January 8-14
DWOOBU 34-35
Ndwomi 30 Nɩɩ Mpayɩwɔlɛ | Anyunumi Ndwokɔ (Min. 1)
1. Mmɩlɩ Mɔ Ɩdɩ Kɛɛ Mɔɔ Nninyeni Tanɩ Ɩtʋdʋʋ Mmenii Baaba Nɩ
(Min. 10)
Kakɛ kɛɛ, kɛ Gyehova yɛ ɩfa ndɛnɩhyɩyɩalɛ ɩba a (Dwb 34:10; mwbr24.01 2 ¶3)
Ebiye a, yɛ adwɩnɩ kɛyɛ yɛ kɛɛ bɛáhwɩ̃ tanɩyɛlɛmaa azʋ̃ wɔ tanɩ mɔɔ bɛyɛ yɩ nwʋ, naasʋ̃ íni kɛɛ yɛ ɛɣɛɛlɛ fi kɛɛ bɔlɔ́kʋla bɛkɛva bɔ nwʋ bekeziye Gyehova kyɩ̃ (Dwb 34:21-26; mwbr24.01 3 ¶1)
Ɔhʋanɩ ɔkʋ̃ mɔɔ ɩtɛla ebiyela mɔɔ yɛkɔhʋla yɛkɔwʋwa bɛzabɛ mɔɔ iluwa ndɛnɩhyɩyɩalɛ ti bɔnwʋʋ amanɩyɛ yɛ lɛ kɛɛ, yɛkɛhã Gyehova nwʋ odwokɔ yekehile bɛ (Dwb 35:9, 10; Mt 28:19, 20, NWT; mwbr24.01 3 ¶2-3)
2. Pɩbɛlɩ Bayɩbʋlʋ Yi Nu
(Min. 10)
-
Dwb 35:7—Mmɩlɩ mɔ Ilayɩhu hanlɩ hileli Dwoobu kɛɛ: “Mɩnla yɛ [Nyamɩnlɩ] inyia wɔ wʋ kɛnɩ a?” nɩ, mɩnla yɛ nɩ ipɛɛ ikehile a? (mwbr24.01 3 ¶4)
-
Wɔ dapɛnɩ eyi Bayɩbʋlʋ ɛɣɩngalɛ yɩ nu nɩ, mɩnla yɛ ɔnwʋnlɩ mɔɔ ɛpɛ kɛɛ ɛkã a?
3. Bayɩbʋlʋ Ɛɣɩngalɛ
(Min. 4) Dwb 35:1-16 (th dɩyɛzumanlɛ 10)
4. Mmɩlɩ Mɔ Ɔbɔɔ Nkɔmmɔwɔlɛ Tʋ
(Min. 3) ABIKA ABIKA NU. Kã Bayɩbʋlʋ dɩyɛzumanlɛ nwʋ odwokɔ kile yi. (lmd ozumalɛdɩyɛ 10 nkyɩkyɛmi 3)
5. Mmɩlɩ Mɔ Ɔbɔɔ Nkɔmmɔwɔlɛ Tʋ
(Min. 4) DASƖLƐ MƆƆ YEDI MMƖLƖ MƆ YÉNI DASƖLƐLILƐ NU. Kile abiye mɔɔ ɩwɔ nnwuakula kezimɔ ɩkɛbɩbɛ ndwokɔ mɔɔ ɩbʋwa awʋvʋlɔ wɔ jw.org zʋ. (lmd ozumalɛdɩyɛ 1 nkyɩkyɛmi 4)
6. Adʋwavʋlɔyɛlɛ
Ndwomi 58
7. Asʋ̃ Ɔwɔ Ɛpɛ Kɛɛ ‘Ɛkɛhã Odwokɔ Yɩ Nɩ’ Mmɩlɩ Mɔ Éni Dasɩlɛlilɛ Nu a?
(Min. 15) Ndɛnɩ nɩɩ nkɔmmɔwɔlɛ.
