Nawˇ heu kʼoꞈ˗euˬ Loꞈ˗eu nymˇgoˇ˗ahˇ yaw muiˬ˗ehˇ ya gui maˬ loˇ? Naˇ haˬ˗eu jeˬ heu deuˬ˗euˬ dawˬ˗ahˇ biꞈ nya miˇ˗a laˬ lehˇ haw ma.

Aˬ dui tseˇ doˆ taˬ˗euˬ deuˬ˗ahˇ aˬ joˆ˗ehˇ ya mˇ nehˬ˗eu nga?

Aˬ dui tseˇ doˆ taˬ˗euˬ deuˬ˗euˬ nui jah˗ahˇ yaw zeu baw kʼawꞈ, aˬ yawꞈ maꞈ˗ahˇ nui ma aˇ dzehˬ˗ehˇ maˬ ahˇ dzeuˇ˗eu uˬ taꞈ, aˇ dzehˬ˗ehˇ maˬ “ja poeˬ nehˬ.” (Yuˇdaˆ 16) Aˬ dui aˬ yawꞈ maꞈ noeˬ tmˬ˗eu jeˬ nehˬ˗ehˇ taꞈ leˇ˗awˇ aˬ dui siˬ nya˗eu aˬ kawˬ˗aˬ maˬ jaˆ˗eu gaˇ kawˆ deuˬ˗ahˇ jiˇ maˬ naˇ haˬ.—w20.01, myaˆ pyawˬ 29.

Yeˬhawˇbaˬ nawˬ˗ahˇ haw luꞈ˗eu lehˇ aˬ joˆ˗ehˇ jah ziꞈ nya˗eu nga?

Jaˇliꞈ˗ahˇ Yeˬhawˇbaˬ nawˇ maˬ dehꞈ le mi naˆ˗ahˇ nawˬ˗ahˇ siˬ nya˗eu meh lehˇ ehˇ˗eu meh. Aˬ yawꞈ nawˬ˗euˬ shaˇ dawˬ˗ahˇ naˇ haˬ˗awˇ nawˇ aˬ jeˬ noeˬ˗awˇ aˬ joˆ˗ehˇ gʼeh luꞈ˗eu lehˇ siˬ nya˗eu uˬ taꞈ, nawˬ neh mˇ˗euˬ jeˬ aˬ yawꞈ˗ahˇ jiˇ deuˬ˗eu meh. (1 Laˬsaˬbaˬ 28:9; Dawˬdaˬ 27:11) Aˬ yawꞈ nawˬ˗ahˇ aˬ yawꞈ jawˇ gaˇ sheuˬ laꞈ˗euˬ meh.—w20.02, myaˆ pyawˬ 12.

Aˬ dui aˬ geu ngeh ya ngehˬ˗awˇ aˬ geu ngeh ciˬ cuˇ ni jawˇ paˬ˗ehˇ gʼeh˗eu nga?

Aˬ dui Yeˬhawˇbaˬ˗euˬ gaˇ kawˆ laˬ kʼaˬ tiˬ cehˇ ngehˬ˗eu ma. Kʼoeˇ naˇ tiˬ gʼaˬ paˬ huiˬ˗eu iˬ baˇ mˇ paˬ˗ehˇ gʼeh ngeh jiˇ aˬ yawꞈ maꞈ˗ahˇ ehˇ nehˬ˗iˇ˗eu ma. Aˇ muˇ˗ahˇ sheuˬ gʼeh˗eu deuˬ, loˬ naˇ tiˬ gʼaˬ na˗ahˇ nui noeˬ nui duˇ ya biꞈ˗eu meh. Ehˇ kʼawꞈ, aˬ dui tsaꞈ gaˬ˗eu gaˇ˗ahˇ laˆ naˬ taˬ˗euˬ miˇ kʼahˬ gaˇ kawˆ maˬ ngehˬ˗eu uˬ taꞈ, mehˇ nmˇ deuˬ˗ahˇ jiˇ maˬ naˇ haˬ. Aˬ dui ya zaꞈ taˬ˗eu gaˇ kawˆ˗ahˇ maˬ ngehˬ keuˆ.—w20.03, myaˆ pyawˬ 20-21.

