Sɛ ɔnwʋ fɩlawɛsɩ mɔɔ ɩyɛ pɩkɛ, ahɔnlɔnwa mɔɔ ɩyɛ sʋlɔ manlɩ, anzɛnyɩɩ ɛtɩ nzulo mɔɔ ɩzʋ̃ awʋlɔ nwʋ itwonwɔɔ yɩ dede a, ɔnwʋ Dɩyɛwɔlɛvʋlɔ nɩ yɩ sa ti egyima a? Abɔdɩ mɔɔ idua yɛ nwʋ iyiyia nɩ ɩda Gyehova yɩ subanɩ nɩ mɔɔ bɛánwʋ yɩ nɩ ali petee. (Wul 1:20) Sɛ yede mmɩlɩ na yɛdwɩnɩndwɩnɩ mɔɔ yɛfa yɛ anyɩ yɛnwʋ nɩ nwʋ a, ɩma yɛnwʋ Nyamɩnlɩ yi tumi, yɩ ɔlɔlɛ, yɩ nɣɛlɛbɛ, yɩ pɛlɩpɛlɩlilɛ, ɩ nɩɩ yɩ baabayɛlɛ sʋ̃.—Ndw 104:24.

Gyehova yɩ sa ti egyima mɔɔ ɔnwʋ yɩ eɣile bela nɩ, ebiye yɛ lɛ mɩnla? Sɛ ɛda twonwa kezile nu po a, sa ɔnwʋ nnʋma anzɛnyɩɩ nnuno. Sɛ yede mmɩlɩ yekila Gyehova yɩ abɔdɩ bʋwɔ a, sa ɩbʋwa ma yɛ adwɩnɩndwɩnɩ zʋ ɩtɩ, yɛfa yɛ adwɩnɩ yesiye mɔɔ ɔnwʋmɔ ihyinyia baaba nɩ zʋ, na ɩhyɛ ye dedi mɔɔ yɛwɔ wɔ Gyehova yi nu kɛɛ ɩwɔ tumi mɔɔ ɩkɛva ikehila yɛ zʋ daabaa nɩ nu ɛzɩzɩbɛ. (Mt 6:25-32) Sɛ ɔwɔ nnwuakula a, bʋwa bɛ ma bɔnwʋ Gyehova yɩ subanɩ azʋlɔtʋ mɔɔ ɩyɛ nnwʋánlɩ nɩ. Sɛ yɛ anyɩnlɩzɔlɛ ma abɔdɩ mɔɔ idua yɛ nwʋ iyiyia nɩ ɩyɛ kezile a, sa yebike Dɩyɛwɔlɛvʋlɔ nɩ baaba.—Ndw 8:3, 4.

KILÁ VIDIYO MƆƆ ISE KEZIMƆ ABƆDƖ ƖYƐ NNWƲÁNLƖ NƖ ƖDA NYAMƖNLƖ YƖ ANIMINYIAMƖ ALI—KƖNLANƖYƐ NƖƖ KƆLA, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Mɩnla yɛ ɩbʋwa yɛ ma yɛkʋla yɛnwʋ kɔla azʋlɔtʋ a?

• Mɩnla yɛ ɩma sɛ yɛsɩnza dɩka mɔɔ yegyĩ yekilaa dɩyɛ be a, ɩkʋla ɩma dɩyɛ ɔkʋ̃ nɩ yɩ sʋ̃ yɩ kɔla ɩsɩnza a?

• Mɩnla yɛ ɩma yɛkʋla yɛnwʋ kɔla azʋlɔtʋ wɔ oyumi a?

• Mɩnla abɔdɩ nu kɔla mɔɔ ɩkã ahʋnlɩnɩ yɛ ɔnwʋ yɩ wɔ wʋ apaa yɩ nu a?

• Mɩnla ti mɔɔ ɩsɛ kɛɛ yede mmɩlɩ yekila abɔdɩ bʋwɔ a?