Loꞈ˗eu nymˇgoˇ (Dzaw˗eu dmˬ) Koꞈ siˬ ba la 2020
Heu dmˬ laꞈ kʼoeˇ 2020 kʼoꞈ, Yehꞈ siˬ ba la 3-30-ahˇ dzaw ngeh zmˬ˗eu gaˇ kawˆ deuˬ ahˇ˗eu meh.
“Nawˬ˗euˬ tsawˇ myahˇ˗ahˇ yaw zeu baw luꞈ˗uˇ”
2020 kʼoꞈ, Yehꞈ siˬ ba la 3-9-ahˇ dzaw˗eu gaˇ kawˆ 23 laꞈ kʼoeˇ, mˬ taˆ gʼaˬ kʼehˇ hawˇ˗eu tsawˇ haˬ deuˬ aˬ jeˬ˗euˬ aˇ yeˇ˗eu gaˇ kawˆ˗ahˇ ya tahˬ puˬ luꞈ˗eu nga, gaˇ kawˆ heu aˬ jeˬ miˇ neh aˇ yeˇ huiˬ˗eu nga, gaˇ kawˆ heu laꞈ kʼoeˇ aˬ dui˗euˬ gaˇ naˇ aˬ jeˬ nga, gaˇ kawˆ heu˗euˬ dawˬ kʼoꞈ hawˇ˗eu gaˇ kawˆ heu nehˬ˗ehˇ taꞈ˗eu dawˬ kʼoꞈ deuˬ˗ahˇ siˬ nya˗eu heu naˇ, aˬ dui hawˇ˗eu Yeˬhawˇbaˬ cawˬ cawˬ˗eu jeˬ ziꞈ ni caw ba nehˬ˗eu meh lehˇ ehˇ˗eu gaˇ kawˆ˗ahˇ ngehˬ keuˆ taˬ˗euˬ meh.
“Nawˬ˗euˬ tsawˇ myahˇ˗ahˇ guˆ nya ni ngaˬ˗euˬ nui ma yaˆ uiˬ nehˬ laꞈ”
2020 kʼoꞈ, Yehꞈ siˬ ba la 10-26-ahˇ dzaw˗eu gaˇ kawˆ 24 laꞈ kʼoeˇ, aˬ dui Ja ceuˬ 86:11, 12-ahˇ boꞈ taˬ˗euˬ Daˬbiˇ˗euˬ guiˬ lahˬ shaˇ dawˬ tiˬ deuˬ na˗ahˇ ja sawˇ ma. Yeˬhawˇbaˬ lehˇ kuˇ˗eu tsawˇ myahˇ heu˗ahˇ guˆ˗eu lehˇ ehˇ˗eu heu naˇ, aˬ jeˬ˗ahˇ ehˇ mawꞈ˗eu nga? Aˬ dui˗ahˇ huiˬ˗eu tsawˇ myahˇ heu˗ahˇ yaw zeu bi baw˗eu aˬ jeˬ nga? Miˬyehˇ˗ahˇ guˆ˗eu jeˬ lawˬ haw laˇ˗eu jeˬ˗ahˇ deuˆ gʼaˬ nya ni aˬ joˆ˗ehˇ caw ba nya˗eu nga?
Gui˗eu deuˬ naˇ haˬ˗eu jeˬ
Miˬyehˇ˗euˬ yaw sahˇ laꞈ kʼoeˇ siˬ le˗eu aˇ siˬ deuˬ Gaˬlaˬtiˆ 5:22, 23 laꞈ kʼoeˇ ahˇ˗eu seuˆ dzeuꞈ aˇ gʼehˇ heu deuˬ tehꞈ nga laˬ?
“Ngaˬ˗euˬ gʼawˇ mawˇ ngaˬ˗euˬ yawˇ deuˬ˗ahˇ poˆ”
2020 kʼoꞈ, Yehꞈ siˬ ba la 17-23-ahˇ dzaw˗eu gaˇ kawˆ 25 laꞈ kʼoeˇ, Yeˬhawˇbaˬ˗ahˇ saˇ jaˇ ziꞈ˗eu laꞈ kʼoeˇ aˬ yawꞈ˗euˬ gaˇ˗ahˇ yaw myaˬ kʼoꞈ mˇ laꞈ˗euˬ deuˬ, aˬ jeˬ miˇ neh aˇ muˇ nehˬ˗ehˇ gʼawˬ˗iˇ˗eu nga? Yeˬhawˇbaˬ aˬ yawꞈ maꞈ˗ahˇ aˬ joˆ˗ehˇ noeˬ˗eu nga? lehˇ ja sawˇ taˬ˗euˬ meh. Kʼoeˇ naˇ, Jaˇliꞈ saˇ ka˗ahˇ Yeˬhawˇbaˬ aˬ yawꞈ jawˇ gaˇ neh gʼawˬ˗iˇ˗euˬ deuˬ˗ahˇ caw ba˗eu gaˇ kawˆ˗ahˇ neh, aˬ dui aˬ jeˬ dzaw geuꞈ nya˗eu nga lehˇ jiˇ haw ma.
“Ngaˇ jawˇ gaˇ gʼoꞈ kʼoꞈ laˇ˗awˬ”
2020 kʼoꞈ, Yehꞈ siˬ ba la 24-30-ahˇ dzaw˗eu gaˇ kawˆ 26. Yeˬhawˇbaˬ aˇ muˇ˗ahˇ neh kaˬ˗iˇ˗euˬ deuˬ˗ahˇ aˬ yawꞈ jawˇ gaˇ bi gʼoꞈ laˇ mawꞈ˗eu meh. Aˬ dui Yeˬhawˇbaˬ neh ‘Ngaˇ jawˇ gaˇ gʼoꞈ kʼoꞈ laˇ˗awˬ’ lehˇ kuˇ taˬ˗euˬ dawˬ˗ahˇ ha geuꞈ˗eu deuˬ˗ahˇ aˬ dui gʼawˬ mya jeˬ lehˇ caw ba nya˗eu meh. Heu kawˆ˗ahˇ aˬ dui aˬ yawꞈ maꞈ˗ahˇ aˬ joˇ joˆ˗ehˇ caw ba nya˗eu nga lehˇ haw˗eu ma.
