Miˬ sawˇ yo zaˬ tiˬ gu uˬ shawˬ yawˬ shawˬ na luꞈ mehˇ nmˇ deuˬ˗euˬ dehꞈ ziˇ gaˇ kawˆ tiˬ kawˆ gui˗eu meh. Aˬ yawꞈ nyaꞈ ehˇ˗eu “Nga nyaꞈ mehˇ nmˇ deuˬ˗euˬ dehꞈ ziˇ gaˇ kawˆ ya gui gaˇ ya leˇ dui dui˗eu ma. Teu˗ahˇ gui ngeh nga nyaꞈ˗ahˇ gʼaˬ ahˇ laˇ˗awˇ, laˬ kʼaˬ cehˇ laˇ˗eu uˬ taꞈ, dehꞈ ziˇ laꞈ kʼoeˇ aˬ jeˬ keuˆ le˗euˬ kʼawꞈ nga nyaꞈ jiˇ saˇ jaˇ ziꞈ nya ngaˇ lehˇ bi noeˬ laˇ˗eu miˇ neh ma.” Toˆ˗ehˇ noeˬ˗eu mehˇ nmˇ aˬ buˇ dzaˇ˗i tiˬ gʼaˬ jiˇ heu loꞈ˗ehˇ ehˇ˗eu meh. “Ngaˬ˗ahˇ mehˇ nmˇ deuˬ˗euˬ dehꞈ ziˇ gaˇ kawˆ ya gui ngeh, gʼaˬ ahˇ laˇ˗awˇ nui ma laꞈ kʼoeˇ lmˇ boˬ ni gʼeh laˇ nya. Mehˇ nmˇ teu deuˬ naˇ Miˬyehˇ˗euˬ gaˇ˗ahˇ leh jeh dui dui˗awˇ yaw dehꞈ dehꞈ˗eu jiˇ Miˬyehˇ gʼaˇ duˬ dehꞈ˗eu meh. Teu naˇ zawˇ˗ehˇ aˇ poeˬ baw˗eu jeˬ pyeuꞈ ngaˇ. Teu naˇ ngaˬ˗ahˇ Miˬyehˇ˗euˬ gaˇ˗ahˇ leh jeh dzehˬ laˇ ni laˆ noeˬ nehˬ laꞈ˗awˇ, ngaˬ˗euˬ zaˬ˗ahˇ Miˬyehˇ˗euˬ gaˇ˗ahˇ tiˬ byah tiˬ loꞈ bi mˇ˗eu gʼaˇ duˬ gʼaˬ biꞈ ni jiˇ laˆ noeˬ nehˬ laꞈ nya.”

Mehˇ nmˇ deuˬ˗euˬ dehꞈ ziˇ gaˇ kawˆ heu naˇ, nawˬ˗ahˇ jiˇ Yeˬhawˇbaˬ˗euˬ gaˇ˗ahˇ mˇ nya dzehˬ laˇ ni, yawˬ ha˗euˬ gʼaˬ baˬ˗eu jeˬ˗ahˇ deuˆ gʼaˬ nya ni, shaˬ zahˬ˗ahˇ kamˬ daˬ coeˇ ni, laˬ kʼaˬ cehˇ nya ni, yawˬ ha˗ahˇ nui kʼahˇ shiˇ ni, caw ba nehˬ nya meh. Aˬ dui gaˇ kawˆ heu aˬ gaˇ poˆ gui nya˗eu nga?

• jw.org gʼoeˇsaiˇ laꞈ kʼoeˇ hawˇ˗eu JW Laiˇbaˬliˬ˗ahˇ “Yeˬhawˇbaˬ˗euˬ Saˇ kiˇ deuˬ˗euˬ dehꞈ ziˇ gaˇ kawˆ” lehˇ ehˇ˗eu jaˆ tawꞈ˗eu gaˇ kawˆ˗ahˇ haw.

• Loꞈ˗eu nymˇgoˇ awˆlai sahˬ boꞈ taˬ duˬ laꞈ kʼoeˇ poˆ lehˇ boꞈ taˬ˗euˬ gaˇ “Yeˬhawˇbaˬ˗euˬ Saˇ kiˇ deuˬ˗euˬ dehꞈ ziˇ gaˇ kawˆ” lehˇ boꞈ˗awˇ neh poˆ.