Pɔɔlʋ hyɛlɩ Timoti ɛzɩzɩbɛ kɛɛ: “Kã odwokɔ yɩ nɩ; minyia wʋ nwʋ kã, na mátwɩnhwɩ̃ wʋ agyia azɩ.” (2Tim 4:2, NWT) Nɩ bɛta bɛfa Giliki dɩyɛyɛlɛ odwokɔ mɔɔ behile yɩ tʋ kɛɛ “minyia wʋ nwʋ kã, na mátwɩnhwɩ̃ wʋ agyia azɩ” nɩ bedi egyima bɛma sogyianii anzɛnyɩɩ ɔwɩɛnɩlɛvʋlɔ mɔɔ eɣile bela iziyeziye yɩ nwʋ igyĩ dɩka mɔɔ ɩwɩɛnɩ nɩ. Odwokɔ eyi kilehile ɛpɛ mɔɔ yɛwɔ kɛɛ eɣile bela yekeziyeziye yɛ nwʋ kɛɛ yekeli mmenii dasɩlɛ mmɩlɩ mɔ yɛ nɩɩ bɛ bɔ nkɔmmɔ yi nu bʋwɔ paa.
Ɔlɔlɛ mɔɔ yɛwɔ yɛma Gyehova nɩɩ anyɩnlɩzɔlɛ mɔɔ yɛwɔ yɛma nninyeni mɔɔ ɩyɛ ɩma yɛ nɩ kã yɛ ma yɛkã yɩ subanɩ ngɩnlɩma yɩ nwʋ odwokɔ yekile mmenii mvʋlɔ.
Kɩnga Ndwomi 71:8. Na akʋ̃ biziá ediyelɛmaa nɩ odwokɔɣizialɛ eyi:
Nninyeniba mɔɔ ɩwɔ Gyehova nwʋ ɛhɩnla dɩyɛ yɛ ɛkɛbɛ kɛɛ ɛkɛhã nwʋmɔ odwokɔ ekehile mmenii mvʋlɔ a?
Ɔlɔlɛ mɔɔ yɛwɔ yɛma mmenii nɩ kã yɛ ma yedi bɛ dasɩlɛ mmɩlɩ po mɔɔ yéni dasɩlɛlilɛ nu.
Yɩ́ VIDIYO mɔɔ ise Kezimɔ Mmenii Sʋ̃maa Ɣa Nwʋnlɩ Bayɩbʋlʋ Nu Nɔhʋanlɛ Yɩ. Na akʋ̃ biziá ediyelɛmaa nɩ ndwokɔɣizialɛ eyimmɔ:
-
Mɩnla ɔhʋanɩ zʋ yɛ dasɩlɛ mɔɔ belili mmɩlɩ mɔ béni dasɩlɛlilɛ nu nɩ wʋwalɩ mmenii sʋ̃maa ma bɛɣa bɔnwʋnlɩ Bayɩbʋlʋ nu nɔhʋanlɛ yɩ a?
-
Mɩnla ɔhʋanɩ zʋ yɛ mmenii eyimmɔ mɔɔ nɩ bɔwɔ ɔzʋ̃mɩnlɛ mvʋlɔ nu nɩ benyianlɩ nɔhʋanlɛ yɩ mɔɔ bozumanlɩ nɩ zʋ mfasʋ a?
-
Mɩnla ɔhʋanɩ zʋ yɛ ɔlɔlɛ mɔɔ yɛwɔ yɛma mmenii nɩ kã yɛ ma yedi dasɩlɛ mmɩlɩ mɔ yéni dasɩlɛlilɛ nu a?
-
Mɩnla ti mɔ osunzu kɛɛ dasɩlɛ mɔɔ yedi mmɩlɩ mɔ yéni dasɩlɛlilɛ nu nɩ dɩ ɔhʋanɩ mɔɔ itu mpʋnɩ mɔɔ boduwa zʋlɔ bɔbʋwa mmenii ma bɛba bɔnwʋ Gyehova a?
8. Asafʋ Bayɩbʋlʋ Dɩyɛzumanlɛ
(Min. 30) bt-TW tile 4 alɩka mɔɔ ɩwɔ owu. 33
