April 29–May 5
NDWOMI 34-35
Ndwomi 10 Nɩɩ Mpayɩwɔlɛ | Anyunumi Ndwokɔ (Min. 1)
1. ‘Yɩ Gyehova Ayɛlɛ Mmɩlɩ Munwala’
(Min. 10)
Devidi yɩlɩ Gyehova ayɛlɛ mmɩlɩ po mɔɔ iyiyiaa ndwokɔzɩzɩbɛ nɩ (Ndw 34:1; mwbr24.03 11 ¶2)
Devidi valɩ Gyehova duli yɩ nwʋ, na iátu yɩzayɩ yɩ nwʋ (Ndw 34:2-4; mwbr24.03 11 ¶3)
Ndwokɔ mɔɔ Devidi hanlɩ va yɩlɩ Gyehova ayɛlɛ nɩ hyɛlɩ yɩ ɔhɔnwʋmmɔ ɛzɩzɩbɛ (Ndw 34:5; mwbr24.03 12 ¶1)
Mmɩlɩ mɔ Devidi zʋ̃ Abimɛlɛkɩ kɛnɩ yɩlɩ yɩ nwʋ nɩ, mmenyia 400 mɔɔ nɩ bɛ anyɩ iále wɔ Bulombunli Sɔɔlʋ yi tumililɛ tʋ nɩ hɔ hɩnlanlɩ Devidi nwʋ wɔ ɛsɛlɛ yɩ zʋ. (1Sa 22:1, 2) Ɩkɛyɛ kɛɛ mmɩlɩ mɔ Devidi ɩkɛlɛɛ ndwomi eyi nɩ, nɩ ɔzɔ mmenyia eyimmɔ bɔ nwʋ adwɩnɩ wɔ yi ti nu.—Ndw 34, tisʋlɔ odwokɔ.
BIZIÁ WƲ NWƲ KƐƐ, ‘Sɛ mʋkɔ dɩyɛzumanlɛ mɔɔ ili kɛnɩ nɩ yɩ tʋ a, mɩnla ɔhʋanɩ zʋ yɛ mʋkɔhʋla mɩkɛyɩ Gyehova ayɛlɛ mmɩlɩ mɔ mɩ nɩɩ abiye tɩndɛɛ a?’
2. Pɩbɛlɩ Bayɩbʋlʋ Yi Nu
(Min. 10)
-
Ndw 35:19—Mmɩlɩ mɔ Devidi zianlɩ Gyehova kɛɛ máma ɩma bɛzabɛ mɔɔ bɛtanɩ yɩ nɩ “bobu anyɩnlɩ bekile yi” nɩ, mɩnla yɛ nɩ ɩpɛɛ ikehile a? (mwbr24.03 12 ¶2)
-
Wɔ dapɛnɩ eyi Bayɩbʋlʋ ɛɣɩngalɛ yɩ nu nɩ, mɩnla yɛ ɔnwʋnlɩ mɔɔ ɛpɛ kɛɛ ɛkã a?
3. Bayɩbʋlʋ Ɛɣɩngalɛ
(Min. 4) Ndw 34:1-22 (th dɩyɛzumanlɛ 5)
4. Mmɩlɩ Mɔ Ɔbɔɔ Nkɔmmɔwɔlɛ Tʋ
(Min. 2) DASƖLƐ MƆƆ YEDI MMƖLƖ MƆ YÉNI DASƖLƐLILƐ NU. Mmɩlɩ mɔ ɛyɛlɩ wʋ adwɩnɩ kɛɛ edi yi dasɩlɛ la yɛ nkɔmmɔ yɩ ɣalɩ awielɩyɛ a. (lmd ozumalɛdɩyɛ 1 nkyɩkyɛmi 4)
5. Mmɩlɩ Mɔ Ɛkɛyɛɛ Siakehila
(Min. 4) DASƖLƐ MƆƆ YEDI MMƖLƖ MƆ YÉNI DASƖLƐLILƐ NU. (lmd ozumalɛdɩyɛ 2 nkyɩkyɛmi 4)
6. Wʋ Dedi Mɔɔ Ekehilehile Numɔ
(Min. 5) Yɛkile. ijwfq 59—Odwokɔtile: Kɛ Ɩyɛ Mɔɔ Gyehova Dasɩvʋlɔmaa Nwʋ Yɩ Kɛɛ Ɔlʋbɔlilɛ Be Sɔ Nyamɩnlɩ Anyɩ Anzɛnyɩɩ Ɩázɔ Yɩ Anyɩ a? (th dɩyɛzumanlɛ 17)
Ndwomi 59
7. Ahʋanɩ Asã Mɔɔ Yeduwa Zʋlɔ Yɛyɩ Gyehova Ayɛlɛ Wɔ Dɩyɛzumanlɛ Tʋ
(Min. 15) Ndɛnɩ nɩɩ nkɔmmɔwɔlɛ.
Asafʋ ayiyialɩyɛ ma yenyia nwʋmɔ ɔhʋanɩ sʋnʋnkʋ̃ yɛfa yɛyɩ Gyehova ayɛlɛ. Numɔ asã yɛ dɩ.
