Wɔ oyuwadɩ dɩka bela nɩ, mmenii sʋ̃maa pɛ kɛɛ beyiaki egyeni bɩzalɛ.

•   “Bɛzabɛ mɔɔ bɛáli egyeni nɩ zi bɛ kɛnɣa kɛɛ bɔkɔwɔ bɛ ɛbɩla wɔ ɔhʋanɩ be zʋ mɔɔ ɩlɛ́ma bɛkɛyɛ nnamɩ ayɛkwa, bɛlɛ́pɩza egyeni, bɛlɛ́fa bɛkɛyɛ atalɩ, mpabʋwa anzɛnyɩɩ dɩyɛ fʋlɔ bela.”—The Vegan Society.

 Mbiyemmɔ sʋ̃, kɛ nnamɩ mɔɔ bɔdwɩnɩ bɔ nwʋ ti mɔɔ bɛáli a, na mfomi bɛpɛ kɛɛ bɔbɔ azɩlɛ yɩ zʋ nninyeni nɩɩ bɛ pɔkɔdɩlɛ nwʋ banɩ anzɛnyɩɩ bo ɔzʋ̃mɩnlɛ ehilehilelɛ ti mɔɔ bɛábɩza egyeni a.

•   “Sʋnʋnkʋ̃ wɔ bɛzabɛ mɔɔ bɛáli egyeni nɩɩ bɛzabɛ mɔɔ boduwa bɔ nwʋ wɔ egyeni be bɩzalɛ nwʋ nɩ nu. Bɛzabɛ mɔɔ bɛáli egyeni nɩ, bɔnwʋ kɛɛ ɩdɩ be dedi, dɩyɛ baaba mɔɔ nwʋmɔ hyinyia kɛɛ bɛyɛ nɩɩ ɔhʋanɩ mɔɔ bokoluwa zʋ na ama nninyeni ɩahɔ bʋwɔ wɔ oyuwadɩ yɩ nu.”—Britannica Academic.

 Asʋ̃ sɛ ebiyela yiaki egyeni bɩzalɛ a, sɛ ɩkʋla ɩyɩ oyuwadɩ ɔhawʋ munwatĩĩ wɔ kɛ a? Mɩnla yɛ Bayɩbʋlʋ yɩ kã a?

 Bayɩbʋlʋ kã kɛɛ yɛ Wɔlɛvʋlɔ, Gyehova Nyamɩnlɩ a bu mmenii kɛɛ bɛtɛla nnamɩ na ɩma mmenii tumi kɛɛ beli nnamɩ zʋ. (Gyɛnɛsɩsɩ 1:27, 28) Mmɩlɩ be mɛda nɩ, Nyamɩnlɩ valɩ nwʋmɔ ɔhʋanɩ manlɩ mmenii kɛɛ bɔkʋla bedi egyeni. (Gyɛnɛsɩsɩ 9:3) Naasʋ̃, yɩ anyɩ iáleli nwʋmɔ kɛɛ yɛkɛyɛ nnamɩ ayɛkwa—Ɛɣɛlɛwulɛ 12:10.

 Bayɩbʋlʋ ma yɛnwʋ yɩ kɛɛ, kɛ abiye keli egyeni anzɛnyɩɩ ilédi nɩ ɩdɩ yɩ zɛyɩ yi pɔkɔzilɛ. b Naasʋ̃ kɛ mɛyɩ yɛ ɩma abiye yɛ enii baaba wɔ Nyamɩnlɩ anyɩ zʋ a. (1 Kɔlɛntɩmaa 8:8) Íni kɛɛ abiyela tɩndɛ tiyia abiye yɩ pɔkɔzilɛ wɔ alɩyɛ mɔɔ ɩpɛ kɛɛ idi nwʋ.—Wulomimaa 14:3.

 Bayɩbʋlʋ yɩ ma yɛnwʋ kɛɛ kezimɔ yɛyɛ yɛ dɩyɛ lɔ́kʋla kɛyɩ oyuwadɩ yɩ munwatĩĩ ɔhawʋ wɔ kɛnɩ. Ɔhawʋ sʋ̃maa nɩ la zʋ̃ manlɩwulɛ ndwokɔ, kezimɔ enii yɛ yɩ dɩyɛ, nɩɩ ozukuasɛmɩ nwʋ nhyɩhyɛlɩyɛ nu mɔɔ enii bela íni kɛnɩ mɔɔ ɩkɔhʋla ɩkɛyɛ nwʋmɔ debe. Bayɩbʋlʋ kã kɛɛ:

•   “Mɔɔ ɩhyɩya nɩ bɔ́lɔkʋla bɛkɛdɩnɣɛ yɩ.”—Odwokɔhanlɛvʋlɔ 1:15.

 Yɛ Wɔlɛvʋlɔ yɩ la yɛ ɩkɔhʋla ɩkɛyɩ yɛ ɔhawʋ mɔɔ yeyiyia wɔ nnɛ nɩ munwatĩĩ wɔ kɛnɩ a. Bayɩbʋlʋ fa sɛnkyɩlɛdɩ ɔhʋanɩ zʋ odwokɔ eyi kile mɔɔ Nyamɩnlɩ kɛyɛ.

•   “Eyi mɛda nɩ, mʋnwʋnlɩ sʋlɔ fʋlɔ nɩɩ azɩlɛ fʋlɔ. Sianti yɛ lɛ kɛɛ, sʋlɔ dadampɔ nɩ nɩɩ azɩlɛ dadampɔ nɩ bɛzɩ̃ bɔhɔ na ngyemvile íni ɛkɛnɩ ebiyekʋ̃.”—Yikile 21:1.

 Nyamɩnlɩ kɛyɩ enii yɩ aɣanɩ anzɛnyɩɩ, “sʋlɔ dadampɔ yɩ,” wɔ kɛnɩ na ɩava “sʋlɔ fʋlɔ,” mɔɔ ɩdɩ sʋlɔ Bulombunlililɛ nɩ yeaziye yɩ agyia nu. Yi Bulombunlililɛ yɩ kɛyɩ “azɩlɛ dadampɔ nɩ,” tanɩyɛlɛmaa wɔ ɛkɛnɩ, na yɛali tumi wɔ “azɩlɛ fʋlɔ” yɩ, anzɛnyɩɩ bɛzabɛ mɔɔ bɛkã bɔ nwʋ azɩ bowula yi tumililɛ yɩ tʋ nɩ zʋ.

 Wɔ Nyamɩnlɩ yi Bulombunli tumililɛ yɩ tʋ nkʋ̃ la yɛ mmenii kozuma kezimɔ bɛ nɩɩ nnamɩ kɔwʋwa wɔ azʋ̃nudwolɩyɛ nu na bɛahila azɩlɛ yɩ bʋwɔ a.—Ayɩzaya 11:6-9.