Jaˇliꞈ˗aˬ, nymˬ˗mˇ maˬ ehˇ, dzeuˇ yaꞈ ngeh maˬ ehˇ, tsawˇ haˬ deuˬ ya leˇ dui dui˗eu paˇ dmˬ pyeuꞈ˗awˇ, kʼaˇ ya biˇ kʼawˬ˗eu paˇ dmˬ pyeuꞈ meh. ‘Heu naˆ naˆ˗ehˇ tsawˇ myahˇ doˆ˗eu paˇ dmˬ laꞈ kʼoeˇ aˬ jeˬ˗euˬ gaˇ kawˆ ahˇ˗a leˇ?’ lehˇ nawˇ shaˇ noeˬ haw˗euˬ paˬ.

Jaˇliꞈ laꞈ kʼoeˇ aˬ jeˬ˗euˬ gaˇ kawˆ ahˇ˗eu nga? lehˇ ehˇ˗eu paˇ dmˬ heu dmˬ naˇ, Jaˇliꞈ tiˬ dmˬ dmˬ lah ni˗ahˇ aˬ jeˬ jeˇ˗euˬ aˇ yeˇ huiˬ˗eu gaˇ kawˆ ahˇ˗eu lehˇ yaw awˬ˗ehˇ siˬ laˇ ni Jaˇliꞈ˗ahˇ kawˆ shawˆ˗ehˇ dzawˇ nehˬ taˬ˗euˬ meh. Paˇ dmˬ heu laꞈ kʼoeˇ, Aˇdahˬbeh˗eu sahˬ boꞈ laꞈ kʼoeˇ ahˇ˗eu beh˗euˬ gaˇ kawˆ˗ahˇ neh, Pah mehˬ˗eu sahˬ boꞈ laꞈ kʼoeˇ ahˇ˗eu mehˬ hu paw pyeuꞈ laˇ˗eu noeˬ tmˬ˗eu jeˬ˗ahˇ kawˆ shawˆ˗ehˇ dzawˇ nehˬ taˬ˗euˬ meh. Kʼoeˇ uˬ taꞈ, aˇ yeˇ huiˬ˗eu gaˇ kawˆ deuˬ aˬ geu ngeh pyeuꞈ yaꞈ˗euˬ lehˇ ehˇ nehˬ taˬ˗awˇ, muiˬ dui dui˗eu aˇ baˇ hawˇ˗eu shaˇ noeˬ paˬ˗ehˇ gʼeh˗eu naˇ haˬ˗eu jeˬ jiˇ ahˇ˗eu meh.

Jaˇliꞈ laꞈ kʼoeˇ aˬ jeˬ˗euˬ gaˇ kawˆ ahˇ˗eu nga? lehˇ ehˇ˗eu paˇ dmˬ˗ahˇ awˆlai paw neh gui˗eu.