Sɛ Bayɩbʋlʋ dɩyɛzumanlɛmaa bɔkɔhʋla bɛ nɩɩ Gyehova kenyia ɔhɔnwʋvalɛ a, ɩsɛ kɛɛ bɛfa ɔhɔnwʋmmɔba. (Ndw 15:1, 4) Ɔhɔnwʋmmɔba eyimmɔ bɔkɔhʋla bɛkɛhã bɛ ma bɛkɛyɛ dɩyɛ baaba.—Ɛɣɛ 13:20; lff ozumalɛdɩyɛ 48.

Sɛ ɔbʋwaa bɛ ma bɔkɔbʋ ɔhɔnwʋmmɔ tanɩ a, nyiá bɔ nwʋ abʋtalɩ. Ebiye a, sa ɩkʋla ɩyɛ sɩ ɩma bɛ kɛɛ bɛ nɩɩ bɔ ɔhɔnwʋmmɔ dadampɔ nɩ kodua ɔhɔnwʋvalɛ nu. Meti eɣile po mɔɔ bolósuma dɩyɛ nɩ, kilé kɛɛ ɔdwɩnɩ bɔ nwʋ. Sa ɔkʋla ɛma text message bɛ, ɔfʋlɔ bɛ wɔ foonu zʋ anzɛnyɩɩ ɔkɔ ekyela bɛ. Mmɩlɩ mɔ benyiaa anyunimihɔlɛ nɩ, tʋ salɛ fʋlɔ bɛ ma bɛ nɩɩ Nyamɩnlɩ yi mmenii bɔwɔ. Akʋ̃ bɛkɛɣa bɔkɔnwʋ kɛɛ, benyia sʋ̃maa bɛdɛla mɔɔ ivili bɛ sa nɩ. (Mk 10:29, 30) Wʋzawʋ sʋ̃ wʋ anyɩ ikele mmɩlɩ mɔ ɔnwʋ kɛɛ Gyehova yɩ abusunwa yɩ ɩyɛɛ kezi nɩ.

KILÁ VIDIYO MƆƆ BƐYƐ YƖ DƖLAMA MƆƆ ISE BƲWÁ WƲ BAYƖBƲLƲ DƖYƐZUMANLƐMAA MA BƆBƲ́ ƆHƆNWƲMMƆ TANƖ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Aninyiammɔ yɛ bɛdɩ ɔhɔnwʋmmɔ tanɩ a?—1Kɔl 15:33

• Kɛ Jade izunzunli kɛɛ sɛ Kilisinyiamaa beyiyia nu kɛɛ bedee bɛ anyɩ a, ɩtʋ ɩkɛyɛ ikeze a?

• Kɛ Anita ɩwʋwalɩ Jade ma inyianlɩ ɔhɔnwʋmmɔba izeli a?