Yawˇlaˆ yaw hui 2 laꞈ kʼoeˇ ngehˬ keuˆ taˬ˗euˬ nyehˇ bahˇ baˬ maꞈ, Pah mehˬ˗eu yaw huiˬ 9-ahˇ ngehˬ keuˆ taˬ˗euˬ nyehˇ bahˇ baˬ maꞈ nehˬ˗ehˇ aˬ joˆ˗ehˇ beu gaˇ˗eu nga?

Yawˇlaˆ 2:20-29-ahˇ Miˬyehˇ nyehˇ bahˇ baˬ maꞈ˗ahˇ teh byoˆ˗awˇ aˬ yawꞈ maꞈ neh laˆ cawˆ˗euˬ jeˬ˗ahˇ tsoeˬ kʼoꞈ nehˬ ma lehˇ ehˇ˗eu meh. Kʼoeˇ naˇ Miˬyehˇ aˬ yawꞈ˗euˬ yaw sahˇ shehˆ daˆ nehˬ˗euˬ meh. Maˬ keuˆ laˇ miˇ ehˇ taˬ dawˬ heu tiˬ deuˬ dawˬ na Baˬbuˇloˬ˗euˬ guiˇ maꞈ Iˇsaˬleˬlaˆ deuˬ˗ahˇ deuˆ laˇ ngeh hawˇ˗eu teu˗euˬ jeˬ nah byah laˇ˗euˬ meh. Ehˇ kʼawꞈ, Pah mehˬ˗eu 9:1-11 laꞈ kʼoeˇ˗euˬ nyehˇ bahˇ baˬ maꞈ naˇ, Miˬyehˇ˗ahˇ muiˇ˗eu deuˬ˗ahˇ kʼehˬ gaˇ duˇ˗eu, Miˬyehˇ haiˬ˗eu miˇ tsaˬ heu˗ahˇ yaˇ kʼaˬ daˇ˗eu gaˇ kawˆ tsaꞈ gaˬ˗eu nymˬ˗mˇ iˬ nah˗euˬ tseˇ doˆ taˬ˗euˬ deuˬ˗ahˇ ehˇ mawꞈ˗eu meh.—w20.04, myaˆ pyawˬ 3-6.

Nymˬ˗mˇ iˬ nah˗euˬ laꞈ taˆ paw˗euˬ sahˬ paˬ aˬ suˇ gʼaˬ nga?

Laˇsiˬ˗yaˬ hawˇ˗eu aˬ yawꞈ jawˇ paw pyawˬ˗eu miˇ kʼahˬ deuˬ meh. Aˬ yawꞈ maꞈ Miˬyehˇ˗euˬ tsawˇ haˬ deuˬ nehˬ˗ehˇ taꞈ˗awˇ tsaꞈ gaˬ˗eu gaˇ˗ahˇ laˆ naˬ˗eu uˬ taꞈ, Saˇ kiˇ deuˬ˗ahˇ jiˇ bye˗eu meh. Laꞈ taˆ paw˗euˬ sahˬ paˬ hawˇ˗eu laꞈ oˆ paw˗euˬ sahˬ paˬ deuˆ ceh ceh˗awˇ nymˬ˗mˇ iˬ nah jiˇ deuˆ luꞈ˗eu meh.—w20.05, myaˆ pyawˬ 13.

“Miˬyehˇ˗euˬ yaw sahˇ laꞈ kʼoeˇ siˬ le˗eu aˇ siˬ” Gaˬlaˬtiˆ 5:22, 23 laꞈ kʼoeˇ ahˇ˗eu seuˆ dzeuꞈ aˇ gʼehˇ heu deuˬ tehꞈ nga laˬ?

Maˬ ngeuˇ˗a. Miˬyehˇ˗euˬ muiˬ˗eu shawˇ˗eu yaw sahˇ aˬ dui˗ahˇ seuˆ dzeuꞈ aˇ gʼehˇ nui deuˬ jiˇ ahˇ ni caw ba nehˬ˗eu meh. Yaw jeˬ ma jeˬ, yaw tsaˬ yaw dawˇ jeˬ. (Eˇpeˇsu 5:8, 9)—w20.06, myaˆ pyawˬ 17.

Nawˬ neh iˇteuꞈnehꞈ laꞈ kʼoeˇ yuˇ daˆ˗euˬ jeˬ, nawˬ˗ahˇ aˬ joˆ˗ehˇ deuˬ laˇ nya˗eu nga?

