Wɔ Gyisɛsɩ yɩ ɔzʋ̃mɩnlɛ egyima yɩ nu nɩ, ɩvalɩ ndwokɔ mɔɔ nɩ isizii ilili egyima wɔ yɩ ehilehilelɛ nu. (Lk 13:1-5) Wʋzawʋ sʋ̃, sa ɔkʋla ɛfa ndwokɔ mɔɔ isizii aɣile asã yɩ otunwo mmenii anyɩnlɩlelɛ wɔ Bulombunli odwokɔ yɩ nwʋ. Mmɩlɩ mɔ ɛhã odwokɔ be dɩkɛɛ, ozukuasɛmɩ nwʋ anwʋkyɩlɩ, asianɩ, basabasayɛlɛ nɩɩ mɔɔ ɩkɩnlahɩnla nwʋmɔ nwʋ odwokɔ owie nɩ, sa ɔkʋla ebizia ndwokɔ eyi ɛfa otunwo pika yi diibenyia yɩ anyɩnlɩlelɛ: “Osunzu kɛɛ mmɩlɩ be ɩkɛɣa mɔɔ . . .  ɩkɛɣa awielɩyɛ a?” anzɛnyɩɩ “Osunzu kɛɛ mɩnla yɛ ɩdɩ . . .  mɔɔ ɩkɔlɩ ɔzʋlɔ yɩ yi munwa awudo a?” Akʋ̃, ɛ nɩɩ yɩ bɛɣɩngá Ɛhɛlɛlɛ Odwokɔ be mɔɔ ɩfalɩ mɔɔ bosunzuu nwʋmɔ nɩ nwʋ. Sɛ pika yi diibenyia yɩ ikile nwʋmɔ anyɩnlɩlelɛ a, twɩ̃ yɩ adwɩnɩ siye vidiyo anzɛnyɩɩ buuku be mɔɔ ɩwɔ ye Nninyeni Mɔɔ Yɛfa Yekilehile yɩ nu nɩ zʋ. Mmɩlɩ mɔ yɛbɔɔ mmɔdɩnɩ kɛɛ yekodwu mmenii mvʋlɔ bɛ ahʋnlɩnɩ nu wɔ yɛ azɩlɛ-sini nu nɩ, bɛma ‘yɛyɛ eyimmɔ munwatĩĩ ama Odwokɔba nɩ ɩabɩndɩnlɩ nnɩka munwatĩĩ.’—1Kɔl 9:22, 23.

Mɩnla ndwokɔ yɛ ebiye a, mmenii anyɩ ikeleli nwʋmɔ wɔ wʋ azɩlɛ-sini yi nu a?