16:12-15

Mɩnla yɛ yɛkɔhʋla yekozuma wɔ ɛyɛlɛ ovuãmɛ mɔɔ nɩ bɛfa bedi egyima wɔ Ɛbɩdalɛ Eɣile yi nu a?

• Gyehova yɩ nɔhʋanlɛ azʋ̃mɩvʋlɔ bɛ mpayɩwɔlɛ mɔɔ itiye nɩ ɩdɩ kɛɛ ɛɣɛlɛ ovuãmɛ. (Ndw 141:2) Kɛmɔ nɩ ɔsɔfʋ ebani yɩ nɩ ɩzʋ̃ annidi nu ɩfa ɛyɛlɛ ovuãmɛ ɩkɔ Gyehova anyunu nɩ, ɔzɔ la sʋ̃ yɛ yɛzʋ̃ bɔlɔ nɩɩ annidi nu yɛkɔ Gyehova yɩ anyunu wɔ mpayɩwɔlɛ nu a

• Nɩ ɩsɛ kɛɛ ɔsɔfʋ ebani yɩ nɩ ɩyɩba ɛyɛlɛ ovuãmɛ nɩ ansaana ɩawɔ afɔlɩ azʋlɔtʋ nɩ. Ɔzɔ la sʋ̃ yɛ ansaana Gyisɛsɩ ɩkɛva yɩ nnwʋanlɩ ɩkɔwɔ afɔlɩ nɩ, nɩ ɩsɛ kɛɛ ɩyɛ dɩyɛ mɔɔ ɩkɛma Gyehova ikele yɩ afɔlɩwɔlɛ nɩ ikediã numɔ iluwa nɔhʋanlɛ mɔɔ ikeli nɩɩ yɩ munlililɛ mɔɔ ɩkɔzɔ numɔ nɩ zʋ

Kɛ ɩkɛyɛ na mɩanwʋ yɩ kɛɛ, Gyehova ikele mɩ afɔlɩwɔlɛ azʋlɔtʋ nɩ ikediã numɔ a?