Ɩyɛ a, yɛtɩ nɣanlɩ kɛɛ mmenii mvʋlʋ bɛ anyɩ ɩázɔ egyima ɛzɩzɩbɛ mɔɔ yɛyɛ yɛma bɛ nɩ anzɛnyɩɩ bɛ ɛɣɛlɛ ifi yi ndɛndɛ. Naasʋ̃ egyima ɛzɩzɩbɛ mɔɔ yɛyɛ yɛma Gyehova nɩ sʋ̃ ɛ? Yɛ Nyamɩnlɩ yɩ mɔɔ ikile nninyeni nwʋ anyɩnlɩzɔlɛ nɩ, yɩ ɛɣɛlɛ iávi mmɔdɩnɩ mɔɔ yɛbɔɔ kɛɛ yɛkɔzʋ̃mɩ yɩ nɩ kyɩ̃. Sɛ iluwa yɛ pɔkɔdɩlɛ ti yɛáhʋla yɛyɛ mɔɔ ankɩ nɩ yɛkʋla yɛyɛ nɩ po a, iléyiaki yɛ kyɩ̃.—Hib 6:10.

KILÁ VIDIYO MƆƆ ISE GYEHOVA ƖKAKƐ, NA AKƲ̃ YƖ NDWOKƆƔIZIALƐ EYIMMƆ BO MUNWA:

• Mɩnla ɔhʋanɩ zʋ yɛ Eliyema Hibshman ɩyɛ egyima ɛzɩzɩbɛ sʋ̃maa wɔ Gyehova yɩ ɔzʋ̃mɩnlɛ nu a?

• Mɩnla ɔhʋanɩ zʋ yɛ Gyehova ɩhakɛlɩ Eliyema Hibshman mmɩlɩ mɔ yɩ yɩ wuli mɛda nɩɩ mmɩlɩ mɔ ebaniyɛlɛ ti ɩáhʋla ɩyɛ sʋ̃maa nɩ a?

• Mɩnla ti mɔɔ yɛkɔhʋla yɛkahã kɛɛ Gyehova iyilalɩ Eliyema Hibshman wɔ yɩ mmɩlɩ munwatĩĩ ɔzʋ̃mɩnlɛ egyima yɩ nu a?—Ɛɣɛ 10:22