Nawˬ neh yuˇ daˆ˗euˬ jeˬ aˬ cawˬ deuˬ˗ahˇ nawˇ taˬ aw˗eu tsawˇ haˬ pyeuꞈ˗eu maˬ ngeuˇ˗eu, kʼahˬ sehˇ jehˆ˗eu tsawˇ haˬ pyeuꞈ˗eu lehˇ bi noeˬ leˇ nya˗eu meh.—w20.07, myaˆ pyawˬ 6-7.

Ka li zaˬ deuˬ ngaˬ shaˬ poˆ˗eu yaw nya deuˬ˗ahˇ neh aˬ jeˬ dzaw geuꞈ nya˗eu nga?

Ngaˬ shaˬ poˆ˗eu yaw nya deuˬ ngaˬ shaˬ gʼawˬ mya ni jawˇ˗eu aˇ yamˬ hawˇ˗eu jawˇ duˬ˗ahˇ poˆ˗iˇ˗eu meh. Aˬ yawꞈ maꞈ tsaˬ leˇ˗eu keu ka deuˬ˗ahˇ zmˬ˗awˇ, maˬ duˬ maˬ ciˇ˗ehˇ gʼeh ngeh kʼawꞈ kʼaˬ duˬ ni gaˇ mˇ˗eu meh. Aˬ dui jiˇ tsaꞈ gaˬ ngeh teu loꞈ˗ehˇ jahˇ nya˗eu meh.—w20.09, myaˆ pyawˬ 5.

Aˬ dui Jaˇliꞈ dzaw zaˬ deuˬ Yeˬhawˇbaˬ˗ahˇ gaˬ dzehˬ laˇ ni aˬ joˆ˗ehˇ caw ba nya˗eu nga?

Aˬ dui dzaw zaˬ deuˬ˗ahˇ yawˬ nah na luꞈ Jaˇliꞈ gui lehˇ gʼaˬ biꞈ˗awˇ, aˬ yawꞈ maꞈ˗ahˇ yawˬ ha neh ya gui˗euˬ jeˬ˗ahˇ shaˇ noeˬ shaˇ sawˇ˗awˇ, guiˬ lahˬ jiˇ shaˇ ni caw ba nehˬ nya meh.—w20.11, myaˆ pyawˬ 4.

‘Tsawˇ haˬ dawˬ tawˆ luꞈ, Ka li˗ahˇ taꞈ leˇ˗eu laꞈ kʼoeˇ paˇ ya gʼoꞈ dehꞈ laˇ’˗eu aˬ geu deuˬ nga?—1 Gawˇliˬtu 15:22.

Gʼaˬ kʼehˇ Pawˇluꞈ tsawˇ haˬ zaˬ yawˬ gʼaˬ na luꞈ ya gʼoꞈ dehꞈ laˇ meh lehˇ maˬ ehˇ˗a. Aˬ yawꞈ ‘muiˬ˗eu shawˇ˗eu tsawˇ haˬ bi geuꞈ˗eu gʼaˇ duˬ bi kuˇ doˆ˗awˇ, Sahˬpaˬ Yeˬsuˇ Ka li˗ahˇ uˬ duˬ kʼaˇ tahˬ˗eu’ tseˇ doˆ taˬ˗euˬ Ka li zaˬ deuˬ˗ahˇ ngehˬ keuˆ luꞈ˗eu meh. (1 Gawˇliˬtu 1:2; 15:18)—w20.12, myaˆ pyawˬ 5-6.

Tseˇ doˆ taˬ˗euˬ deuˬ ‘aˇ saˬ saˬ˗eu daˇ heh teˇ saˇ mahˇ laˇ ngeh, tiˬ kʼehˇ laˇ kʼehˬ myaˆ nuiˆ kʼoˆ tehˆ tiˬ tehˆ laꞈ kʼoeˇ paˇ laˇ jiˇ’ gʼaˬ naˇ, aˬ jeˬ jahˇ˗eu nga?—1 Gawˇliˬtu 15:51-53.

Aˬ yawꞈ maꞈ Yeˬsuˇ nehˬ˗ehˇ tsawˇ jeuˬ dawˬ tawˆ luꞈ kʼoeˇ taˆ shmˇ gawˬ yoeˬ neh uˆ lahˇ˗eu meh. (Pah mehˬ˗eu 2:26, 27)—w20.12, myaˆ pyawˬ 12-13.