May 6-12
NDWOMI 36-37
Ndwomi 87 Nɩɩ Mpayɩwɔlɛ | Anyunumi Ndwokɔ (Min. 1)
1. “Áma Ɛfa Ɛya Iluwa Amumuyɛmaa Ti”
(Min. 10)
Amumuyɛmaa bɛma yɛtɩ ɛyɛkɛ (Ndw 36:1-4; mwbr24.05 1 ¶1)
Sɛ yɛkɔ ɔzʋlɔ yenyia amumuyɛmaa bɔ nwʋ ɛya a, ɩkɔhʋla ikebila yɛzayɛ sʋ̃ (Ndw 37:1, 7, 8; mwbr24.05 1 ¶2)
Sɛ yenyia Gyehova yɩ anʋhʋba azʋlɔtʋ nu anwʋlazʋ a, ɩma yenyia azʋ̃nudwolɩyɛ (Ndw 37:10, 11; mwbr24.05 1 ¶3)
BIZIÁ WƲ NWƲ KƐƐ, ‘Asʋ̃ mɩfa mɩ adwɩnɩ misiye amanɩyɛwɔlɛ mɔɔ basabasayɛlɛ wɔ nu nɩ zʋ sʋ̃maa a?’
2. Pɩbɛlɩ Bayɩbʋlʋ Yi Nu
(Min. 10)
-
Ndw 36:6—Mmɩlɩ mɔ ndwomidʋlɛvʋlɔ yɩ hanlɩ kɛɛ Gyehova yɩ ɛdɩnɣɛlɛ dɩkɛɛ “avile nɣezile” nɩ, mɩnla yɛ ebiye a nɩ ɩpɛɛ ikehile a? (mwbr24.05 1 ¶4)
-
Wɔ dapɛnɩ eyi Bayɩbʋlʋ ɛɣɩngalɛ yɩ nu nɩ, mɩnla yɛ ɔnwʋnlɩ mɔɔ ɛpɛ kɛɛ ɛkã a?
3. Bayɩbʋlʋ Ɛɣɩngalɛ
(Min. 4) Ndw 37:1-26 (th dɩyɛzumanlɛ 10)
4. Mmɩlɩ Mɔ Ɔbɔɔ Nkɔmmɔwɔlɛ Tʋ
(Min. 3) ABIKA ABIKA NU. (lmd ozumalɛdɩyɛ 1 nkyɩkyɛmi 5)
5. Mmɩlɩ Mɔ Ɛkɛyɛɛ Siakehila
(Min. 4) DASƖLƐ MƆƆ YEDI MMƖLƖ MƆ YÉNI DASƖLƐLILƐ NU. Kã Bayɩbʋlʋ dɩyɛzumanlɛ nwʋ odwokɔ kile abiye mɔɔ mmɩlɩ be mɔɔ idua numɔ nɩ, nɩ yɩ anyɩ iáleli nwʋmɔ kɛɛ ɩ nɩɩ yɛ kozuma Bayɩbʋlʋ yɩ nɩ. (lmd ozumalɛdɩyɛ 9 nkyɩkyɛmi 4)
6. Ndɛnɩ
(Min. 5) ijwbv-TW 45—Odwokɔtile: Mɩnla Yɛ Ndwomi 37:4 Yɩ Tʋ Kile a? (th dɩyɛzumanlɛ 13)
Ndwomi 33
7. Asʋ̃ Eziyeziye Wʋ Nwʋ Ma “Anwʋhyɩlɩlɛ Mmɩlɩ” a?
(Min. 15) Ndɛnɩ nɩɩ nkɔmmɔwɔlɛ.
Iluwa abɔdɩ nu asianɩ nɩɩ asianɩ mɔɔ enii yɩ nyɛlɩyɛ fa ba nɩ ti, ye mmeliyema mɔɔ bɔwɔ oyuwadɩ yɩ dɩka bela bɛ agyiapadɩ nɩɩ bɛ alɔvʋlɔ fi bɛ sa. (Ndw 9:9, 10) Alɔbɔ odwokɔ yɛ lɛ kɛɛ “anwʋhyɩlɩlɛ mmɩlɩ” kʋla tʋ yɛ wɔ mmɩlɩ bela, meti ɩsɛ kɛɛ yesiyeziye yɛ nwʋ kɛɛ yekegyina bʋwabɩlɛ azʋlɔtʋ mɔɔ ɩdɩ zɛ nɩ munwa.
