Yeˬhawˇbaˬ˗euˬ Saˇ kiˇ deuˬ˗euˬ poˆ tseˇ˗eu keu ka paˇ dmˬ laꞈ kʼoeˇ ahˇ˗eu dzawˇ nehˬ taˬ˗euˬ jeˬ heu naˇ, nawˬ˗ahˇ Jaˇliꞈ˗ahˇ gʼoˆ shaw dzehˬ laˇ ni caw ba nehˬ nya˗eu meh. Paˇ dmˬ teu laꞈ kʼoeˇ gʼawˬ mya jeˬ˗euˬ gaˇ kawˆ ahˇ˗eu meh. Yaw jeˬ ma jeˬ, teu deuˆ nehˬ˗ehˇ taꞈ˗eu gaˇ hu pyeuꞈ yaꞈ˗euˬ jeˬ gaˇ kawˆ jiˇ ahˇ˗awˇ, aˬ jeˬ miˇ neh boꞈ˗euˬ, aˬ suˇ gʼaˬ˗euˬ gʼaˇ duˬ boꞈ˗euˬ lehˇ jiˇ ahˇ˗eu uˬ taꞈ, teu dawˬ˗euˬ ehˇ mawꞈ˗eu dawˬ tsuiꞈ jiˇ ahˇ˗eu meh.

Poˆ tseˇ˗eu keu ka heu Loꞈ˗eu nymˇgoˇ awˆlai sahˬ boꞈ taˬ duˬ hawˇ˗eu JW Laiˇbaˬliˬ ehˆ laꞈ kʼoeˇ jiˇ ahˇ˗eu meh. Jaˇliꞈ aˇ deuˆ˗ahˇ iˇ naˇ teu deuˆ nehˬ˗ehˇ taꞈ˗eu gaˇ kawˆ deuˬ gaˇ dzeˇ paw doˆ laˇ˗eu poˆ tseˇ pyehˆ tseˇ˗eu jeˬ˗ahˇ haw nya meh.

Nawˇ sahˬ boꞈ teu deuˬ˗ahˇ haw ngeh, doˆ saˬ saˬ laˇ˗euˬ aˬ geu hmˬ nga lehˇ haw. Aˬ myah myah naˇ doˆ saˬ saˬ laˇ˗euˬ kawˆ laꞈ taˆ taˆ saˬ jaˆ˗eu meh. Laꞈ oˆ jaˆ˗eu gaˇ kawˆ deuˬ kʼawꞈ teu deuˆ˗ahˇ dzawˇ nehˬ˗eu jeˬ pyeuꞈ meh. Ehˇ kʼawꞈ tiˬ jeˬ na˗aˬ, laˆ poˆ laˆ paˇ mˇ dzeuˇ˗euˬ kʼawꞈ pyeuꞈ nya meh.

• Aˬ myah myah naˇ Loꞈ˗eu nymˇgoˇ awˆlai sahˬ boꞈ taˬ duˬ laꞈ kʼoeˇ Yeˬhawˇbaˬ˗euˬ Saˇ kiˇ deuˬ˗euˬ poˆ tseˇ˗eu keu ka daoˇloˆ maˬ loˬ ni ahˇ dzeuˇ taˬ˗euˬ meh.

• JW Laiˇbaˬliˬ ehˆ laꞈ kʼoeˇ naˇ nawˇ Yeˬhawˇbaˬ˗euˬ Saˇ kiˇ deuˬ˗euˬ poˆ tseˇ˗eu keu ka ya daoˇloˆ ahˇ˗eu meh. Ya amˇde naˇ kʼawꞈ Jaˇliꞈ gaˬ naˇ yaw huiˬ aˬ geu hmˬ˗ahˇ maˬ kaˬ poˆ tseˇ pyehˆ tseˇ˗eu tsahˇ˗ahˇ toeˬ˗awˇ, amˇde nya meh.