Wɔ September nu nɩ, sa yɛyɛ egyimalilɛ titili be yɛfa yɛbʋwa mmenii ma bɔnwʋ kɛɛ, Nyamɩnlɩ yi Bulombunlililɛ yɛ ɩdɩ adasamaa bɛ ɔhawʋ yi munwa awudo a. (Mt 24:14) Kɛ ɩkɛyɛ na wʋayɛ biye a? Kɩngá ɛhɛlɛlɛ odwokɔ mɔɔ ɩfalɩ Nyamɩnlɩ yi Bulombunlililɛ nɩ nwʋ kile mmenii sʋ̃maa wɔ ɔzɔ eziyianɩ yi nu. Sɛ abiye kile nwʋmɔ anyɩnlɩlelɛ a, fá Ɔwɩɛnɩlɛ Aɣanɩ No. 2 2020 yɩ be ma yɩ. Mɛyɩ mɛda nɩ, siá kɔ kegyela yɩ ndɛndɛ zʋ la na ɛ nɩɩ yɩ wɔ Bayɩbʋlʋ dɩyɛzumanlɛ tʋ wɔ Sa Ɔkʋla Enyia Anyɩnlɩlelɛ Daabaa! blohyʋɔ yi nu. Bɛzabɛ mɔɔ bɛkɛyɛ ɔhʋanɩbukolɛ bʋwavʋlɔ egyima wɔ ɔzɔ eziyianɩ yɩ nu nɩ, sa bɔkʋla bɛfa dɔnɩhwɩlɩ 15 anzɛnyɩɩ 30 bɛyɛ.

Ɩlɛ́kyɛ, Nyamɩnlɩ yi Bulombunlililɛ yɩ kɛzɩkɛ tumililɛ munwala mɔɔ botwodwu betiyia yɩ nɩ. (Da 2:44; 1Kɔl 15:24, 25) Bɛmá yɛva nwʋmɔ ɔhʋanɩ titili eyi yɛla yɩ ali kɛɛ yegyĩ Gyehova nɩɩ yɩ Bulombunlililɛ yɩ mɛda!