SIANTI MƆƆ IHYINYIA: Foonu zʋ dasɩlɛlilɛ ɩdɩ ɔhʋanɩ titili ɔkʋ̃ mɔɔ yɛkɔhʋla yekoluwa ɔzʋlɔ yekeli “odwokɔba nɩ nwʋ dasɩlɛ bɔkɔbɔkɔ.” (Egy 20:24, NWT) * Ɩma yɛkʋla yedi abiye mɔɔ bʋwabɩlɛ be ti, yɛlɔ́kʋla yɛkɔhɔ yɩ awudo nɩ dasɩlɛ.

KEZIMƆ ƐKƐYƐ YƖ:

• Siyeziyé wʋ nwʋ. Fá odwokɔtile mɔɔ ɩfata. Na kɛlɛ odwokɔ mɔɔ ɛkɛhã nɩ tiã ɛkɛnɩ. Ɔkɔhʋla sʋ̃ ekeziyeziye odwokɔ sini be mɔɔ ɛkɛhã wɔ mmɩlɩ mɔ ɔvʋlɔ abiye mɔɔ wʋ sa ɩákã yɩ, na bese ɛva voicemail be eyiaki nɩ. Ɩdɩ baaba kɛɛ ɔkɔwʋwa ɔbʋnlɩ nwʋ, na wʋava odwokɔ mɔɔ ɛkɛhã mɔɔ ɛhɛlɛ nɩɩ nninyeni be mɔɔ ekehyinyia dɩkɛɛ foonu anzɛnyɩɩ tabɩlɛtɩ mɔɔ owuko JW Library^® anzɛnyɩɩ jw.org^® wɔ ɔzʋlɔ bɔnkʋ̃ nɩ

• Áma wu kunlu itu. Tɩndɛ́ kɛmɔ ɛtɩndɛ eɣile bela nɩ. Sɩlɩ́ na yɛ́ wʋ dɩyɛ dɩkɛɛ mɔɔ enii ɔkʋ̃ nɩ yɩ ɩda wʋ anyunu. Áma ɛta ekyinangyina wʋ ɛdɩndɛlɛ nu. Ɩdɩ baaba kɛɛ ɛ nɩɩ enii ɔkʋ̃ anzɛnyɩɩ mmenii anwɩ̃ bɔkɔwɔ numɔ bekeli dasɩlɛ. Sɛ pika yi diibenyia yɩ nɩ ibizia odwokɔ be a, tĩ numɔ dɔkʋ̃ ma ivindenli wʋ munwa na ama wʋ bʋwavʋlɔ nɩ ɩawʋwa wʋ ma bɛayɩ́ odwokɔɣizialɛ yɩ nɩ yi munwa

• Yɛ́ siakehila nwʋ nhyɩhyɛlɩyɛ. Sɛ enii ɔkʋ̃ nɩ yɩ ikile nwʋmɔ anyɩnlɩlelɛ a, fá odwokɔɣizialɛ be siye ɛkɛnɩ na eɣile fʋlɔ mɔɔ ɔkɔvʋlɔ yɩ nɩ, bɛawɔ nwʋmɔ nkɔmmɔ. Sa wʋzawʋ ɔkʋla sʋ̃ ɛfa buuku pɔkyɩɩ be ɔkɔ ɛma yɩ anzɛnyɩɩ ɛfa ɔnwʋã yɩ wɔ e-mail zʋ. Sa ɔkʋla ɛfa yɛ vidiyo azʋlʋtʋ nɩ numɔ ɔkʋ̃ anzɛnyɩɩ yɛ awuuku yi numɔ ndwokɔ be ɔnwʋã yɩ wɔ text message anzɛnyɩɩ e-mail zʋ