KILISINYIAMAA BƐ ƐBƖLAWƆLƐ
Odwokɔba Nɩ Mɔɔ ‘Yɛbɔ Nwʋmɔ Banɩ Wɔ Mmɛla Ɔhʋanɩ Zʋ’
Mmɩlɩ mɔ Yizilayamaa nɩ besiaa bekegyina asɔlɩ pika yɩ na odwodwudiyialɛmaa wɔlɩ mmɔdɩnɩ kɛɛ bekezi ɔhʋanɩ bɛ nɩ, boluwalɩ mmɛla ɔhʋanɩ zʋ bɔwɔlɩ bo ndwokɔ yɩ bogualɩ na bɔdʋwalɩ ɔzʋlɔ begyinanlɩ asɔlɩ pika yɩ. (Ɛzɩ 5: 11-16) Ɔzɔ la yɛ Kilisinyiamaa mɔɔ bɔwɔ ɛkɛnɩ nnɛ nɩ, bɔwɔ mmɔdɩnɩ bela boluwa mmɛla ɔhʋanɩ zʋ bɔwɔ odwokɔba nɩ nwʋ banɩ a. (Fɩl 1:7) Ɩzɔ ti wɔ 1936 nu nɩ, bɛdɩlɩ Mmɛla Nwʋ Ndwokɔ Azʋkɔlɩyɛ wɔ Egyimayɛlɛdɩka Yi Ti. Nnɛ, ɔzɔ Azʋkɔlɩyɛ yɩ yɛ bɛyɛ nhyɩhyɛlɩyɛ mɔɔ bɛfa bɔbɔ odwokɔba yɩ nwʋ banɩ wɔ oyuwadɩ munwala a. Mɩnla ɔhʋanɩ zʋ yɛ azʋkɔlɩyɛ eyi ɩwʋwa ma odwokɔbahanlɛ egyima yɩ inyia anyunumihɔlɛ na Nyamɩnlɩ mmenii nyia ɔzʋlɔ mfasʋ a?
KILÁ VIDIYO MƆƆ ISE EGYIMA MƆƆ BƐZABƐ MƆƆ BƆBƆ YƐ NWƲ BANƖ WƆ MMƐLA ƆHƲANƖ ZƲ NƖ YƐ WƆ EGYIMAYƐLƐDƖKA YI TI, NA AKƲ̃ YƖ́ NDWOKƆƔIZIALƐ EYIMMƆ BO MUNWA:
-
Mmɛla nwʋ ndwokɔzɩzɩbɛ ɛhɩnla dɩyɛ yɛ Gyehova Dasɩvʋlɔmaa beyiyia a?
-
Nkunimi azʋlɔtʋ ɛhɩnla dɩyɛ yɛ yeli a? Má nwʋmɔ ndianwʋ
-
Odwokɔba nɩ mɔɔ ‘yɛbɔ nwʋmɔ banɩ wɔ mmɛla ɔhʋanɩ zʋ’ nɩ, mɩnla yɛ ye nu bela kɔhʋla kɛyɛ kɔwʋwa a?
-
Sɛ ɛpɛɛ kɔɔtʋ ndwokɔ mɔɔ ɩfalɩ Nyamɩnlɩ yɩ mmenii nɩɩ Gyehova Dasɩvʋlɔmaa mɔɔ iluwa be dedi ti bɛva bɛ bogua fiyiadɩ nɩ nwʋ a, ɛhɩnla dɩka yɛ ɔkɔnwʋ yɩ wɔ yɛ wɛbsayɩtɩ yɩ zʋ a?
