8:6-9, 12; 9:1-5, 23, 24

Mmɩlɩ mɔ bɛvalɩ Elɔnʋ azɔfʋlilɛ okuwu nɩ beziyeli ɛkɛnɩ nɩ, Gyehova ɩmanlɩ sɩnɩ ɩzʋ̃ sʋlɔ ɩɣa ɩyɩbalɩ afɔlɩ mɔɔ ili bɔmʋnlɩ mɔɔ bɔwɔlɩ nɩ. Na eyi ihileli kɛɛ Gyehova ile ɔzɔ nhyɩhyɛlɩyɛ nɩ idiã numɔ na igyĩ bɛ mɛda. Mɔɔ Gyehova ɩyɛlɩ nɩ sʋ̃ ɩhyɛlɩ Yizilayamaa mɔɔ bodua ɛkɛnɩ beyiyia nɩ ɛzɩzɩbɛ kɛɛ, ɩsɛ kɛɛ bɛfa bɛ anwʋzɩzɩbɛ munwatĩĩ bɔbʋwa azɔfʋ nɩ. Nnɛ sʋ̃, Gyehova ɩlɛ Gyisɛsɩ Kɩlayɩsɩ mɔɔ bɛhyɛ yɩ animinyiamɩ nɩ idii egyima kɛɛ Azɔfʋ Mbanimbani Nu Ebani mɔɔ ɩdɩ kezile baaba. (Hib 9:11, 12) Wɔ alʋbɔ 1919 nu nɩ, Gyisɛsɩ ɩyɩlɩ okuwu ɛgyɩkɩ̃ɩ̃ be mɔɔ bɔvɔ ngɔlɔ bɛ nɩ kɛɛ ‘sʋ̃mɩvʋlɔ nɔhʋanlɛvʋlɔ nɩɩ nɣɛlɛbɛvʋlɔ.’ (Mt 24:45) Asʋ̃ yɛnwʋ dasɩlɛ be mɔɔ ikile kɛɛ Gyehova ile sʋ̃mɩvʋlɔ nɔhʋanlɛvʋlɔ nɩ idiã numɔ, ɩbʋwaa bɛ, na iyilaa bɛ sʋ̃ a?

• Ɩávalɩ nwʋmɔ odwodwudiyialɛ azʋlɔtʋ nɩ, sʋ̃mɩvʋlɔ nɔhʋanlɛvʋlɔ nɩ ɩkɔlɩ ɔzʋlɔ ɩfa sunzuma ɔfʋã nu alɩyɛ ɩma yɛ

• Kɛmɔ bɛhyɛlɩ nwʋmɔ nkɔmɩ nɩ, bɛkãã odwokɔba nɩ “wɔ oyuwadɩ yɩ dɩka bela.”—Mt 24:14

Kɛ ɩkɛyɛ na yɛahile kɛɛ yegyĩ sʋ̃mɩvʋlɔ nɔhʋanlɛvʋlɔ nɩɩ nɣɛlɛbɛvʋlɔ nɩ bɛ mɛda pindinyii a?