Yeˬhawˇbaˬ Jaˇliꞈ laꞈ kʼoeˇ˗euˬ yaw tsaˬ yaw dawˇ jeˬ˗ahˇ gaˇ hu naˆ maˬ tseˇ pah mehˬ luꞈ˗eu aˇ yamˬ˗ahˇ aˬ dui yaw dehꞈ ya dehꞈ luꞈ˗eu miˇ neh, nui ma cehˇ tahˬ tahˬ dui dui laˇ paˬ˗ehˇ gʼeh˗eu meh. (Daˬyeˬlaˇ 12:4) Ehˇ kʼawꞈ aˬ dui˗ahˇ Jaˇliꞈ laꞈ kʼoeˇ˗euˬ gʼoˆ shaw paˇ˗euˬ jeˬ˗ahˇ teh miˇ˗eu lehˇ ehˇ˗eu heu naˇ yaw shaˬ nya lehˇ noeˬ laˇ nya˗eu meh. Aˬ dui laˆ poˆ laˆ paˇ˗euˬ jeˬ˗ahˇ dzawˇ nehˬ taˬ˗euˬ jeˬ aˬ gaˇ poˆ mawˇ nya˗eu nga?

• Gʼawˇ˗ciˬtaoˬbeuˇ˗euˬ paˇ dmˬ deuˬ toeˬ mehˬ˗eu jeˬ lehˇ ehˇ˗eu paˇ dmˬ laꞈ kʼoeˇ (Gaˬ laˬ pyuˇ dawˬ) “Beliefs Clarified” lehˇ ehˇ˗eu uˬ dzah˗ahˇ aˬ yawꞈ kʼoꞈ yawꞈ˗euˬ laˆ poˆ laˆ paˇ˗euˬ jeˬ hawˇ˗eu gʼoˆ shaw paˇ˗euˬ jeˬ ahˇ˗eu meh. Gʼoˆ shaw paˇ saˬ saˬ˗euˬ hmˬ laꞈ taˆ taˆ saˬ jaˆ˗eu meh. Nawˇ gaˇ kawˆ uˬ dzah deuˬ poˆ mawꞈ naˇ, Gʼawˇtaˬbeuˇ Laiˇbaˬliˬ hawˇ˗eu Loꞈ˗eu nymˇ goˇ awˆlai sahˬ boꞈ taˬ duˬ˗ahˇ poˆ˗eu lehˇ boꞈ taˬ˗euˬ gaˇ “understanding clarified” lehˇ boꞈ ahˇ˗awˇ poˆ. (Seuˬ dzmˇ jiˇ boꞈ ahˇ)

• Yeˬhawˇbaˬ˗euˬ Saˇ kiˇ deuˬ˗euˬ poˆ tseˇ˗eu keu ka laꞈ kʼoeˇ gaˇ kawˆ aˬ yawꞈ kawˆ yawꞈ˗ahˇ poˆ tseˇ nya˗eu gʼaˇ duˬ lehˬ hmˬ taˬ˗euˬ meh. “Yeˬhawˇbaˬ˗euˬ Saˇ kiˇ deuˬ” lehˇ boꞈ taˬ˗euˬ gaˇ iˇ˗awˇ, “Jah˗eu jeˬ” lehˇ boꞈ taˬ˗euˬ gaˇ˗iˇ.

Nawˇ yawˬ haˇ yawˬ ha Jaˇliꞈ pyehˆ tseˇ˗eu lehˇ gʼeh naˇ, Jaˇliꞈ laꞈ kʼoeˇ˗euˬ gaˇ kawˆ tiˬ kawˆ na˗ahˇ gʼoˆ shaw paˇ saˬ saˬ˗euˬ hmˬ˗ahˇ pyehˆ tseˇ haw˗eu maˬ ngeuˇ maˇ˗iˬ. Teu kawˆ˗ahˇ aˬ jeˬ miˇ neh laˆ poˆ laˆ paˇ˗euˬ nga lehˇ jiˇ pyehˆ tseˇ haw˗eu maˬ ngeuˇ maˇ˗iˬ. (Taiˬ hawˇ˗eu Mam dawˬ˗ahˇ haw nya meh.)