Ɩyɛ a, ye munwala yɛ ɛɣɛɛlɛ bɔ. Sɛ yɛ ɛɣɛɛlɛ bɔ a, iáhile kɛɛ yéni Gyehova nu dedi. Iluwakɛɛ Gyehova ɩma yɛnwʋ yɩ kɛɛ ɩyɛ a, yɩzayɩ po yɩ ɛɣɛɛlɛ kʋla bɔ. (Gyn 6:​5, 6) Naasʋ̃ sɛ yɛ ɛɣɛɛlɛ ɩta ɩbɔ ma ɩbʋlʋ zʋlɔ anzɛnyɩɩ eɣile bela nɩ yɛ ɛɣɛɛlɛ ɩwɔ a, mɩnla yɛ yɛkɔhʋla yɛkɛyɛ a?

Bɔ Gyehova mpayɩ fa pɩbɛ yɩ kɛnɩ mmʋwalɩyɛ. Kezimɔ yɛtɩ nɣanlɩ nɩ nwʋ hyinyia Gyehova paa. Sɛ yɛ anyɩ de anzɛnyɩɩ yɛ ɛɣɛɛlɛ bɔ a, ɩnwʋ yɩ. Ɩtɩ kezimɔ mɔɔ yɛtɩ nɣanlɩ nɩɩ sianti mɔɔ yɛkʋla yenyia adwɩnɩ be nɩ tʋ. (Ndw 7:9b) Na mɔɔ ɩtɛla ebiyela nɩ, Gyehova dwɩnɩ yɛ nwʋ na sa ɩkʋla ɩbʋwa yɛ ma yekyina yɛ alɔbɔlilɛ anzɛnyɩɩ adwɩnɩndwɩnɩ mɔɔ ɩdɔ yɛ zʋ nɩ yi munwa.—Ndw 34:18.

Bɔ wʋ adwɩnɩ nwʋ banɩ. Sɛ yɛ abɔkɔ nu kolɔ a, ɩkʋla ɩsɩkɛ yɛ anyɩnlɩlelɛ na ɩkɔhʋla ɩkɛhã yɛ ɔzʋ̃mɩnlɛ po. Eyi ti, yɛbɔ mmɔdɩnɩ kɛɛ yɛkɔwɔ yɛ ahʋnlɩnɩ mɔɔ ɩdɩ kezimɔ yɛdɩ ankasa nɩ nwʋ banɩ.—Ɛɣɛ 4:23.

KILÁ VIDIYO MƆƆ ISE KEZIMƆ YE MMELIYEMA WƆ AZƲ̃NUDWOLƖYƐ ƖÁVALƖ NWƲMƆ ADWƖNƖ NU ADIMAKƐLƐ, NA AKƲ̃ YƖ NDWOKƆƔIZIALƐ EYIMMƆ BO MUNWA:

• Mɩnla yɛ Nikki yɛlɩ va gyinanlɩ yɩ adwɩnɩ nu adimakɛlɛ yi munwa a?

  Wu munwalɩyɛ

• Mɩnla ti mɔɔ Nikki dɩlɩ nɣanlɩ kɛɛ ɩsɛ kɛɛ ɩkɔ ɩnwʋ dɔkɩta a?—Mt 9:12

  Wu munwalɩyɛ

• Mɩnla ahʋanɩ azʋlɔtʋ nu yɛ Nikki valɩ yɩ nwʋ dianlɩ Gyehova zʋ ma ɩwʋwalɩ yɩ a?

  Wu munwalɩyɛ