KILISINYIAMAA BƐ ƐBƖLAWƆLƐ
Gyehova Izi Mɔɔ Yehyinyia
Sʋ̃mɩvʋlɔ nɔhʋanlɛvʋlɔ nɩɩ nɣɛlɛbɛvʋlɔ nɩ ɩma alɩyɛ yɛ wɔ “mmɩlɩ mɔ ɩsɛ nu.” Eyi ɩma yɛnwʋ yɩ kɛɛ Gyehova mɔɔ ikile sʋ̃mɩvʋlɔ nɩ ɔhʋanɩ nɩ, izi mɔɔ yehyinyia wɔ sunzuma ɔfʋã nu. (Mt 24:45) Yɛ manlɩ-avinli ayiyialɩyɛ nɩɩ dapɛnɩ avinli dɩyɛzumanlɛ nɩ ɩkɩnla nninyeni mɔɔ idi dasɩlɛ kɛɛ ɩma yɛ mɔɔ yehyinyia nɩ nwʋ.
KILÁ VIDIYO MƆƆ ISE EHILEHILELƐ KƆMITII BƐ AMANƖYƐWƆLƐ MA 2017, NA AKƲ̃ YƖ́ NDWOKƆƔIZIALƐ EYIMMƆ BO MUNWA:
-
Aninyia yɛ ɩsɛ kɛɛ yɛfa ayiyialɩyɛ azʋlɔtʋ mɔɔ yɛkɔ wɔ yɩ mmɩlɩ nu nɩ nwʋ ɛhamvʋlɛ yɛma yɩ a, na mɩnla ti a?
-
Mɩnla mmɩlɩ yɛ bɔbɔ yɩ tʋ kɛɛ bɛyɛɛ ayiyialɩyɛ nɩ nwʋ egyima a?
-
Mɩnla ɔhʋanɩ zʋ yɛ bɛyɩ ayiyialɩyɛ yɩ ndwokɔ adile nɩ a?
-
Sɛ bɛyɛɛ ayiyialɩyɛ nɩ nwʋ nhyɩhyɛlɩyɛ a, mɩnla egyima azʋlɔtʋ yɛ ɩwɔ numɔ a?
-
Mɩnla ɔhʋanɩ zʋ yɛ bɛva kezimɔ bosuma dɩyɛ wɔ Gɩlɩad nɩ bɛyɛ dapɛnɩ avinli dɩyɛzumanlɛ nɩ a?
-
Mɩnla ɔhʋanɩ zʋ yɛ bɛtɩlɩ azʋkɔlɩyɛ azʋlɔtʋ nɩ bɔbʋwa ma bɛyɛ dɩyɛzumanlɛ kɛlɛta nɩ a?
Kɛ ɛtɩ nɣanlɩ wɔ sunzuma ɔfʋã nu alɩyɛ mɔɔ Gyehova ɩfa ɩma yɛ ma ye dedi ɩyɛ sɩ nɩ nwʋ ese a?
