Kɛ yekeli dasɩlɛ mmɩlɩ mɔ yéni dasɩlɛlilɛ nu dɩ ɔhʋanɩ ɔkʋ̃ mɔɔ ɩyɛ anyɩnlɩlelɛ na itu mpʋnɩ mɔɔ yeduwa ɔzʋlɔ yɛkã odwokɔba yɩ. Naasʋ̃ sɛ yɛfa yɛ adwɩnɩ yesiye kezimɔ yɛkɛla Ɛhɛlɛlɛ Odwokɔ be ali nɩ zʋ sʋ̃maa a, ɩyɛ a ɩyɛ sɩ kɛɛ yɛkɔwɔ nkɔmmɔwɔlɛ tʋ. Kɛ ankɩ ɛkɛva wʋ adwɩnɩ ekeziye kezimɔ ekeli dasɩlɛ zʋ sʋ̃maa nɩ, ɩkɛyɛ baaba kɛɛ ɔkɔdwɩnɩ kezimɔ ɛkɛla ɔhɔnwʋvalɛ ali nɩ nwʋ. (Mt 22:39; Fɩl 2:4) Sɛ ɛ nɩɩ abiye bɔɔ nkɔmmɔ na nwʋmɔ ɔhʋanɩ buko kɛɛ ɛkɛla wʋ dedi ali a, ɔwɔ nninyeni sʋ̃maa mɔɔ ɩkɔhʋla ɩkɔwʋwa wʋ ma ɛkɛyɛ ɔzɔ.

Sɛ ɔbɔ nkɔmmɔwɔlɛ be tʋ na odwokɔ be twodwu a, mɩnla ɔhʋanɩ zʋ yɛ nninyeni mɔɔ yɛfa yekilehile mɔɔ ilili ɔzʋlɔ nɩ kɔhʋla kɔwʋwa wʋ a?

KILÁ VIDIYO MƆƆ ISE “BULALƐ SƖ̃ BULALƐ MUNWA”—KEZIMƆ YƐKƆWƆ NKƆMMƆWƆLƐ TƲ, NA AKƲ̃ YƖ ODWOKƆƔIZIALƐ EYI YI MUNWA:

Ahʋanɩ asã ɛhɩnla dɩyɛ yɛ ɩkɔhʋla ɩkɔwʋwa yɛ ma yɛ nkɔmmɔwɔlɛ kodu mpʋnɩ a?