Odwohilalɛ ɩkʋla ɩma yɛ abɔkɔ nu ikolɔ, titili sɛ ɩkyɛ a. Devidi ɩnwʋnlɩ kɛɛ ngyɩkɩ̃ɩ̃ ngyɩkɩ̃ɩ̃ la yɩ odwohilalɛ mɔɔ ɩzʋ̃ Bulombunli Sɔɔlʋ yɩ ɛkɛnɩ nɩ ɩkɛɣa awielɩyɛ na ɩaɣa ɩayɛ bulombunli kɛmɔ Gyehova ɩwɔ nwʋmɔ anʋhʋba nɩ. (1Sa 16:13) Devidi yi dedi nɩ ɩwʋwalɩ yɩ ma inyianlɩ abʋtalɩ na ɩlɩkɛlɩ Gyehova.

Sɛ yɛkɔ odwohilalɛ be nu a, ebiye a yɛkɛva nɣɛlɛbɛ, adwɩnɩ nɩɩ nnimidi yekeli bʋwabɩlɛ nɩ nwʋ egyima. (1Sa 21:12-14; Ɛɣɛ 1:4) Naasʋ̃ mmɩlɩ mɔ yegyina mɔɔ Bayɩbʋlʋ ɩkã zʋ yɛyɛ mɔɔ yɛkɔhʋla bela nɩ, ɩyɛ a ndwokɔ ɛzɩzɩbɛ nɩ ɩkɔ ɔzʋlɔ ɩbʋwa ɛkɛnɩ. Sɛ ɩba yɩ ɔzɔ a, ɩsɛ kɛɛ yenyia abʋtalɩ na yɛdɩkɛ Gyehova. Ɩlɛ́kyɛ bela, ɩbama amanɩyɛnwʋnlɛ tʋ ikodua na ‘ɩabɩba yɛ anyɩ tʋ mʋnlɩ munwatĩĩ.’ (Yik 21:4) Sɛ Gyehova yɛ ɩyɛlɩ dɩyɛ be ɩva ɩyɩlɩ yɛ wɔ bʋwabɩlɛ yɩ nu anzɛnyɩɩ dɩyɛ fʋlɔ be o, yɛ adwɩnɩ isi pi wɔ dɩyɛ ɔkʋ̃ be nwʋ: Mɔɔ ɩdɩ bela, odwohilalɛ munwala ɩkɛɣa awielɩyɛ. Ɔzɔ nɔhʋanlɛ odwokɔ eyi ɩkɔhʋla ɩkɛyɩkyɩ yɛ ɛɣɛɛlɛ.

KILÁ VIDIYO MƆƆ ISE MMENII NU ƖHYƖHYƐ NAASƲ̃ GYEHOVA YI MMENII BƐYƐ ƆKƲ̃, NA AKƲ̃ YƖ NDWOKƆƔIZIALƐ EYIMMƆ BO MUNWA:

• Mɩnla ndwokɔ ɛzɩzɩbɛ yɛ Kilisinyiamaa be mɔɔ bɔwɔ southern United States beyiyialɩ a?

• Mɩnla ɔhʋanɩ zʋ yɛ bɛlalɩ abʋtalɩ nɩɩ ɔlɔlɛ ali a?

• Mɩnla ɔhʋanɩ zʋ yɛ bɔhɔlɩ ɔzʋlɔ bɛvalɩ bɛ adwɩnɩ beziyeli “mɔɔ ɩdɩ baaba” nɩ zʋ a?—Fɩl 1:10