Wɔ Kizile February 6, 2023 nɩ, azɩlɛwʋsʋlɛ kezile be zili wɔ Turkey nɩɩ Syria.

•   “Wɔ Kizile nɩ, azɩlɛwʋsʋlɛ kezile yi hunli mmenii 3,700 nɩɩ yɩ mɛda wɔ Turkey yɩ ɔfʋã kezile nɩ la nɩɩ Syria manlɩ yɩ adɔlɩyɛ. Mmɩlɩ mɔ azɩlɛwʋsʋlɛ yɩ zili nɩ, nɩ ɛyɛbɛ wɔ numɔ paa, na eyi manlɩ bɛzabɛ mɔɔ bebilalɩ nɩɩ bɛzabɛ mɔɔ bɛ abika ɩzɩkɛ nɩ, bo odwokɔ yɛlɩ alɔbɔ. Iluwa ɛyɛbɛ yɩ ti, ɩmanlɩ bɛzabɛ mɔɔ bɛpɩbɛ mmenii bede bɛ nnwʋanlɩ nɩ, be egyima yɩ ɩɣa ɩyɛ sɩ paa.”—Reuters, February 6, 2023.

 Sɛ yɛtɩ asianɩ mɔɔ ɩdɩ zɔ nɩ nwʋ odwokɔ a, ɩma yɛ ɛɣɛlɛ bɔ baaba. Wɔ bʋwabɩlɛ mɔɔ ɩdɩ zɔ nu nɩ, sa yɛkʋla yɛfa yɛ nwʋ yetiã Gyehova, “Nyamɩnlɩ mɔɔ ɩkyɩkyɩ yɛ ɛɣɛɛlɛ baaba” nɩ zʋ. (2 Kɔlɛntɩmaa 1:3) Ɩkyɩkyɩ yɛ ɛɣɛɛlɛ na ‘iduwa Ɛhɛlɛlɛ yɩ nɩ zʋ ɩma yenyia anyɩnlɩlazʋ.’—Wulomimaa 15:4.

 Yesuma nninyeni eyimmɔ wɔ Bayɩbʋlʋ yi nu:

•   Mɔɔ Bayɩbʋlʋ yɩ hanlɩ dianlɩ kɛnɩ valɩ azɩlɛwʋsʋlɛ nwʋ.

•   Dɩka mɔɔ yekenyia ɛɣɛɛlɛyɩkyɩlɛ nɩɩ anyɩnlɩlazʋ.

•   Kezimɔ Nyamɩnlɩ kɛyɩ amanɩyɛnwʋnlɛ munwala wɔ kɛnɩ.

 Sɛ ɛpɛ kɛɛ ɔnwʋ mɔɔ Bayɩbʋlʋ yɩ kã falɩ ndwokɔ eyimmɔ nwʋ a, kɩnga ndwokɔ mɔɔ ise:

•   “Azɩlɛwʋsʋlɛ Nɣezile—Mɩnla Yɛ Bayɩbʋlʋ Hanlɩ Valɩ Nwʋ a?”

•   “Ɛhɩnla Dɩka Yɛ Mʋkɔhʋla Mikenyia Anyɩnlɩlazʋ a?”

•   “Ɛlɛ́kyɛ, Nyamɩnlɩ Kɛyɩ Amanɩyɛnwʋnlɛ Munwala Wɔ Kɛnɩ”