April 1-7
NDWOMI 23-25
Ndwomi 4 Nɩɩ Mpayɩwɔlɛ | Anyunumi Ndwokɔ (Min. 1)
1. “Gyehova Ɩdɩ Mɩ Kilavʋlɔ”
(Min. 10)
Gyehova kile ɔhʋanɩ yɛ (Ndw 23:1-3; mwbr24.03 6 ¶4)
Gyehova bɔ yɛ nwʋ banɩ (Ndw 23:4; mwbr24.03 7 ¶1)
Gyehova ma alɩyɛ yɛ (Ndw 23:5; mwbr24.03 7 ¶2)
Gyehova kila yɩ azʋ̃mɩvʋlɔ kɛmɔ mmuwuanɩzʋhilalɛvʋlɔ kila yɩ mmuwuanɩ nɩ.
BIZIÁ WƲ NWƲ KƐƐ, ‘Mɩnla ɔhʋanɩ zʋ yɛ Gyehova ihila mɩ a?’
2. Pɩbɛlɩ Bayɩbʋlʋ Yi Nu
(Min. 10)
Ndw 23:3—Mɩnla yɛ lɛ “ɛdɩnɣɛlɛ ahʋanɩ” yɩ a, na mɩnla yɛ ɩkɔwʋwa yɛ na yɛáhwɩnlɩ yɛ nwʋ wɔ nwʋ a? (mwbr24.03 7 ¶3-5)
Wɔ dapɛnɩ eyi Bayɩbʋlʋ ɛɣɩngalɛ yɩ nu nɩ, mɩnla yɛ ɔnwʋnlɩ mɔɔ ɛpɛ kɛɛ ɛkã a?
3. Bayɩbʋlʋ Ɛɣɩngalɛ
(Min. 4) Ndw 23:1–24:10 (th dɩyɛzumanlɛ 5)
4. Mmɩlɩ Mɔ Ɔbɔɔ Nkɔmmɔwɔlɛ Tʋ
(Min. 3) DASƖLƐ MƆƆ YEDI MMƖLƖ MƆ YÉNI DASƖLƐLILƐ NU. Abiye hã debe mɔɔ ikile kɛɛ kezimɔ mmenii sɩkɛɛ azɩlɛ yɩ nɩ ha yɩ. Kã Bayɩbʋlʋ nu odwokɔ be mɔɔ ɩhyɛ ɛzɩzɩbɛ nɩ kile yi. (lmd ozumalɛdɩyɛ 2 nkyɩkyɛmi 5)
5. Mmɩlɩ Mɔ Ɛkɛyɛɛ Siakehila
(Min. 4) ABIKA ABIKA NU. Abiye leli Sa Ɔkʋla Enyia Anyɩnlɩlelɛ Daabaa! blohyʋɔ yɩ be, kile kezimɔ yɛfa yɛyɛ Bayɩbʋlʋ dɩyɛzumanlɛ. (lmd ozumalɛdɩyɛ 9 nkyɩkyɛmi 3)
6. Adʋwavʋlɔyɛlɛ
Ndwomi 54
7. Yɛpʋ Bɛzabɛ Mɔɔ Yézi Bɛ Nnɩ Nɩ
(Min. 15) Ndɛnɩ nɩɩ nkɔmmɔwɔlɛ.
Mmuwuanɩ zi be diibenyia yɩ nnɩ na bɔtʋwa yɩ naasʋ̃ benɣiandi abiyela mɔɔ bézi yɩ nnɩ nɩ. (Dwɔ 10:5) Ɔzɔ la sʋ̃ yɛ yɛzayɛ sʋ̃ yetiye Gyehova nɩɩ Gyisɛsɩ mɔɔ bɛdɩ yɛ sunzuma ɔfʋã nu Mmuwuanɩzʋhilalɛmaa mɔɔ bɔwɔ ɔlɔlɛ na yɛkʋla yede bɛ yedi nɩ bɛ nnɩ a. (Ndw 23:1; Dwɔ 10:11) Naasʋ̃ yɛpʋ bɛzabɛ mɔɔ yézi bɛ mɔɔ bɔbɔ mmɔdɩnɩ kɛɛ, bokoluwa “awohwi ndwokɔ mɔɔ bɛzabɛ bɔbɔ be ti nu bɛkã” nɩ zʋ bɛkɛma ye dedi kɛyɛ mɛlɛkɛ nɩ bɛ nnɩ.—2Pit 2:1, 3.
