Ukraine kʋnɛ yɩ nɩɩ oyumi nzɩnzanlɩyɛ kɔ ɔzʋlɔ fa alɩyɛ nwʋ ndwokɔzɩzɩbɛ ba. Eyi kɔ ɔzʋlɔ titili wɔ amanlɩ mɔɔ bedi ehyinyia na ɩyɛ sɩ kɛɛ mmenii kenyia alɩyɛ keli nɩ.

•    “Basabasayɛlɛ, oyumi nzɩnzanlɩyɛ, nninyeni awʋlɔ mɔɔ ɩyɛ sɩ nɩɩ mɔɔ ɩdɩdɩ zɛ nɩ ɩma ɩyɛ sɩ kɛɛ yɛ sa kɛhã alɩyɛ.”—António Guterres, UN secretary-general, July 17, 2023.

•    “Nimidiimaa be kã kɛɛ Russia mɔɔ iyiaki kɛɛ ɩkɛva alɩyɛ ɩkɔnwʋa nɩ kɛma alɩyɛ kɔmɩ kɔhɔ sʋlɔ na yɩ awʋlɔ sʋ̃ kɛyɛ sɩ wɔ amanlɩ be mɔɔ bedi ehyinyia dɩ kɛɛ North Africa nɩɩ Middle East.”—Atalayar.com, July 23, 2023.

 Kila mɔɔ Bayɩbʋlʋ kã falɩ alɩyɛ kɔmɩ nɩɩ eɣile be nwʋ

•    Gyisɛsɩ hyɛlɩ nwʋmɔ nkɔmɩ kɛɛ: “Manlɩ ikodwodwu manlɩ zʋ, bulombunli manlɩ ikodwodwu bulombunli manlɩ zʋ, na kɔmɩ ikezi.”—Matiyu 24:7.

•    Yikile buuku nɩ kã sɛnkyɩlɛdɩ ɔhʋanɩ zʋ pɔnkɔzʋwʋwalɛmaa nwʋ odwokɔ. Bo nu ɔkʋ̃ gyĩ ɛkɛnɩ ma kʋnɛ. Mɔɔ ɩdʋwa yɩ sʋ̃ gyĩ ɛkɛnɩ ma kɔmɩ, mmɩlɩ be ɩba mɔɔ alɩyɛ kɔhɔ na yɩ awʋlɔ sʋ̃ kɛyɛ ɛzɩzɩbɛ.“Mʋnwʋnlɩ pɔnkɔ tundunli be, na mʋnwʋnlɩ kɛɛ nsɛnɩ ɩwɔ enii nɩ mɔɔ ɩda ɔzʋlɔ nɩ yi sa nu. Na mɩdɩlɩ dɩyɛ be mɔɔ ɩdɩ kɛɛ enii yɩ nnɩ . . . Izeli kɛɛ, ‘Bɛvá atʋkʋ̃ aninyiantɛ ɔkʋ̃ belé ozukua pɔnʋ ɔkʋ̃ mɔɔ ɩdɩ eɣile munli munwala akatuwa! Abele aninyiantɛ asã sʋ̃ bʋlɔ kɛyɛ eɣile munli munwala akatuwa.’”—Yikile 6:5, 6, Contemporary English Version.

 Bayɩbʋlʋ nkɔmɩhyɛ azʋlɔtʋ mɔɔ ɩfalɩ alɩyɛ kɔmɩ nwʋ ɣa numɔ wɔ nnɛ mmɩlɩ nu mɔɔ Bayɩbʋlʋ fʋlɛ yɩ “mmɩlɩ mɔ ili awielɩyɛ.” (2 Timoti 3:1) Ɛpɛ kɛɛ osuma sʋ̃maa falɩ “mmɩlɩ mɔ ili awielɩyɛ” nɩɩ pɔnkɔzʋwʋwalɛmaa anla mɔɔ Yikile hanlɩ bɔ nwʋ odwokɔ nɩ a, kila vidiyo eyi Oyuwadɩ Ɩzɩnza Ɔzʋmɩ 1914 Mɔɔ Ɩbaa Nɩ na kɩnga odwokɔ eyi Nnipa Nnan a Wɔtete Apɔnkɔ So—Wɔyɛ Nnipa Bɛn?”

•    Bayɩbʋlʋ lɛ fʋlɔdulɛ pɔkyɩɩ be mɔɔ sɛ yɛfa yɛyɛ egyima a ɩkɔwʋwa yɛ ma yekegyina ndwokɔzɩzɩbɛ be dɩkɛɛ alɩyɛ mɔɔ yɩ awʋlɔ wɔ sʋlɔ anzɛnyɩɩ alɩyɛ kɔmɩ yɩ munwa. Kila ndainwʋ azʋlɔtʋ be mɔɔ ɩwɔ odwokɔ “How to Live on Less” nu.

•    Bayɩbʋlʋ ma yenyia anyɩnlɩlazʋ sʋ̃ kɛ nninyeni kɛyɛ bʋwɔ eɣile be. Ɩbɔ anʋhʋba yɛ sʋ̃ kɛɛ mmɩlɩ be bɛaɣa mɔɔ “alɩyɛ kowulu ɔzʋlɔ wɔ azɩlɛ yɩ zʋ” na abiyela kenyia mɔɔ ɩpɛ nɩ ikeli. (Ndwomi 72:16) Sɛ ɛpɛ kɛɛ osuma sʋ̃maa falɩ eɣile be anyɩnlɩlazʋ nwʋ nɩɩ sianti mɔɔ ɔkɔhʋla ekele keli a, kɩnga odwokɔ eyi wɔ “A Real Hope for a Better Tomorrow.”