Kola, Deetanɩ, nɩɩ Abayɩlamɩ bɛádi nɔhʋanlɛ iluwa Gyehova yɩ nhyɩhyɛlɩyɛ mɔɔ bodwodwuli bediyialɩ yɩ nɩ ti. Gyehova ɩzɩkɛlɩ atunwadɩlɛmaa nɩ nɩɩ bɛzabɛ mɔɔ begyinanlɩ bɛ mɛda nɩ. (Nɔ 16:26, 27, 31-33) Mɩnla bʋwabɩlɛ azʋlɔtʋ yɛ ɩkɔhʋla ikodwe yɛ nɔhʋanlɛlilɛ ma Gyehova nɩ ikehila a? Mɩnla Bayɩbʋlʋ nu ndianwʋ azʋlɔtʋ yɛ ɩkɔwʋwa yɛ na yɛázumazumanlɩ bɛzabɛ mɔɔ bɛádi nɔhʋanlɛ yɩ nɩ a?

KILÁ VIDIYO MƆƆ ISE ÁMA OSUMAZUMA BƐZABƐ MƆƆ BƐÁDI NƆHƲANLƐ NƖ, NA AKƲ̃ YƖ NDWOKƆƔIZIALƐ EYIMMƆ BO MUNWA:

• Mɩnla bʋwabɩlɛ yɛ idweli Nadia ihilalɩ a, na mɩnla kɔkɔwɔlɛ nwʋ ndianwʋ yɛ ɩwʋwalɩ yɩ ma ilili nɔhʋanlɛ a?

• Mɩnla bʋwabɩlɛ yɛ idweli eliyema benyia be mɔɔ nninyeni ɩákɔ kɛmɔ nɩ ikilaa ɔhʋanɩ nɩ izeli a, na mɩnla kɔkɔwɔlɛ nwʋ ndianwʋ yɛ ɩwʋwalɩ yɩ ma ilili nɔhʋanlɛ a?

• Mɩnla bʋwabɩlɛ yɛ idweli Terrance ihilalɩ a, na mɩnla kɔkɔwɔlɛ nwʋ ndianwʋ yɛ ɩwʋwalɩ yɩ ma ilili nɔhʋanlɛ a?

• Mɩnla bʋwabɩlɛ yɛ idweli eliyema benyia be wɔ sukuulu nu ihilalɩ a, na mɩnla kɔkɔwɔlɛ nwʋ ndianwʋ yɛ ɩwʋwalɩ yɩ ma ilili nɔhʋanlɛ a?