KILISINYIAMAA BƐ ƐBƖLAWƆLƐ
Sɛ Eyiyia Odwodwudiyialɛ a, Má Wʋ Anyɩ Ile
Kilisinyiamaa zi kɛɛ sa botwodwu betiyia bɛ. (Dwɔ 15:20) Ɩwɔ numɔ kɛɛ botwodwu betiyia yɛ a, ɩfa adwɩnɩndwɩnɩ itiã yɛ zʋ na ɩyɛ a, yedi ɛyɛkɛ sʋ̃ dɩyɛ, naasʋ̃ sɛ yekyina yi munwa a, yɛ anyɩ ide.—Mt 5:10-12; 1Pit 2:19, 20.
KILÁ VIDIYO MƆƆ ISE YƐ ANYƖ ƖKƆHƲLA IKELE ƖÁVALƖ NWƲMƆ ATƖƖTƖƖ, NA AKƲ̃ YƖ NDWOKƆƔIZIALƐ EYIMMƆ BO MUNWA:
Mɩnla yɛ osuma wɔ eliyema Bazhenov yɩ ozumalɛnwʋnlɛ yɩ nwʋ falɩ sianti mɔɔ ihyinyia kɛɛ
-
yɛkɩnga Bayɩbʋlʋ eɣile bela a?
-
yenyia mmʋwalɩyɛ wɔ ye mmeliyema Kilisinyiamaa bɛ ɛkɛnɩ a? a
-
yɛta yɛbɔ mpayɩ a?
-
yɛtʋ Asafʋ ndwomi a?
-
yɛkã yɛ dedi nwʋ odwokɔ yekile mmenii mvʋlɔ a?
a Sa yɛkʋla yɛbɔ mpayɩ yɛma ye mmeliyema mɔɔ bediã bɛ fiyiadɩ nɩ, na sa yɛkʋla yɛbʋbɔ bɛ anlima po wɔ yɛ mpayɩwɔlɛ nu. Naasʋ̃, nhyɩhyɛlɩyɛ bela íni ɛkɛnɩ mɔɔ Bɛtɩlɩ kɔhʋla kɛva abiye yɩ kɛlɛta mɔɔ ɩhɛlɛ ɩkɔnwʋa bɛ.
