Ɔzɔ awuuku mɔɔ bɔtwɩ̃ adwɩnɩ besiye zʋlɔ nɩ, ɩbʋwa ma yesuma sʋ̃maa yɛfalɩ ndwokɔ adile azʋlɔtʋ nwʋ. Awuuku yi nu be yɛ lɛ Buuku Mɔɔ Gyehova Dasɩvʋlɔmaa Bɛfa Bɛyɛ Ɛbɩbɛlɛnu, Glossary, Insight on the Scriptures nɩɩ Watch Tower Publications Index.

Dɩka mɔɔ bɛfa bɛpɩbɛ dɩyɛ wɔ Watchtower INTANƐTƖ ZƲ AWUUKUZIYELƐDƖKA nɩ, ɩkɔwʋwa wʋ ma ɛkɛva awuuku mɔɔ bɔtwɩ̃ adwɩnɩ besiye zʋlɔ nɩ keli egyima bʋwɔ. Sɛ ɛkɛlɛ mɔɔ ɛpɛɛ yɩ nɩ kua kɛ a, bɛfa nwʋmɔ adwɩnɩhilelɛ azʋlɔtʋ bɛba yɩ tʋ. Ɔkɔnwʋ kɛɛ bɛhɛlɛ “Odwokɔtile” bogua odwokɔ mɔɔ ɛpɩbɛɛ nɩ yɩ pɛ.

Twé eyi kila: Kɛlɛ “Gyehova” kua alɩka mɔɔ bɛfa bɛpɩbɛ dɩyɛ (A) nɩ nu. Minyia ɔfʋã mɔɔ bɛhɛlɛ “Odwokɔtile” wɔ “Gyehova” nwʋ nɩ zʋ (B). Ɔkɔnwʋ ndwokɔ sʋ̃maa mɔɔ bɔhwɩ̃ adwɩnɩ beziye zʋ mɔɔ ɩfalɩ mɔɔ ɛpɩbɛɛ nɩ nwʋ.