɔkʋ̃ idwodwuli idiyialɩ Nyamɩnlɩ. Ɔzɔ bɔvʋlɔ tanɩ nɩ yɛ lɛ Abɔnsamɩ.
Gyehova ihileli Adamɩ nɩɩ Yifi owudo ɔkʋ̃ be zʋ mma wɔ toolo yɩ nu na izeli bɛ kɛɛ sɛ bedi ebiye a, sɛ bowu.
Nɩ Abɔnsamɩ ɩábɛ kɛɛ Adamɩ nɩɩ Yifi betiye Gyehova. Meti iluwalɩ ɔwɔlɔ yɩ zʋ ɩlahɩlɩ Yifi kɛɛ sɛ idi mma mɔɔ ɩwɔ owudo nɩ ɩzʋ̃ be a, ilówu, mfomi sa ɩyɛ kɛɛ Nyamɩnlɩ. Nɔhʋanlɛ nu nɩ, nɩ idi awohwi.—1 Timoti 2:14.
You May Also Like
ESSENTIAL BIBLE TEACHINGS
Mɩnla Ti Mɔɔ Nyamɩnlɩ Ɩwɔlɩ Azɩlɛ Yɩ a?
Nninyeni mɔɔ ɩkyɩ anyɩnlɩ ɩhyɛ yɛ oyuwadɩ yɩ nu manlɩ. Ɔhʋanɩ mɔɔ ɩwɔ oyuwa nɩɩ azɩlɛ bɛ avinli nɩ ɩdɩyɛnɛ baaba. Ɩma azɩlɛ nɩ igyingye dɩka bʋwɔ, na kezimɔ itua yɩ nwʋ nɩ ɩáva asianɩ ɩba. Mɩnla ti mɔɔ Nyamɩnlɩ ileli mmɩlɩ ɩva ɩwɔlɩ azɩlɛ ma ɩyɛlɩ kɩnlɩma ɔzɔ yɩ a?