Sɛ yɛfa yɛ nwʋ mɔɔ yekeziyeziye wɔ nnwʋnlamɩ ɔfʋã nu nɩ yetiã ahanlɩ a, a mɩnla dɔkʋ̃ yɛ yɛkɔhʋla yɛkɛyɛ mmɩlɩ mɔ asianɩ be izi nɩ a?
-
Siyeziye wʋ adwɩnɩ: De tiã numɔ kɛɛ asianɩ kʋla si na sunzu mɔɔ ɔkɔhʋla ɛkɛyɛ mmɩlɩ mɔ izi nɩ nwʋ. Áma ɛfa wʋ ahʋnlɩnɩ wula nnwʋnlamɩ ɔfʋã nu agyiapadɩ mɔɔ ɛlɛ yɩ nu sʋ̃maa. Eyi kɔwʋwa wʋ ma ɛkɛyɛ wʋ dɩyɛ nɣɛlɛbɛ nu na wʋale wʋzawʋ nɩɩ mmenii mvʋlɔ nnwʋanlɩ tɛla kɛɛ ɔkɔwɔ mmɔdɩnɩ kɛɛ ɔkɔwɔ wʋ agyiapadɩ nwʋ banɩ. (Gyn 19:16; Ndw 36:9) Wʋáfa wʋ ahʋnlɩnɩ munwala wula wʋ nnwʋnlamɩ ɔfʋã nu agyiapadɩ nu sʋ̃maa a, ɩlɛ́ma ekeli ɛyɛkɛ sʋ̃maa mmɩlɩ mɔ wʋ agyiapadɩ munwatĩĩ vi wʋ sa wɔ anwʋhyɩlɩlɛ mmɩlɩ nu nɩ.—Ndw 37:19
-
Siyeziye wʋ nwʋ wɔ sunzuma ɔfʋã nu: Hyɛ anwʋlazʋ mɔɔ ɔwɔ kɛɛ Gyehova lɛ ɛpɛ nɩɩ tumi mɔɔ ɩkɛva ɩkɔwʋwa wʋ nɩ nu ɛzɩzɩbɛ. (Ndw 37:18) Ansaana asianɩ kezi nɩ, ta kakɛ wʋ nwʋ kɛɛ Gyehova kɔwʋwa yɩ azʋ̃mɩvʋlɔ na iahile ɔhʋanɩ bɛ, sɛ ‘benyia nnwʋanlɩ’ wɔ asianɩ mmɩlɩ nu na dɩyɛ bela fi bɛ sa po a.—Gyɛ 45:5; Ndw 37:23, 24
Sɛ yɛma ɩbʋwa yɛ adwɩnɩ nu kɛɛ Gyehova keli yɩ anʋhʋba zʋ a, yɛma ɩba ɩyɛ yɛ “anwʋhyɩlɩlɛ mmɩlɩ nu eɣiandinlɛhɔlɛdɩka.”—Ndw 37:39.
Yɩ́ VIDIYO mɔɔ ise Asʋ̃ Eziyeziye Wʋ Nwʋ Ɛma Asianɩ Mmɩlɩ a? Na akʋ̃ biziá ediyelɛmaa nɩ ndwokɔɣizialɛ eyimmɔ:
-
Mɩnla ɔhʋanɩ zʋ yɛ Gyehova kɔhʋla kɔwʋwa wʋ wɔ asianɩ mmɩlɩ nu a?
-
Mɩnla yɛ yɛkɔhʋla yɛkɛyɛ na yɛava yɛaziyeziye yɛ nwʋ bɔnkʋ̃ a?
-
Kɛ ɩkɛyɛ na yɛawʋwa bɛzabɛ mɔɔ bɔ nwʋ ɩhã wɔ asianɩ mmɩlɩ nu nɩ a?
8. Asafʋ Bayɩbʋlʋ Dɩyɛzumanlɛ
(Min. 30) bt tile 9 ¶8-16
