October 7-13
NDWOMI 92-95
Ndwomi 84 Nɩɩ Mpayɩwɔlɛ | Anyunumi Ndwokɔ (Min. 1)
1. Gyehova Mɔɔ Yɛkɔzʋ̃mɩ Yɩ Nɩ Yɛ Ɩdɩ Ɛbɩlawɔlɛ Mɔɔ Ɩdɩ Baaba Ɩtɛla Ebiyela!
(Min. 10)
Gyehova fata yɛ ɔzʋ̃mɩnlɛ (Ndw 92:1, 4; mwbr24.09 7 ¶2)
Ɩbʋwa yi mmenii ma bɛzabɛ besi bɔ pɔkɔ na ama bɛ anyɩ iale (Ndw 92:5; mwbr24.09 7 ¶3)
Yɩ anyɩ sɔ bɛzabɛ mɔɔ bɔsʋ̃mɩ yɩ wɔ mmɩlɩ po mɔ bɛ alʋbɔ ɩhɔ anyunumi nɩ baaba paa (Ndw 92:12-15; mwbr24.09 7 ¶4)
BIZIÁ WƲ NWƲ KƐƐ, ‘Mɩnla yɛ isi mɩ ɔhʋanɩ kɛɛ mikeyila mʋ nwʋ zʋ mɩkɛma Gyehova na mɩanluma a?’
2. Pɩbɛlɩ Bayɩbʋlʋ Yi Nu
(Min. 10)
-
Ndw 92:5—Mɩnla ɔhʋanɩ zʋ yɛ nkyɩkyɛmi eyimmɔ kilehile Gyehova yɩ nɣɛlɛbɛ nu bʋwa a? (mwbr24.09 8 ¶1)
-
Wɔ dapɛnɩ eyi Bayɩbʋlʋ ɛɣɩngalɛ yɩ nu nɩ, mɩnla yɛ ɔnwʋnlɩ mɔɔ ɛpɛ kɛɛ ɛkã a?
3. Bayɩbʋlʋ Ɛɣɩngalɛ
(Min. 4) Ndw 94:1-23 (th dɩyɛzumanlɛ 5)
4. Mmɩlɩ Mɔ Ɔbɔɔ Nkɔmmɔwɔlɛ Tʋ
(Min. 4) DASƖLƐ MƆƆ YEDI MMƖLƖ MƆ YÉNI DASƖLƐLILƐ NU. Mmɩlɩ mɔ ɛ nɩɩ abiye bɔɔ nkɔmmɔ nɩ, pɛ ɔhʋanɩ be fa kã egyima mɔɔ ɛyɛ kɛɛ Bayɩbʋlʋ kilehilevʋlɔ nwʋ odwokɔ kile yi. (lmd ozumalɛdɩyɛ 5 nkyɩkyɛmi 3)
5. Mmɩlɩ Mɔ Ɛkɛyɛɛ Siakehila
(Min. 3) DASƖLƐ MƆƆ YEDI MMƖLƖ MƆ YÉNI DASƖLƐLILƐ NU. Kã Bayɩbʋlʋ dɩyɛzumanlɛ nwʋ odwokɔ kile abiye mɔɔ mmɩlɩ be mɔ idua nu nɩ, nɩ yɩ anyɩ iáleli nwʋmɔ kɛɛ ɩ nɩɩ yɛ kozuma Bayɩbʋlʋ yɩ naasʋ̃ kakɩ yɩ, yɩ anyɩ leli nwʋmɔ nɩ. (lmd ozumalɛdɩyɛ 8 nkyɩkyɛmi 4)
6. Adʋwavʋlɔyɛlɛ
(Min. 5) Ɛ nɩɩ wʋ Bayɩbʋlʋ dɩyɛzumanlɛvʋlɔ mɔɔ iányia anyunumihɔlɛ bela nɩ zunzu nninyeni nwʋ. (lmd ozumalɛdɩyɛ 12 nkyɩkyɛmi 5)
Ndwomi 5
7. Mmɩlɩ Mɔ Adwɩnɩndwɩnɩ Hyɛ Nnwuakula Zʋ Nɩ
(Min. 15) Ndɛnɩ nɩɩ nkɔmmɔwɔlɛ.
