Ye mmeliyema mmenyia nɩɩ mmaalɛ sʋ̃maa bɛfa ndwokɔ mɔɔ ɩba yɛ wɛbsayɩtɩ yɩ ahyɛasɩ kɛnɩ nɩ bedi egyima wɔ dasɩlɛlilɛ nu. Mbɔmɩ sʋ̃maa nɩ, ndwokɔ mɔɔ ɩba ɛkɛnɩ nɩ ma yɛnwʋ kezimɔ ndwokɔ mɔɔ isizii nnɛ nɩ ɩma Bayɩbʋlʋ nkɔmɩhyɛ ɩba nu, na ɔkʋla ɛfa ɔnwʋa abiye wɔ ɩlɛtɩlɔnɩkɩ zʋ. Eliyema benyia be hɛlɛlɩ kɛɛ, ndwokɔ mɔɔ ɩba yɛ wɛbsayɩtɩ yɩ ahyɛasɩ kɛnɩ nɩ, “sɛ yekila kezimɔ yɛyɛ yɛ dasɩlɛlilɛ egyima yɩ sikalɛpɛyɩ a, ɔzɔ ndwokɔ yɩ pɛpɛɛpɛ yɛ yehyinyia a.”

Naasʋ̃, ndwokɔ mɔɔ ɩba yɛ wɛbsayɩtɩ yɩ ahyɛasɩ kɛnɩ nɩ, ɩyɛ a, bɛyɩ yɩ kɛnɩ bɛfa mvʋlɔ betiã ɛkɛ anzɛnyɩɩ bɛsɩnza nu, meti sɛ ɛpɛɛ dadampɔ yɩ be na wʋava wʋali egyima a, kɛ ɛkɛyɛ na wʋanwʋ yɩ a?

• Sɛ ɔkɔ wɛbsayɩtɩ yɩ zʋ a, minyiá lɩnkɩ mɔɔ ise “Kila Sʋ̃maa” yɩ zʋ. Lɩnkɩ yɩ kɛva wʋ kɔhɔ ɔfʋã mɔɔ ise “Ndwokɔ Mɔɔ Nɩ Ɩwɔ Ahyɛasɩ Kɛnɩ Aɣile Asã Yɩ” na ɔkɔnwʋ ndwokɔ mɔɔ bɛva bedianlɩ ɛkɛnɩ a ɩlɛ́kyɛlɩ yi nu sʋ̃maa.

• Wɔ jw.org zʋ nɩ, minyiá “Awuuku Nɩɩ Nninyeni Mvʋlɔ” yɩ zʋ, na akʋ̃ kɔ “Ndwokɔ Mɔɔ Ɩba Ɩtʋwadʋwa Zʋ” na minyiá “Ndwokɔ Mvʋlɔ” yɩ zʋ. Ɔfʋã eyi kɛma ɔkɔnwʋ ndwokɔ mɔɔ bɛva bediã yɛ wɛbsayɩtɩ yɩ ahyɛasɩ kɛnɩ nɩ numɔ sʋ̃maa. Ɔkɔnwʋ ndwokɔ eyimmɔ wɔ JW Library^® yɩ zʋ sʋ̃.