Nyɛ. Yede Gyisɛsɩ yedi. Mɛyɩ yɛ ɩhanlɩ kɛɛ: “Mamɩ yɛ mɩdɩ ɔhʋanɩ nɩ nɔhʋanlɛ nɩ nɩɩ nnwʋanlɩ nɩ a; abiyela ɩlɔ́kʋla Ɛzɩlɛ nɩ yɩ ɛkɛnɩ kɔ, sa iluwa mʋ zʋ.” (Dwɔɔnʋ 14:6) Yede yedi kɛɛ Gyisɛsɩ ɩzʋ̃ sʋlɔ yɛ ɩɣalɩ azɩlɛ yɩ zʋ a, na ɩvalɩ yɩ nnwʋanlɩ mɔɔ idi munli nɩ ɩwɔlɩ afɔlɩ ɩvalɩ ileli yɛ. (Matiyu 20:28) Yɩ owulo nɩɩ yɩ awudunwolɩyɛ nɩ ɩma ɩyɛ bʋwɔ kɛɛ bɛzabɛ mɔɔ bɔwɔ yi nu dedi nɩ bekenyia nnwʋanlɩ mɔɔ íni awielɩyɛ. (Dwɔɔnʋ 3:16) Yede yedi sʋ̃ kɛɛ Gyisɛsɩ idii tumi kɛɛ Nyamɩnlɩ yɩ sʋlɔ Bulombunlililɛ yɩ zʋ Bulombunli, mɔɔ ɩlɛ́kyɛ bela ɩkɛva azʋ̃nudwolɩyɛ ɩkɛɣa azɩlɛ yɩ munwatĩĩ zʋ. (Yikile 11:15) Naasʋ̃ yede Gyisɛsɩ yɩzayɩ yɩ odwokɔ mɔɔ ɩhanlɩ, kɛɛ: “Ɛzɩlɛ yɩ ɩdɩ kezi ɩtɛla mɩ” nɩ yedi. (Dwɔɔnʋ 14:28) Yɩ zɔ ti, yɛázʋ̃mɩ Gyisɛsɩ, na yɛále yedi kɛɛ mɛyɩ lɛ Dɩyɛ Munwala Zʋ Tumivʋlɔ Nyamɩnlɩ yɩ a.