Jaˇliꞈ gui ngeh ya gui˗euˬ jeˬ˗ahˇ gʼoˆ shaw dzehˬ laˇ˗eu gʼaˇ duˬ keu ka gʼawˬ mya jeˬ˗ahˇ zmˬ˗awˇ poˆ tseˇ nya meh. Ehˇ kʼawꞈ aˬ dui zaˬ siˬ nui gahˇ lahˬ laˇ˗eu gʼaˇ duˬ tehꞈ˗ehˇ poˆ˗eu maˬ ngeuˇ ni, Miˬyehˇ˗ahˇ gaˬ dzehˬ laˇ˗eu gʼaˇ duˬ, aˬ yawꞈ aˬ joˆ˗ehˇ gʼeh˗eu Miˬyehˇ tiˬ gʼaˬ pyeuꞈ nga lehˇ siˬ nya laˇ ni poˆ paˬ˗ehˇ gʼeh˗eu meh. Teu miˇ neh yawˬ ha˗ahˇ ‘Ngaˇ gui luꞈ˗eu jeˬ heu naˇ, Yeˬhawˇbaˬ nehˬ˗ehˇ taꞈ leˇ˗awˇ aˬ jeˬ mehˬ˗eu nga’ lehˇ naˇ haˬ.

Yaw jeˬ ma jeˬ, aˬ dui gui ngeh Yeˬhawˇbaˬ nui gaˬ, zaˬ siˬ nui gahˇ, yaw tsaˬ yaw dawˇ hawˇ˗eu baoˬ aˬ joˆ˗ehˇ mˇ mawˇ˗eu nga lehˇ yaw muiˬ˗ehˇ haw. Yeˬhawˇbaˬ˗euˬ laꞈ kʼoeˇ seuˆ dzeuꞈ aˇ gʼehˇ teu deuˬ tehꞈ˗ehˇ maˬ ngeuˇ˗eu muiˬ dui dui˗eu seuꞈ dzeuꞈ aˇ gʼehˇ nui deuˬ jiˇ ahˇ˗eu meh. Toˆ˗ehˇ naˇ aˬ dui Yeˬhawˇbaˬ˗euˬ seuˆ dzeuꞈ aˇ gʼehˇ teu deuˬ˗ahˇ aˬ geu gaˇ paˇ poˆ mawˇ nya nga siˬ?

Yeˬhawˇbaˬ˗euˬ Saˇ kiˇ deuˬ˗euˬ poˆ tseˇ˗eu keu ka laꞈ kʼoeˇ “Yeˬhawˇbaˬ Miˬyehˇ” lehˇ ehˇ˗eu uˬ dzah˗ahˇ iˇ˗awˇ, “Yeˬhawˇbaˬ˗euˬ seuˆ dzeuꞈ aˇ gʼehˇ” lehˇ ehˇ˗eu uˬ dzah zaˬ˗ahˇ iˇ. Jiˇ naˇ nawˬ neh gui˗euˬ gaˇ kawˆ nehˬ˗ehˇ tsaˬ leˇ˗eu seuˆ dzeuꞈ aˇ gʼehˇ deuˬ˗ahˇ tseˇ˗awˇ gui. (Taiˬ hawˇ˗eu Mam dawˬ˗ahˇ haw nya meh.)