Mɩnla subanɩ azʋlɔtʋ yɛ wu kunlu a ankɩ wʋ ɔhɔnwʋ be ɩlɛ a? Ebiye a, wu kunlu a ankɩ idi nɔhʋanlɛ, ɩnwʋ ngokɛ, na ɩda kunlumiba ali. Gyehova ɩlɛ subanɩ eyimmɔ munwala be. (Ɛkɩ 34:6; Egy 14:17) Sɛ ɔbɔ yɩ mpayɩ a, itiye. Ɩbʋwa wʋ wɔ mmɩlɩ bela mɔɔ ehyinyia mmʋwalɩyɛ nɩ. (Ndw 18:19, 35) Ɩfa wʋ tanɩ ɩkyɛ wʋ. (1Dwɔ 1:9) Kilá kezimɔ Gyehova ɩdɩ Ɔhɔnwʋ baaba ɔkʋ̃!

Kɛ ɩkɛyɛ na wʋayɛ Gyehova yɩ ɔhɔnwʋ a? Sumá yɩ nwʋ dɩyɛ iluwa Bayɩbʋlʋ yɩ mɔɔ ɛkɛɣɩnga nɩ zʋ. Kã wʋ odwokɔ kile yi. (Ndw 62:8; 142:2) Kilé kɛɛ obu nninyeni mɔɔ nwʋmɔ ihyinyia Gyehova nɩ, dɩkɛɛ yɩ Ɣa yɩ, yi Bulombunlililɛ, nɩɩ yɩ anʋhʋba azʋlɔtʋ mɔɔ ɩfalɩ eɣile be nwʋ nɩ. Kã yɩ nwʋ odwokɔ kile mmenii mvʋlɔ. (Dit 32:3) Sɛ ɛfa Gyehova ɔhɔnwʋ paa a, sa yɩzayɩ sʋ̃ ɩfa wʋ Ɔhɔnwʋ daabaa.—Ndw 73:25, 26, 28.

KILÁ VIDIYO MƆƆ ISE MMƖLANTƖYƐ NƖƖ NƔƐDƐKƐ—“BODWÉ BEHILA NA BƆNWƲ YƖ KƐƐ GYEHOVA ƖDƖYƐNƐ,” NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Sɛ ɛpɛ kɛɛ eyila wʋ nwʋ zʋ na onuma a, kɛ ɩkɛyɛ na wʋaziyeziye wʋ nwʋ a?

• Mmeliyema mɔɔ bɔwɔ asafʋ yi nu nɩ, mɩnla ɔhʋanɩ zʋ yɛ bɔkɔhʋla bɔkɔwʋwa wʋ ma ɔkɔzʋ̃mɩ Gyehova a?

• Mɩnla ɔhʋanɩ zʋ yɛ dasɩlɛlilɛ egyima nɩ iminyia ɛ nɩɩ Gyehova bɛ avinli abusunwawɔlɛ yɩ nu a?

• Mɩnla ɔnwʋmɔ ɔhʋanɩ azʋlɔtʋ yɛ ɔkɔhʋla ekenyia wɔ Gyehova yɩ ɔzʋ̃mɩnlɛ nu a?

• Mɩnla yɛ wʋ anyɩ ideli nwʋmɔ wɔ Gyehova nwʋ a?