Kezimɔ oyumi bʋwabɩlɛ yɛ ɛhyɩmɛ nɩɩ ɔhawʋ mɔɔ ɩfa ɩba nɩ, ɩkã mmenii mɔɔ bɔwɔ oyuwadɩ munwala. Bɛmá yehila amanɩyɛwɔlɛ mɔɔ ilili zʋlɔ yɩ:

•    “Kɛyɛ alʋbɔ 174 ɛdɩ mɔɔ mmenii wɔlɩ yɩ tʋ kɛɛ bɛkɛlɛ oyumi bʋwabɩlɛ mɔɔ ɩyɛ ɛhyɩmɛ paa nwʋ odwokɔ a, naasʋ̃ June eziyianɩ eyi oyumi bʋwabɩlɛ ɛhyɩmɛ ɩdɛla yi munwala.”—National Oceanic and Atmospheric Administration, U.S. Department of Commerce, July 13, 2023.

•    “Italy, Spain, France, Germany nɩɩ Poland munwala bekilaa ɔhʋanɩ kɛɛ oyumi bʋwabɩlɛ mɔɔ ɩyɛ ɛhyɩmɛ nɩ kɛdɛla 48°C [118°F] wɔ Sicily nɩɩ Sardinia pamɩ yɩ zʋ. Ebiye a eyi kɛyɛ oyumi bʋwabɩlɛ mɔɔ ɩyɛ ɛhyɩmɛ paa mɔɔ bɛhɛlɛ nwʋmɔ odwokɔ wɔ Europe manlɩ yɩ nu.”—European Space Agency, July 13, 2023.

•    “Mmɩlɩ mɔ oyuwadɩ ɩyɛɛ ɛhyɩmɛ nɩ, yekilaa ɔhʋanɩ kɛɛ nzulo kɛda kodwu paa, na eyi kɛma nzulo keyi kɛva nnɩka sʋ̃maa.”—Stefan Uhlenbrook, director of hydrology, water and cryosphere at the World Meteorological Organization, July 17, 2023.

 Asʋ̃ amanɩyɛwɔlɛ mɔɔ ɩdɩ zɛ nɩ, ɩyɛ a ɩma wu kunlu tu a? Kila mɔɔ Bayɩbʋlʋ kã falɩ oyumi bʋwabɩlɛ mɔɔ ɩsɩkɛɛ nɩ nwʋ.

 Nyɛ. Nninyeni mɔɔ Bayɩbʋlʋ kã nwʋmɔ odwokɔ kɛɛ ikezizi wɔ yɛ mmɩlɩ yi zʋ nɩ, oyumi bʋwabɩlɛ mɔɔ ɩyɛ ɛhyɩmɛ nɩ kɩnla nwʋmɔ. Kɛ ndianwʋ nɩ, Gyisɛsɩ hanlɩ dianlɩ kɛnɩ kɛɛ “nninyeni ɛyɛlɛ ɛyɛlɛ” anzɛnyɩɩ “sɛnkyɩlɛdɩ nɣezile nɣezile bɔzʋ̃ sʋlɔ bɛkɛɣa.” (Luuku 21:11) Sɛ mmenii sʋ̃maa bekila kezimɔ oyumi ɩyɛ ɛhyɩmɛ ɛhyɩmɛ nɩ a, ɩma bo kunlu tu kɛɛ ebiye a, adasamaa kɛzɩkɛ azɩlɛ yɩ.

 Anhã. Nyamɩnlɩ wɔlɩ azɩlɛ yɩ kɛɛ yɛwʋwa zʋlɔ daabaa; meti ɩlɛ́ma adasamaa kɛzɩkɛ azɩlɛ yɩ. (Ndwomi 115:16; Odwokɔhanlɛvʋlɔ 1:4) Ɩwɔ anʋhʋba po kɛɛ “ɩkɛzɩkɛ bɛzabɛ mɔɔ bɛsɩkɛ azɩlɛ yɩ nɩ!.”—Yikile 11:18.

 Bayɩbʋlʋ yɩ ɩma yɛ nwʋ kɛɛ Nyamɩnlɩ kɔhʋla kɔwɔ azɩlɛ yɩ nwʋ banɩ, na ɩkɛyɛ sʋ̃.

•    “[Nyamɩnlɩ] ma ahumi yɛ dinyii, na azʋlɔkɩ sʋ̃ yɛ dinyii” (Ndwomi 107:29) Nyamɩnlɩ wɔ tumi wɔ nninyeni mɔɔ ɩdɩdɩ zɔ zʋ. Oyumi bʋwabɩlɛ mɔɔ ɩzɩkɛ mɔɔ ɩva ɔhawʋ sʋ̃maa ɩɣa nɩ, Nyamɩnlɩ kɔhʋla keziyeziye.

•    “Ɛma azɩlɛ yɩ nyia mɔɔ ihyinyia, iso mma sʋ̃maa ma ipazi.” (Ndwomi 65:9) Nyamɩnlɩ keyila azɩlɛ yɩ ma ɩkɛyɛ paladayɩsɩ.

 Sɛ ɛpɛ kɛɛ osuma sʋ̃maa falɩ anʋhʋba mɔɔ ɩwɔ Bayɩbʋlʋ yi nu mɔɔ ɩfalɩ kezimɔ bekezia bekeziyeziye azɩlɛ yɩ ma ɩkɛyɛ bʋwɔ nɩ nwʋ a, mɛyɩ kɩnga odwokɔ mɔɔ ise “Who Will Save the Earth?”