Ɔlʋbɔ bela, yɛyɛ nhyɩhyɛlɩyɛ titili yɛtʋ salɛ yɛfʋlɔ mmenii mɔɔ bɔwɔ yɛ azɩlɛ-sini nu ma bɛ nɩɩ yɛ kɔ Ɛhakɛlɛlilɛ nɩ tʋ. Bo nu sʋ̃maa bɛdɩ ngyɛvʋlɔ. Naasʋ̃, ɩsɛ kɛɛ yɛtʋ salɛ yɛfʋlɔ mmenii mɔɔ yezi bɛ sʋ̃. Sɛ yɛtʋ salɛ yɛfʋlɔ bɛzabɛ mɔɔ yezi bɛ daada nɩ a, ɩma bɛta bɛba paa. (yb08-E 11 ¶3; 14 ¶1) Aninyiammɔ yɛ ɔkɔhʋla ɔkɔdʋ salɛ ɔkɔvʋlɔ bɛ a?

• Ye mmusunwamaa

• Ye sukuulumaa anzɛnyɩɩ ye egyima nu maa

• Yɛ apaa yi nu maa

• Mmenii mɔɔ yɛkɔ bɛ ɛkɛnɩ yɛkɔ yɛyɛ siakehila nɩɩ yɛ Bayɩbʋlʋ dɩyɛzumanlɛmaa mvʋlɔ nɩɩ alalampɔ munwala

Akʋ̃ sʋ̃, asafʋ nu mbanimbani bɔkɔdʋ salɛ bɔkɔvʋlɔ mmenii mɔɔ beyiaki dasɩlɛlilɛ anzɛnyɩɩ dɩyɛzumanlɛ hɔlɛ nɩ. Na sɛ enii mɔɔ ezi yɩ nɩ, ɩ́da wʋ apaa yi nu sʋ̃ ɛ? Ɔkɔhʋla ɛkɛbɩbɛ mmɩlɩ nɩɩ dɩka mɔɔ bɛkɛyɛ Ɛhakɛlɛlilɛ yɩ nɩ wɔ dɩka mɔɔ ɩwɔ nɩ. Kɔ́ jw.org zʋ, na kɔ́ YƐ NWƲ NDWOKƆ ɔfʋã ɛkɛnɩ, na akʋ̃ minyiá “Ɛhakɛlɛlilɛ” yɩ zʋ fa pɩbɛ dɩka nɩɩ mmɩlɩ nɩ. Mmɩlɩ mɔ esiyeziyee wʋ nwʋ ɛkɛma ɔlʋbɔ eyi Ɛhakɛlɛlilɛ yɩ nɩ, dwɩnɩndwɩnɩ́ bɛzabɛ mɔɔ ɔkɔhʋla ɔkɔdʋ salɛ ɔkɔvʋlɔ bɛ nɩ nwʋ, na akʋ̃ tʋ́ salɛ fʋlɔ bɛ.