Tumi wɔ Nyamɩnlɩ yɩ Odwokɔ yi nu! (Hib 4:12) Ɩkɔhʋla ɩkɛhã bɛzabɛ mɔɔ bézi Nyamɩnlɩ po nɩ bɛ ahʋnlɩnɩ. (1Tɛs 1:9; 2:13) Sɛ yɛbʋwa abiye ma ɩba ɩnwʋ Bayɩbʋlʋ nu nɔhʋanlɛ odwokɔ fʋlɔ be a, ɩkɛma yɛ anyɩ ikele baaba.

KILÁ VIDIYO MƆƆ BƐYƐ YƖ DƖLAMA MƆƆ ISE NYIÁ ANYƖNLƖLELƐ WƆ ADƲWAVƲLƆYƐLƐ EGYIMA YI NU​—TÚ MPƲNƖ WƆ WƲ EHILEHILELƐ NU —MÁ TUMI MƆƆ ƖWƆ NYAMƖNLƖ ODWOKƆ YƖ NU NƖ ƖYƐ́ EGYIMA, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Mɩnla ɔhʋanɩ zʋ yɛ Anita ɩlalɩ tumi mɔɔ ɩwɔ Nyamɩnlɩ yɩ Odwokɔ yi nu nɩ ali wɔ mmɩlɩ mɔ ɩwʋwalɩ Jade ma ɩnwʋnlɩ sianti mɔɔ nɣɛlɛbɛ wɔ numɔ kɛɛ, ɩkɛbɩbɛ mmʋwalɩyɛ wɔ Nyamɩnlɩ yɩ Odwokɔ yi nu nɩ a?

• Mɩnla ɔhʋanɩ zʋ yɛ Anita ɩlalɩ tumi mɔɔ ɩwɔ Nyamɩnlɩ yɩ Odwokɔ yi nu nɩ ali wɔ mmɩlɩ mɔ ɩmanlɩ bɛɣɩnganlɩ Bayɩbʋlʋ yɩ ma ivindenli bo munwa na ɩyɩlɩ ndwokɔ aditili ihilehileli numɔ nɩ a?

• Mɩnla yɛ ikile kɛɛ ɛhɛlɛlɛ odwokɔ yɩ ɩhanlɩ Jade yɩ ahʋnlɩnɩ a, na ekila a, kɛ eyi ɩhanlɩ Anita izeli a?