Yɛáyɛ yɛ nnwʋánlɩ mmɩlɩ mɔ nninyeni mɔɔ isizi wɔ oyuwadɩ yɩ nu dɩka bela ma ozukuasɛmɩ yɛ basaa nɩ. Mɩnla ti a? Iluwakɛɛ yɛwɔ eɣile mɔɔ itualɩ yɩ tʋ wɔ awielɩyɛ mmɩlɩ nu na Bayɩbʋlʋ yɩ bɔ yɛ kɔkɔ kɛɛ áma yɛfa yɛ ɛɣɛɛlɛ yewula “anwʋnyiadɩ mɔɔ bɔkʋla bɛsɩkɛ” nu. (1Tim 6:17; 2Tim 3:1) Mɩnla ɔhʋanɩ zʋ yɛ Bulombunli Gyehohyafatɩ yɩ ndianwʋ nɩ kɔhʋla kɔwʋwa yɛ wɔ kezimɔ yekeziyeziye yɛ nwʋ yɛkɛma ozukuasɛmɩ nu anwʋkyɩlɩ a?

Gyehohyafatɩ valɩ yɩ nwʋ dianlɩ Gyehova zʋ mmɩlɩ mɔ nɩ yɩ adamvʋlɔ bonwunlanwunla yɩ nɩ. (2Mm 20:9-12) Iduli agyiakɛ ɩva iziyeziyeli manlɩ yɩ ɩmanlɩ mmɩlɩ tanɩ mɔɔ ɩkɛɣa iluwa twonwa yɩ mɔɔ ɩmanlɩ ɩyɛlɩ sɩ nɩɩ azogyiamaa azʋkɔlɩyɛ mɔɔ ɩyɛlɩ nɩ. (2Mm 17:1, 2, 12, 13) Dɩkɛɛ Gyehohyafatɩ nɩ, yɛfa yɛ nwʋ yetiã Gyehova zʋ na yesiyeziye yɛ nwʋ yesiye yɛma anwʋhyɩlɩlɛ mmɩlɩ.

KILÁ VIDIYO MƆƆ ISE ASƲ̃ EZIYEZIYE WƲ NWƲ ƐMA ASIANƖ MMƖLƖ A? NA AKƲ̃ YƖ NDWOKƆƔIZIALƐ EYIMMƆ BO MUNWA:

• Mɩnla yɛ yɛkɔhʋla yɛkɛyɛ na yɛava yɛaziyeziye yɛ nwʋ yɛama asianɩ a?

  Your answer

• Kɛ ɩkɛyɛ na yɛaziyeziye yɛ nwʋ na ama yɛahʋla yɛawʋwa mmenii mvʋlɔ a?

  Your answer