Nkɔmmɔwɔlɛ: Kã Gyehova yɩ baabayɛlɛ nwʋ odwokɔ kile mmenii mvʋlɔ mmɩlɩ mɔ ɛ nɩɩ bɛ bɔ nkɔmmɔ nɩ. (Ndw 145:1, 7) Asʋ̃ ɛdɩlɩ anzɛnyɩɩ ɛɣɩnganlɩ nkyɩkyɛmi pɔkyɩ̃ɩ̃ be mɔɔ enyianlɩ zʋlɔ mfasʋ a? Asʋ̃ enyianlɩ ozumalɛnwʋnlɛ kɩnlɩma be wɔ dasɩlɛlilɛ nu a? Asʋ̃ abiye yɩ ndwokɔ be mɔɔ ɩhanlɩ ihileli wʋ anzɛnyɩɩ yɩ nyɛlɩyɛ be hyɛlɩ wʋ ɛzɩzɩbɛ a? Asʋ̃ ɔnwʋnlɩ abɔdɩ nu dɩyɛ be mɔɔ wʋ anyɩ lelili nwʋmɔ a? Eyimmɔ munwala dɩ akyɛdɩ mɔɔ ɩzʋ̃ Gyehova kɛ. (Gye 1:17) Twu dɩyɛzumanlɛ tʋ ndɛ ɛgyɩkɩ̃ɩ̃ na ama wʋahʋla ɛ nɩɩ mmenii mvʋlɔ bɛawɔ nkɔmmɔ.
Munwalɩyɛmanlɛ: Bɔ mmɔdɩnɩ kɛɛ ɩáyɛ bʋwɔ kʋlaa nɩ ɛkɛma munwalɩyɛ ɔkʋ̃ wɔ dɩyɛzumanlɛ bela tʋ. (Ndw 26:12) Sɛ bebizia odwokɔ be a, sa ɔkʋla ɛma munwalɩyɛ senyii, etiã abiye yɩ munwalɩyɛ zʋ, ɛkã ɛhɛlɛlɛ odwokɔ anzɛnyɩɩ mfonyini yi nwʋ odwokɔ, anzɛnyɩɩ ɛkã kezimɔ yɛkɛva mɔɔ yesumaa nɩ yekeli egyima nɩ nwʋ odwokɔ. Kɛmɔ mmenii mvʋlɔ sʋ̃ kebigyia bɛ sa sʋlɔ nɩ ti, sa ɔkʋla esiyeziye munwalɩyɛ sʋ̃maa. Sɛ yɛma yɛ munwalɩyɛ yɛ nzikalɛ anzɛnyɩɩ yɛma yɩ wɔ anyɩnlɩwulɛ 30 nu a, ɩkɛma mmenii mvʋlɔ sʋ̃ kenyia ɔnwʋmɔ ɔhʋanɩ kɛva “ayɛlɛyɩlɛ afɔlɩ kɛma Nyamɩnlɩ.”—Hib 13:15.
Ndwomi: Fa anyɩnlɩlelɛ tʋ Bulombunlililɛ ndwomi nɩ be. (Ndw 147:1) Ebiye a, kɛ dɩyɛzumanlɛ bela tʋ yɛ bɔkɔvʋlɔ wʋ ma ɛkɛma munwalɩyɛ a, titili wɔ asafʋ kezile nu. Naasʋ̃ ndwomi mɔɔ yɛtʋ wɔ dɩyɛzumanlɛ tʋ nɩ mɛyɩ, eɣile bela sa ɔkʋla ɛ nɩɩ asafʋ yɩ bɔ numɔ tʋ. Sɛ ɛtɩ nɣanlɩ kɛɛ wʋ nnɩ ɩáyɛ fɛ po na ɛyɛ mɔɔ ɔkɔhʋla a, sa ɔkʋla enyia anwʋlazʋ kɛɛ Gyehova anyɩ kele baaba paa! (2Kɔl 8:12) Sa ɔkʋla di bɔmʋnlɩ suma ndwomi yi yɩ dʋlɛ wɔ awudo.
Yɩ́ VIDIYO mɔɔ ise Yɛ Ahyɩhyɛdɩ Nɩ Ɩkɔɔ Yɩ Anyunu—Ndwomi Dɩ Akyɛdɩ Ɔfʋã 1. Na akʋ̃ biziá ediyelɛmaa nɩ odwokɔɣizialɛ eyi:
Wɔ yɛ ahyɩhyɛdɩ yɩ abakɔsɛmɩ nu nɩ, mɩnla ɔhʋanɩ zʋ yɛ yehile kɛɛ ndwomi mɔɔ yɛtʋ yɛyɩ Gyehova ayɛlɛ nɩ nwʋ hyinyia a?
8. Asafʋ Bayɩbʋlʋ Dɩyɛzumanlɛ
(Min. 30) bt tile 9 ¶1-7, ɔfʋã 3 yɩ anyunumiyɩlɛ, nɩɩ alɩka mɔɔ ɩwɔ owu. 70
