“Muiˬ dui dui˗eu miˇ kʼahˬ˗ahˇ haw” lehˇ ehˇ˗eu paˇ dmˬ heu laꞈ kʼoeˇ, nawˬ˗ahˇ Jaˇliꞈ˗ahˇ yaw muiˬ˗ehˇ gʼoˆ shaw laˇ ni caw ba nehˬ˗eu Jaˇliꞈ saˇ ka˗ahˇ˗euˬ miˇ kʼahˬ deuˬ˗euˬ aˇ baˇ gʼawˬ mya ni ahˇ˗eu meh. Jaˇliꞈ laꞈ kʼoeˇ, jawˇ duˬ hawˇ˗eu meuˬ deuˬ˗ahˇ maˬ ehˇ, miˇ kʼahˬ deuˬ˗ahˇ maˬ ehˇ, gʼawˬ mya ni ngehˬ keuˆ taˬ˗euˬ meh. Aˬ dui Jaˇliꞈ˗ahˇ pyehˆ tseˇ ngeh paˇ dmˬ heu dmˬ˗ahˇ jiˇ haw caw naˇ, Jaˇliꞈ gui byawˬ dzehˬ laˇ˗awˇ gʼoˆ shaw dzehˬ laˇ˗eu meh. Kʼoeˇ uˬ taꞈ, Jaˇliꞈ laꞈ kʼoeˇ ngehˬ keuˆ taˬ˗euˬ gaˇ kawˆ deuˬ aˬ geu gaˇ, aˬ joˆ˗ehˇ pyeuꞈ yaꞈ˗euˬ lehˇ aˇ baˇ mawˇ laˇ ni jiˇ caw ba nehˬ˗eu meh. Aˬ dui Jaˇliꞈ saˇ ka˗ahˇ˗euˬ jawˇ duˬ jawˇ zaˇ˗ahˇ yaw muiˬ˗ehˇ siˬ nya naˇ, Jaˇliꞈ laꞈ kʼoeˇ˗euˬ gaˇ kawˆ deuˬ˗ahˇ jiˇ yaw muiˬ˗ehˇ gʼoˆ shaw laˇ˗eu meh.

“Muiˬ dui dui˗eu miˇ kʼahˬ˗ahˇ haw” lehˇ ehˇ˗eu paˇ dmˬ heu laꞈ kʼoeˇ, naˬ yawˬ gʼawˬ mya jeˬ neh boꞈ taˬ˗euˬ Jaˇliꞈ saˇ ka˗ahˇ˗euˬ jawˇ duˬ jawˇ zaˇ deuˬ˗euˬ aˇ baˇ gʼawˬ mya ni ahˇ˗eu meh. Aˬ dui Jaˇliꞈ˗ahˇ pyehˆ tseˇ ngeh, yaw muiˬ˗ehˇ gʼoˆ shaw laˇ ni caw ba nehˬ˗eu gaˇ kawˆ deuˬ hawˇ˗eu kahˬpyuˇteuˬ neh jahˇ doˆ taˬ˗euˬ aˇ baˇ deuˬ jiˇ ahˇ˗eu meh.

Jaˇliꞈ saˇ ka˗ahˇ˗euˬ miˇ kʼahˬ deuˬ˗euˬ aˇ baˇ heu naˇ, aˬ dui˗ahˇ gaˇ kawˆ heu deuˬ˗ahˇ gʼoˆ shaw laˇ ni caw ba nehˬ˗eu meh.

• Aˬbyaˬhaˬ, Iˇtsaˆ, Yaˬkoˆ, heu deuˬ neh cah˗euˬ gaˇ ma

• Iˇjiˇtuˆ miˇ kʼahˬ˗ahˇ neh Miˬyehˇ neh Saˇ jaˇ dzaˬ taˬ˗euˬ Miˇ kʼahˬ˗ahˇ Iˇsaˬleˬlaˆ deuˬ neh le˗euˬ gaˇ ma

• Iˇsaˬleˬlaˆ deuˬ hawˇ˗eu aˬ yawꞈ maꞈ˗ahˇ muiˇ˗eu deuˬ˗euˬ jawˇ duˬ deuˬ

• Yeˬsuˇ miˇ tsaˬ kʼoeˇ taˆ jawˇ ngeh cah˗euˬ jawˇ duˬ deuˬ

• Jaˇliꞈ laꞈ kʼoeˇ ngehˬ keuˆ taˬ˗euˬ, Baˬbuˇloˬ, Gaˬliˇ, Loˇmaˆ, miˇ kʼahˬ heu deuˬ neh uˆ lahˇ˗eu miˇ kʼahˬ deuˬ

Jaˇliꞈ saˇ ka˗ahˇ˗euˬ miˇ kʼahˬ deuˬ˗euˬ aˇ baˇ heu, Loꞈ˗eu nymˇgoˇ Awˆlai Sahˬ boꞈ taˬ duˬ˗ahˇ haw nya meh.