• Dwb 37:20—Wɔ Bayɩbʋlʋ mmɩlɩ nu nɩ, mɩnla ɔhʋanɩ yɛ nɩ boduwa zʋ benyia amanɩyɛwɔlɛ nɩɩ ndwokɔ azʋlɔtʋ a? (mwbr24.01 5 ¶1)

  Wu munwalɩyɛ

• Wɔ dapɛnɩ eyi Bayɩbʋlʋ ɛɣɩngalɛ yɩ nu nɩ, mɩnla yɛ ɔnwʋnlɩ mɔɔ ɛpɛ kɛɛ ɛkã a?

  Wu munwalɩyɛ

Gyehova yɩ ahyɩhyɛdɩ yɩ ɩma yenyia nninyeni be mɔɔ kɔwʋwa yɛ ma yekelili Nyamɩnlɩ yɩ ahyɛdɩ mɔɔ ɩfalɩ mmegyia nwʋ nɩ zʋ. (Egy 15:​28, 29) Asʋ̃ ɛlɛ ɔzɔ nninyeni yi edi egyima bʋwɔ a?

Durable Power of Attorney (DPA) Kaadɩ nɩɩ Identity Card (ic): Kaadɩ eyimmɔ kilehile abiye mɔɔ ɩádɩ pɔkɔ nɩ yɩ pɔkɔzilɛ wɔ mmegyia mɔɔ bɛfa bedi egyima wɔ adimakɛlɛzalɛ nu nɩ nu. Ɛlawulowɔlɛmaa kɔhʋla kele DPA kaadɩ yɩ be wɔ ɔnwʋmazʋhilɛvʋlɔ yɩ kɛnɩ na bɛale Identity Card yɩ be sʋ̃ bɛama bo nnwuakula ngyɩkɩ̃ɩ̃ ngyɩkɩ̃ɩ̃. Dɩka bela mɔɔ yɛkɔɔ nɩ, ɩsɛ kɛɛ yɛfa kaadɩ eyi yewula yɛ nwʋ. Sɛ ɩsɛ kɛɛ ɛhyɩhyɛ biye anzɛnyɩɩ sɛ ɛhyɩhyɛ ebiye daada po naasʋ̃ ihyinyia kɛɛ ɛsɩnza nninyeni be wɔ nu a, mátwɩnhwɩ̃ wʋ agyia azɩ kɛɛ ɛkɛyɛ zɔ.

Information for Expectant Mothers (S-401) nɩɩ Information for Patients Requiring Surgery or Chemotherapy (S-407): Fɔmɩsɩ eyimmɔ bʋwa yɛ ma yesiyeziye yɛ nwʋ bʋwɔ mmɩlɩ mɔ yekelee awudoyɛlɛ nɩ na ɩtɩ bʋwabɩlɛ mɔɔ numɔ yɛ sɩ mɔɔ ɩkɔhʋla kɛva mmegyia nwʋ odwokɔ ɩkɛɣa nɩ zʋ. Sɛ ɛɣɩnzɛɛ anzɛnyɩɩ ɛkɛyɛɛ opilehyɛnɩ anzɛnyɩɩ ekelee awudoyɛlɛ wɔ kansa adimakɛlɛ nwʋ a, kã kile wʋ asafʋ nu mbanimbani ma bɛva ahɛlɛta eyimmɔ numɔ ɔkʋ̃ bɛma wʋ.

Asʋpiti Nkitanwʋlilɛ Kɔmitii: Asʋpiti Nkitanwʋlilɛ Kɔmitii nu maa dɩ asafʋ nu mbanimbani mɔɔ bɛdɩdɩ bɛ kɛɛ bɔwʋwa ɛlawulowɔlɛmaa nɩɩ alɔkɩtamaa wɔ ndwokɔ be mɔɔ ɩfalɩ mmegyia nwʋ nɩ. Sa bɔkʋla bɛ nɩɩ wʋ dɔkɩta sunzu ahʋanɩ mvʋlɔ mɔɔ ɩkɔhʋla ikoluwa zʋ ɩkɛza wʋ adimakɛlɛ mɔɔ ɩlɛ́fa mmegyia ikeli egyima. Sɛ nwʋmɔ ba hyinyia a, sa bɔkʋla bɔbʋwa wʋ ma enyia dɔkɩta mɔɔ ikele wʋ pɔkɔzilɛ yɩ ikediã numɔ. Eɣile bela nɩɩ mmɩlɩ bela mɔ ekehyinyia bɛ nɩ, sa wʋ sa kã bɛ. Sɛ ɩba yɩ kɛɛ bekele wʋ bekediã asʋpiti anzɛnyɩɩ bɛkɛyɛ opilehyɛnɩ wʋ anzɛnyɩɩ ekele awudoyɛlɛ wɔ kansa adimakɛlɛ nwʋ a, bɔ Asʋpiti Nkitanwʋlilɛ Kɔmitii nɩ bɛ amanɩyɛ ndɛndɛ zʋ la. Sɛ osunzu kɛɛ bɛlɛ́ma mmegyia wʋ wɔ bʋwabɩlɛ eyimmɔ nu po a, bɔ Asʋpiti Nkitanwʋlilɛ Kɔmitii nɩ bɛ amanɩyɛ. Sɛ ɛɣɩnzɛɛ sʋ̃ a, bɔ bɛ amanɩyɛ. Sɛ ehyinyia mmʋwalɩyɛ a, bizia asafʋ nu ebani be ma ɩva Asʋpiti Nkitanwʋlilɛ Kɔmitii bɔ nɔma ɩma wʋ.

Yɩ́ VIDIYO mɔɔ ise Asʋpiti Nkitanwʋlilɛ Kɔmitii—Mɩnla Ɔhʋanɩ Zʋ Yɛ Bɔbʋwa a? Na akʋ̃ biziá ediyelɛmaa nɩ odwokɔɣizialɛ eyi:

Sɛ eyiyia bʋwabɩlɛ be mɔɔ ihyinyia kɛɛ ede awudoyɛlɛ anzɛnyɩɩ bɛyɛ wʋ opilehyɛnɩ a, mɩnla ɔhʋanɩ zʋ yɛ Asʋpiti Nkitanwʋlilɛ Kɔmitii nɩ kɔhʋla kɔwʋwa a?