Ɔlʋbɔ bela, nnwuakula sʋ̃maa si pɔkɔ kɛɛ bɛkɛɣa bɛkɛyɛ Gyehova yɩ ɔhɔnwʋ. (Ndw 110:3) Gyehova dwɩnɩ bo nu ɔkʋ̃ bela nwʋ baaba. Ɩtɩ ndwokɔzɩzɩbɛ mɔɔ eyiyiaa nɩ tʋ na ɩwɔ anʋhʋba kɛɛ ɩkɔwʋwa wʋ ma ɔkɔzʋ̃mɩ yɩ. Sɛ ɔwʋvʋlɔ ɔkʋ̃ yɛ ɩtɩdɩɩ wʋ a, kakɛ kɛɛ Gyehova dɩ “aɣisinyiamaa bɛ zɩ.” (Ndw 68:5) Iluwa Gyehova yɩ ɛdɩdɩlɛ zʋ nɩ, sa ɩkʋla isi wʋ bʋwɔ ɩávalɩ nwʋmɔ kezimɔ bʋwabɩlɛ yɩ ɩdɩ wɔ awudo nɩ.—1Pit 5:10.

KILÁ VIDIYO MƆƆ ISE BƐZABƐ MƆƆ BƆHƲLA BƆHƲ̃ DEDI KƲNƐ NƖ—BƐZABƐ MƆƆ ƆWƲVƲLƆ ƆKƲ̃ LA YƐ ƖTƖDƖƖ BƐ, NA AKƲ̃ YƖ NDWOKƆƔIZIALƐ EYIMMƆ BO MUNWA:

• Mɩnla yɛ osuma wɔ Tammy, Charles, nɩɩ Jimmy be ndianwʋ yi nu a?

  Your answer

• Mɩnla ɔhʋanɩ zʋ yɛ Ndwomi 27:10 hyɛ bɛzabɛ mɔɔ ɔwʋvʋlɔ ɔkʋ̃ ɩtɩdɩɩ bɛ nɩ ɛzɩzɩbɛ a?

  Your answer