SIANTI MƆƆ IHYINYIA: Mmenii mɔɔ bɔvɔ ngɔlɔ bɛ nɩɩ ɔlɔmɩ sʋ̃maa sʋ̃maa nɩ bɔtʋ salɛ bɔfʋlɔ abiyela kɛɛ “ile nzulo mɔɔ ɩma nnwʋanlɩ nɩ ɩnlʋ́. Ɩdɩ ɛhyɛlɛdɩyɛ, bɛádɔ.” (Yik 22:17) Ɔzɔ sɛnkyɩlɛdɩ ɔhʋanɩ zʋ nzulo eyi igyĩ ɛkɛnɩ ɩma nhyɩhyɛlɩyɛ mɔɔ Gyehova ɩyɛ mɔɔ ɩlɛ idee adasamaa mɔɔ bɛyɛ sutiye nɩ wɔ tanɩ nɩɩ owulo tʋ. Mɔɔ ɩkɛyɛ na yɛawʋwa mmenii mɔɔ bɔzʋ̃ amamu nɩɩ ɔzʋ̃mɩnlɛ azʋlɔtʋ nu nɩ, ɩsɛ kɛɛ yɛkã “Odwokɔba” nɩ wɔ ɔhʋanɩ be zʋ mɔɔ ɩkɛhã bo nu bela yɩ ahʋnlɩnɩ.—Yik 14:6.

KEZIMƆ ƐKƐYƐ YƖ:

• Fá odwokɔtile anzɛnyɩɩ ɛhɛlɛlɛ odwokɔ mɔɔ ɩkɛhã mmenii mɔɔ bɔwɔ wʋ azɩlɛ-sini yɩ nu bɛ ahʋnlɩnɩ nɩ di egyima. Sa ɔkʋla ɛfa mɔɔ yɛkɔhʋla yɛkɛhã wɔ dasɩlɛlilɛ nu anzɛnyɩɩ odwokɔ mɔɔ ɔnwʋ yɩ kɛɛ ɛfa edi egyima a iso mma nɩ edi egyima. Mɩnla odwokɔtile nɩɩ ɛhɛlɛlɛ odwokɔ yɛ bɛ anyɩ ideli nwʋmɔ a? Asʋ̃ dɩyɛ be izi aɣile asã yɩ nu la ma mmenii bɔdwɩnɩndwɩnɩ nwʋmɔ anzɛnyɩɩ bɛkãã nwʋmɔ odwokɔ a? Mɩnla odwokɔ yɛ benyia anzɛnyɩɩ baalɛ yɩ anyɩ ikeleli nwʋmɔ paa a?

• Fá kezimɔ wʋ apaa yi nu maa besema nɩɩ bɛ amamu di egyima wɔ dasɩlɛlilɛ nu.—2Kɔl 6:3, 4

• Nwʋ́ awuuku nɩɩ vidiyo mɔɔ ɩwɔ ye Nninyeni Mɔɔ Yɛfa Yekilehile nɩ nu bʋwɔ na fa bʋwa abiye mɔɔ yɩ anyɩ ideli odwokɔ yɩ nwʋ nɩ

• Twɩ̃ nninyeni wɔ ɛdɩndɛlɛ mvʋlɔ mɔɔ mmenii mɔɔ ebiye a ekeyiyia bɛ wɔ wʋ azɩlɛ-sini nu bɛkã nɩ nu

• Yɛ́ nzɩnzanlɩyɛ wɔ wʋ odwokɔ yɩ nu ma ɩ nɩɩ mɔɔ pika yi diibenyia ɩkãã yɩ nɩ iyiyia. (1Kɔl 9:19-23) Kɛ ndianwʋ nɩ, sɛ ɛba ɔnwʋ yɩ kɛɛ pika yi diibenyia nɩ yɩ dɔvʋlɔ be iwu aɣile asã yɩ la a, mɩnla yɛ ɛkɛhã?

KILÁ VIDIYO NƖ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Mɩnla odwokɔtile yɛ ɛlawulowɔlɛvʋlɔ nɩ ɩwɔlɩ yɩ tʋ kɛɛ ɩ nɩɩ pika yi diibenyia nɩ bosunzu nwʋ a?

• Mɩnla yɛ nɩ ɩkɔlɩɩ ɔzʋlɔ wɔ pika yi diibenyia nɩ yɩ ɛbɩlawɔlɛ nu a?

• Mɩnla ɛhɛlɛlɛ odwokɔ yɛ nɩ ɔnwʋmɔ ikehyinyia paa wɔ bʋwabɩlɛ eyi nu a, na mɩnla ti a?

• Mɩnla ɔhʋanɩ zʋ yɛ ɛsɩnza wu ndwokɔ nu ma mmenii mɔɔ bɔwɔ wʋ azɩlɛ-sini nu nɩ bɛ anyɩ ɩba ideli nwʋmɔ a?