Gyɛnɛsɩsɩ yi ti asã kã mmɩlɩ mɔ ili bɔmʋnlɩ mɔɔ abiye mɔɔ bézi yɩ nnɩ dɩndɛlɩ wɔ azɩlɛ yɩ zʋ nwʋ odwokɔ. Setanɩ luwalɩ ɔwɔlɔ zʋ dɩndɛlɩ hileli Yifi na ama Yifi ɩánwʋnlɩ enii ɔkʋ̃ mɔɔ ɩ nɩɩ yɩ tɩndɛɛ nɩ. Setanɩ yɛlɩ yɩ nwʋ kɛɛ ɩpɛ Yifi yɩ odwokɔ na ndwokɔ mɔɔ Gyehova hanlɩ nɩɩ adwɩnɩ mɔɔ Gyehova lɛ nɩ, Setanɩ lanɩnlɩ numɔ. Alɔbɔ odwokɔ yɛ lɛ kɛɛ, Yifi diyeli Setanɩ, na eyi valɩ atɩɩtɩɩ ɣalɩ yɩzayɩ nɩɩ yɩ abusunwa munwatĩĩ zʋ.
Nnɛ sʋ̃, Setanɩ bɔ mmɔdɩnɩ kɛɛ ɩkɛma yɛ adwɩnɩ kɛyɛ yɛ anwɩ̃ anwɩ̃ wɔ Gyehova nɩɩ yɩ ahyɩhyɛdɩ yɩ nwʋ iluwa awohwi ndwokɔ, amanɩyɛwɔlɛ mɔɔ ɩáyɛ nɔhʋanlɛ, nɩɩ ndwokɔ be mɔɔ yɩ ɔfʋã be dɩ nɔhʋanlɛ na yɩ ɔfʋã be sʋ̃ ɩáyɛ nɔhʋanlɛ mɔɔ ɩpɩndɩ nɩ zʋ. Sɛ yɛtɩ abiye mɔɔ yézi yɩ nnɩ a, ɩsɛ kɛɛ yeɣiandi! Sɛ yetiye bɛ wɔ mmɩlɩ ɛgyɩkɩ̃ɩ̃ be la nu po iluwakɛɛ yɛpɛ kɛɛ yɛnwʋ kɛɛ mɔɔ bɛkãã yɩ dɩ nɔhʋanlɛ anzɛnyɩɩ ɩ́dɩ nɔhʋanlɛ a, ɩdɩ asianɩ kezile paa. Sɛ ekila a, asʋ̃ nɩ ihyinyia kɛɛ Setanɩ kã ndwokɔ sʋ̃maa na ama ɩahʋla ɩalahɩlɩ Yifi wɔ mmɩlɩ ɛgyɩkɩ̃ɩ̃ mɔɔ bɛva bɔwɔlɩ nkɔmmɔ yɩ nu a? (Gyn 3:1, 4, 5) Na sɛ abiye mɔɔ yezi yi, abiye mɔɔ ɩdɔ yɛ na ɩwɔ yɛ nwʋ adwɩnɩba pɛ kɛɛ ɩfa ndwokɔ mɔɔ ɩáyɛ nɔhʋanlɛ mɔɔ ɩfalɩ Gyehova yɩ ahyɩhyɛdɩ yɩ nwʋ kile yɛ sʋ̃ ɛ?
Yɩ́ VIDIYO mɔɔ ise Pʋ́ “Bɛzabɛ Mɔɔ Yézi Bɛ Nnɩ Nɩ.” Na akʋ̃ biziá ediyelɛmaa nɩ odwokɔɣizialɛ eyi:
Mɩnla yɛ ozumanlɩ wɔ kezimɔ Jade lili bʋwabɩlɛ yɩ nwʋ egyima mmɩlɩ mɔ nɩ yɩ maamɩ pɛ kɛɛ, ɩkã ndwokɔ be mɔɔ ɩáyɛ nɔhʋanlɛ mɔɔ ɩfalɩ Gyehova yɩ ahyɩhyɛdɩ yɩ nwʋ nɩ a?
8. Asafʋ Bayɩbʋlʋ Dɩyɛzumanlɛ
(Min. 30) bt tile 8 ¶1-4, nnɛka mɔɔ ɩwɔ owu. 61-62