Adwɩnɩndwɩnɩ kɔhʋla kɔdɔ bɛzabɛ mɔɔ bɔsʋ̃mɩ Gyehova po zʋ. Kɛ ndianwʋ nɩ, adwɩnɩndwɩnɩ dɔlɩ Devidi zʋ wɔ mmɩlɩ azʋlɔtʋ be nu wɔ yɩ ɛbɩlawɔlɛ nu, na ɔzɔ la yɛ ɩtʋ ye mmeliyema sʋ̃maa nnɛ sʋ̃ a. (Ndw 13:2; 139:23) Alɔbɔ odwokɔ yɛ lɛ kɛɛ, ɩkʋla ɩtʋ nnwuakula sʋ̃maa po. Ɩyɛ a, adwɩnɩndwɩnɩ kʋla ma nninyeni po mɔɔ yɛta yɛyɛ dɩkɛɛ sukuuluhɔlɛ nɩɩ dɩyɛzumanlɛhɔlɛ bayɛ sɩ. Ɩkʋla ɩma bɔlɔ kã abiye aɣilemvile nu anzɛnyɩɩ inyia adwɩnɩ be kɛɛ ihũ yɩ nwʋ.
Nnwuakula, sɛ adwɩnɩndwɩnɩ hyɛ bɔ zʋ a, bɛ nɩɩ bɛ awʋvʋlɔ anzɛnyɩɩ abiye mɔɔ yɩ anyɩ ɩdɩ mɔɔ yɩ nwʋ ɩwʋkwa dɩndɛ. Akʋ̃ sʋ̃, siã Gyehova kɛɛ ɩwʋwa wʋ. (Fɩl 4:6) Sa ɩbʋwa wʋ. (Ndw 94:17-19; Ayɩ 41:10) Sunzu Steing yɩ ndianwʋ nwʋ kila.
Yɩ́ VIDIYO mɔɔ ise Gyehova Ɩdwɩnɩ Mʋ Nwʋ. Na akʋ̃ biziá ediyelɛmaa nɩ ndwokɔɣizialɛ eyimmɔ:
• Mɩnla ɛhɛlɛlɛ odwokɔ yɛ ɩwʋwalɩ Steing a? Na mɩnla ti a?
• Mɩnla ɔhʋanɩ zʋ yɛ Gyehova hileli kɛɛ ɩdwɩnɩ yɩ nwʋ a?
Awʋvʋlɔ, sa bɔkʋla bɔbʋwa bo nnwuakula ma bekyina adwɩnɩndwɩnɩ munwa iluwa abʋtalɩ mɔɔ bekenyia bekediye bɛ, bekehile kɛɛ bɔdɔ bɛ, na bɛawʋwa bɛ ma bɛanyia anwʋlazʋ kɛɛ Gyehova dɔ bɛ nɩ zʋ. (Tay 2:4; Gye 1:19) Fa wʋ nwʋ tiã Gyehova zʋ ma ɩma ɛɣɛɛlɛyɩkyɩlɛ nɩɩ anwʋzɩzɩbɛ mɔɔ ehyinyia na wʋava wʋawʋwa wʋ nnwuakula yɩ.
Ebiye a, yɛlɔ́nwʋ mmɩlɩ mɔ adwɩnɩndwɩnɩ mɔɔ numɔ yɛ sɩ ɩdɔ abiye zʋ wɔ asafʋ yɩ nu anzɛnyɩɩ yɛlɛ́tɩ kezimɔ ɩtɩ nɣanlɩ nɩ tʋ. Naasʋ̃, sa yɛkʋla yɛma bɛzabɛ mɔɔ bɔwɔ asafʋ yɩ nu munwala tɩ nɣanlɩ kɛɛ yɛdɔ bɛ na yede bɛ yetiã numɔ.—Ɛɣɛ 12:25; Hib 10:24.
8. Asafʋ Bayɩbʋlʋ Dɩyɛzumanlɛ
(Min. 30) bt tile 16 ¶6-9, alɩka mɔɔ ɩwɔ owu. 132
