Yɛzʋ̃ yɛ ahʋnlɩnɩ nu yɛ yɛyɛ sutiye yɛma Nyamɩnlɩ a. (Ɛɣɛ 3:1) Meti sɛ yekilehile a, ɩsɛ kɛɛ yɛbɔ mmɔdɩnɩ yetwu ye ediyelɛmaa bɛ ahʋnlɩnɩ nu. Mɩnla ɔhʋanɩ zʋ a?

Áma ekehilehile wʋ Bayɩbʋlʋ dɩyɛzumanlɛvʋlɔ nɩ Bayɩbʋlʋ nu nɔhʋanlɛ yɩ la, mfomi bʋwá yɩ ma ɩva mɔɔ isuma nɩ idindiã yɩ ɛbɩlawɔlɛ nɩɩ ɩ nɩɩ Gyehova bɛ avinli abusunwawɔlɛ nwʋ. Bʋwá yɩ ma ɩnwʋ kezimɔ mmɛla mɔɔ ɩwɔ Bayɩbʋlʋ nu nɩ ɩda Nyamɩnlɩ yɩ ɔlɔlɛ, yɩ baabayɛlɛ nɩɩ yɩ ɛdɩnɣɛlɛ ali. Duwa anyɩnlɩdɩlɛ ɔhʋanɩ zʋ biziá ndwokɔ yɩ ma ɩhã kezimɔ ɩtɩ nɣanlɩ wɔ mɔɔ isumaa nɩ nwʋ. Bʋwá yɩ ma ɩnwʋ mfasʋ mɔɔ ikenyia wɔ mmɩlɩ mɔ ɩbʋ nzunzulɩyɛ anzɛnyɩɩ nyɛlɩyɛ tanɩ nɩ. Sɛ ɔnwʋ kezimɔ wʋ Bayɩbʋlʋ dɩyɛzumanlɛvʋlɔ nɩ ɩzʋ̃ yɩ ahʋnlɩnɩ nu ɩdɔ Gyehova nɩ a, ɩkɛma wʋ anyɩnlɩlelɛ ɩkɛyɛ kezile baaba.

KILÁ VIDIYO MƆƆ BƐYƐ YƖ DƖLAMA MƆƆ ISE NYIÁ ANYƖNLƖLELƐ WƆ ADƲWAVƲLƆYƐLƐ EGYIMA YI NU—​TÚ MPƲNƖ WƆ WƲ EHILEHILELƐ NU—KILEHILÉ MA IDWU BƐ AHƲNLƖNƖ NU, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Mɩnla ti mɔɔ Anita iɣizialɩ Jade kɛɛ: “Mɔɔ yezumanlɩ wɔ Kizile nɩ yi, ozunzu nwʋmɔ dɔkʋ̃ a?”

• Mɩnla ɔhʋanɩ zʋ yɛ Anita ɩwʋwalɩ Jade ma ɩvalɩ Bayɩbʋlʋ nu mmɛla idindianlɩ ɔlɔlɛ mɔɔ Gyehova ɩwɔ ɩma yɩ nɩ nwʋ a?

• Mɩnla ɔhʋanɩ zʋ yɛ Anita ɩwʋwalɩ Jade ma ɩdwɩnɩnlɩ mɔɔ ɩkɛyɛ na iahile kɛɛ ɩdɔ Nyamɩnlɩ nɩ nwʋ a?