•   “Sɛ ɔkɔ U.S. a, mmenii sʋ̃maa tɩ nɣanlɩ kɛɛ bɛyɛ ankʋnamɩ, na ɔzɔ mmenii nɩ nu sʋ̃maa la yɛ bɛdɩ mmɩlantɩyɛ nɩɩ nɣɛdɛkɛ mɔɔ beli alʋbɔ 18 kɔbʋmɩ 25 a.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “[World Health Organization] wɔ amanɩyɛ kɛɛ, bɛyɩ okuwu be mɔɔ be egyima yɛ lɛ kɛɛ bɔkɔwʋwa mmenii ma bekeli bɛ ankʋnamɩyɛlɛ zʋ ndɛndɛ, bɛahyɛ mmenii ɛzɩzɩbɛ ma bɛ nɩɩ mmenii mvʋlɔ bɛava ɔhɔnwʋ na bɛabɩbɛ ɔhʋanɩba azʋlɔtʋ mɔɔ bokoluwa zʋlɔ bokodu ankʋnamɩyɛlɛ tʋ wɔ amanlɩ munwala zʋ, ɩávalɩ nwʋ kezimɔ manlɩ be yɩ ozukuasɛmɩ dɩ nɩ.”​—World Health Organization, November 15, 2023.

 Bayɩbʋlʋ yɩ ma yɛnwʋ kezimɔ yekenyia ɔhɔnwʋmmɔba mɔɔ bɔkɔwʋwa yɛ ma yekeli yɛ ankʋnamɩyɛlɛ zʋ.

 Bɔ mmɔdɩnɩ kɛɛ ɛkɛdɩ nninyeni mɔɔ ɩma ɔtwɩ̃ wʋ nwʋ wɔ mmenii mvʋlɔ nwʋ nɩ zʋ. Ɔzɔ nninyeni yi be yɛ lɛ sohyiya midiya mɔɔ yɛfa yedi egyima nɩ. Kɛ ankɩ ɛkɛzɩkɛ wʋ mmɩlɩ sʋ̃maa wɔ kɛnɩ nɩ, fa wʋ nwʋ wula egyimalilɛ azʋlɔtʋ mɔɔ ɩkɛma ɛ nɩɩ mmenii sʋ̃maa keyiyia numɔ kɔwɔ nɩ nu mfomi, na ama wʋanyia ɔhɔnwʋmmɔba.

•   Mɔɔ Bayɩbʋlʋ yɩ kã: “Ɔhɔnwʋ baaba da ɔlɔlɛ ali mmɩlɩ munwatĩĩ, na ɩdɩ eliyema mɔɔ bɔwʋlɩ yɩ bɛmanlɩ anwʋhyɩlɩlɛ mmɩlɩ.”​—Ɛɣɛlɛwulɛ 17:17.

 Pɩbɛ nwʋmɔ ɔhʋanɩ azʋlɔtʋ mɔɔ ɛkɛva kɔwʋwa mmenii mvʋlɔ. Sɛ yɛbʋwa mmenii mvʋlɔ a, ɩma yɛ nɩɩ bɛ avinli ɔhɔnwʋvalɛ yɛ sɩ, na ɩma yɛ anyɩ de sʋ̃.

•   Mɔɔ Bayɩbʋlʋ yɩ kã: “Anyɩnlɩlelɛ sʋ̃maa wɔ ɛmanlɛ nu tɛla elelɛ.”​—Egyima 20:35.

 Kɔ yɛ wɛbsayɩtɩ yɩ zʋ na ɔkɔnwʋ Bayɩbʋlʋ nu ndwokɔ azʋlɔtʋ mɔɔ ɩfalɩ kezimɔ ekenyia ɔhɔnwʋmmɔba nɩ nwʋ.